1 Rey 10:25 - Kaqchiquel Bible

²⁵ Konojel ri ye'apon rik'in kik'ualon k'a apo sipanik ri nalex pa kánima, richin nikiya' chire. Yekiyala' k'a saqipueq, q'anapueq ri jalajoj rubanik banon chire, chuqa' tzieq, kamisabel, jubulej taq aq'om, kiej y bur. Y kan kere' k'a xbanatej ronojel juna'.

1 Rey 10:25 ပူးပေါင်းရင်းမြစ်များ

San Mateo 2:11

Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

Ez 27:14

Ri winaqi' aj-Bet-togarmá yepe richin ye'oloq'on-el rik'in, rije' nikiya' kan ri kikiej e richin samaj y kiej e richin labal y ri kowilej taq kiej.

Wuj Richin ri Isaías 66:20

Y chirij ronojel re' xkekimol konojel ri iwinaq ri kitalun-ki' chupan ch'aqa' chik ruwach'ulew, y xkekik'en-pe richin jun sipanik chuwe yin. Rije' kan xkekik'en-pe chikij kiej, pa carruaje, chikij kowilej taq kiej y chikij camello. Y xkekik'en-pe pa nujuyu' ri k'o pa Jerusalem. Yin Jehová ri yibin. Ronojel re' kan achi'el nikiben ri iwinaq israelita toq nikik'en-pe pa wachoch ri kisipanik richin jalajoj ruwech ixin pa taq ch'ajch'oj k'ojelibel.

Wuj Richin ri Isaías 36:16

Man tiwak'axaj ri Ezequías. Más utz tiwak'axaj ri nu-rey, y tijunamatej-iwech rik'in, y kan tijacha-iwi'. Y wi keri' xtiben, chi'ijujunal rix kan xtiqum ri vino ri nel-pe pan itiko'n rix; kan xtiwux ruwech ri iwíkix; y chuqa' kan xtiqum ri iya' chupan ri i-pozo,

Wuj Richin Bix Chire ri Dios 72:15

¡Tik'ase' k'a ri rey y tiya'ox chire ronojel ri q'anapueq ri nipe pa Sabá! Jantape' k'a tiban ch'owen pa ruwi' rija'; beneq k'a ruwech tinimirisex ri ruq'ij.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

Wuj Richin ri Achin Job 42:11

Xeri' xe'apon k'a rik'in ri Job konojel ri rach'alal, chi achi'a' chi ixoqi', chi ch'uti'q chi nima'q; y kan xe'apon k'a chuqa' konojel ri e etamayon ruwech y kan xkiben k'a jun nima-wa'in rik'in ri chiri' pa rachoch. Kan xkik'ut k'a chuwech chi kan nikijoyowaj ruwech y nikikuqubala' ruk'u'x chire ronojel ri ruk'ayewal ri xuya' ri Jehová pa ruwi'. Y chikijujunal rije' xkiya' juba' méro chire y jujun retz'aba'l rutza'n ri banon rik'in q'anapueq.

Ester 8:14

Ri e ya'ol rutzijol xekich'okolibej-el kiej ri janila yebiyin richin chi'anin xkik'uaj-el ri utzilej rutzijol ri xuya-el ri rey, y re' xtalutej chupan chijun ri tinamit Susa.

Ester 8:10

Ri wuj ri' xtz'ibex-el pa rubi' ri rey Asuero y xtz'apex-el-rij rik'in ri retal ri ruq'atbal-tzij ri k'o chuwi-ruq'a' ri rey. Y ri xe'uk'uan-el ri wuj ri', xech'oke-el chikij kiej ri kan janila yebiyin, richin xbekiya' ri rutzijol chi'anin.

Wuj Richin ri Esdras 2:66

Ri kikiej e 736; ri kowilej taq kikiej e 245;

2 Crón 26:8

Ri aj-Amón xkiya' k'a ri kan k'o chi nikitoj chire ri Ozías. Ri rutzijol ri rubanobal ri Ozías kan xbe k'a nej-naqaj, y xapon k'a pa ruk'ulba't ri Egipto roma kan xnimer ri ruchuq'a'.

2 Crón 9:24

Chikijujunal ri rey ri ye'apon rik'in kik'ualon k'a sipanik ri nalex pa kánima, richin nikiya' chire. Yekiyala' k'a saqipueq, q'anapueq ri jalajoj rubanik banon chire, chuqa' tzieq, kamisabel, jubulej taq aq'om, kiej y kowilej taq kiej. Y kan kere' xbanatej ronojel juna'.

2 Rey 17:4

Jak'a ri Oseas xa xyakatej chirij rija', y xeruteq rusamajela' rik'in ri So rey richin Egipto, richin xuk'utuj to'onik. Chuqa' kan man rutojon ta ri k'o chi nutoj chire rija' achi'el ri rubanon-pe ronojel juna'. Y toq ri Salmanasar xunabej chi ri Oseas yakatajineq chirij, jari' toq xuchop, xuxim rik'in cadena y xuya' pa cárcel.

1 Rey 18:5

y xubij chire: Jo', tibeqatz'eta' chupan chijun ruwach'ulew akuchi ek'o-wi ri ralaxbal taq ya' y akuchi ek'o ri ch'uti'n raqen taq ya'. Rik'in juba' xa niqil q'os kichin ri kiej y ri bur richin man yeken ta roma wayjal, roma wi man xtiqaben ta keri', xa kan man jun chik qakiej xtik'ase' kan, xcha'.

1 Rey 10:10

Ri reina xusipaj chire ri rey, jumuch' wuqu' quintal q'anapueq, janila chi jubulej taq aq'om, jebelej taq abej ri kan man jun bey tz'eton ta. Kan man jun bey ri k'o ta pe pan Israel pa ruk'iyal ri jubulej taq aq'om achi'el ri xusipaj ri reina richin Sabá chire ri rey Salomón.

1 Rey 1:33

rija' xubij chike: Ke'iwoyoj konojel e nima'q taq nusamajela', y tich'okoba-el ri nuk'ajol Salomón chirij ri nubur, y kixbiyin-qa pa ralaxbel-ya' Guihón.

2 Sam 8:10

jari' toq xuteq-el ri ruk'ajol rubini'an Joram rik'in ri rey David, richin xberuq'ejela'. Y xberubij utzilej taq ch'abel chire roma xtikir xuch'ek ri Hadad-ézer, roma ri Toi etzelanel chuqa' richin ri Hadad-ézer. Ri Joram ruk'uan k'a el jalajoj ruwech samajibel ri banon rik'in saqipueq, q'anapueq y ri banon rik'in q'enq'oj-pueq richin nusipaj chire ri David.

2 Sam 8:2

Y xeruch'ek chuqa' ri aj-Moab, y xuben chike ri aj-labal chi xejupe-qa pan ulew pa jun cholaj. K'ari' xuben chi ri ruwinaq xkirik' jun kolo' pa kiwi', y xretaj jun tzobaj ri aj-Moab. Y ri achi'a' ri' xekolotej-el. K'ari' xretaj chik ka'i' mul, y janipe' chike ri achi'a' ri e jupul chuxe' ri kolo', jari' ri xekamisex. Keri' xuben chike k'a xeruk'is na konojel ri e jupul chiri'. Y roma ri' ri aj-Moab xe'ok rusamajela' ri David, y k'o chi xkitoj chire ri k'atzinel.

1 Sam 10:27

Jak'a ri e q'ori' xkibij: ¿Nitikir kami rija' yojrukol?, xecha'. Y kan man xkiya' ta k'a rejqalen y man jun k'a sipanik xkiya' chire. Jak'a ri Saúl xuben chi man xniman ta chike.

Wuj Kichin ri To'onela' 3:15

Y roma ri tijoj-poqonal ri', xesik'in jun bey chik rik'in ri Jehová, y rija' xuben chi xbek'ulun-pe ri achin rubini'an Ehud richin yerukol pa ruq'a' ri rey. Y ri Ehud ruk'ajol ri Guerá, richin ri tzobaj kan ri Benjamín. Y ri Ehud más nukusaj ri rajxokon. Y ri winaqi' israelita xkiteq k'a el ri q'aton pa kiwi', chire ri Eglón rey richin ri Moab y ja ri Ehud xuk'uan-el.

Wuj Richin ri Rutikeribel 36:24

Ri e ralk'ual ri Sibón: Ja ri Aiá y ri Aná. Y re Aná re' ja rija' ri xilo ri ralaxbel-ya' ri k'o pa tz'iran ruwach'ulew, toq e ruchajin ri rubur ri rutata'.

Wuj Richin Bix Chire ri Dios 68:29

Kan k'a chupan ri nimalej awachoch ri k'o pa Jerusalem, akuchi ri e rey richin ch'aqa' chik ruwach'ulew xtikisuj sipanik chawe.

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.