1 Rey 10:22 - Kaqchiquel Bible

²² Chuqa' ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri batz', y chuqa' ri pavo real.

1 Rey 10:22 ပူးပေါင်းရင်းမြစ်များ

1 Rey 22:48

Chuqa' ri Josafat xeruben barco achi'el ri yeban pa tinamit Tarsis, richin yebe pan Ofir richin nibekik'ama' q'anapueq; jak'a xa man xetikir ta xebe roma xa xeyojtej ri chiri' pa tinamit Esión-guéber.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

Wuj Richin Bix Chire ri Dios 48:7

Jehová, rat naben chi rik'in ri kaq'iq' ri nipe pa relebel-q'ij, ye'apaxij ri barco richin ri tinamit Tarsis,

Wuj Richin ri Rutikeribel 10:4

Ri e rijatzul ri Javán jari' ri Elisá, ri Tarsis, ri Quitim y ri Rodanim.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Wuj Richin ri Isaías 60:9

Ja ri barco ri e peteneq roma ja yin xinoyon kichin. Pa nabey e peteneq ri barco richin Tarsis, y e ruk'amon-pe ri iwinaq ri yepe nej. Kik'amon-pe q'anapueq y saqipueq richin nokiya' chuwe yin Jehová ri i-Dios, roma yin ri in loq'olej ri ink'o pan iwi' ri xtinimirisan iq'ij.

Wuj Richin ri Isaías 23:10

Rix aj-Tarsis k'o chi xtisamajij-qa ri iwulew roma man jun chik akuchi niq'axaj-wi ri iloq'oj.

Wuj Richin ri Isaías 23:6

Rix winaqi' ri ixk'o pa taq'aj richin ri Tiro, xkixoq', xkixanimej-el, y xtiwewaj-iwi' pa Tarsis.

Wuj Richin ri Isaías 23:1

Ri Dios xuq'alajirisaj ri xtibanatej pa ruwi' ri tinamit Tiro. Y jare' k'a ri rutzijol: Kixoq' rix aj-Tarsis ri yixuk'uan ri nimalej taq barco, roma kan xtik'is ri tinamit Tiro. Kan man jun chik jay ri xtik'oje' kan, y kan man jun chik akuchi xke'ok-wi-apo ri barco. Toq xketzolej-pe pa Quitim, jari' toq xtiq'ax chikiwech.

Wuj Richin ri Isaías 2:16

ri e nima'q taq che' ri e ya'on chupan ri barco ri ek'o pa Tarsis, y ri ch'aqa' chik jebelej taq barco.

2 Crón 9:21

roma ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri chikopi' ri nibix batz'*f5* chike y chuqa' ri pavo real.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Am 3:15

Xtinwulaj ri jay richin saq'ij y richin job. Xkenk'is chuqa' ri jay ri e wiqon rik'in rey tix. Y xkenwulaj ri jebelej taq jay. Yin Jehová ri yibin.

Ez 27:12

Ri Tiro kan pa ruk'iyal k'a k'ayij k'o rik'in, roma ri' ri ruwach'ulew Tarsis noloq'on-el rik'in. Y ri nikik'en-pe richin nikik'ayij kan chire rija', ja ri saqipueq, ri q'eqapueq, ri estaño y ri chajipueq.

Wuj Richin ri Achin Job 39:13

¿Achike xbanon chire ri avestruz, chi kan rik'in kikoten nusiloj ri ruxik', y chi ri cigueña, chi jebel ok nitzu'un ri ruxik' y jebel ok nuben ri pa kaq'iq'?

1 Rey 10:18

Y ri rey xuben chuqa' jun nimalej rutz'uyubal, y xuben rik'in rey tix, y k'ari' xuya' q'anapueq chirij.

1 Rey 9:26

Chuqa' ri rey Salomón xeruben barco pa tinamit Esión-guéber ri k'o junan rik'in ri tinamit Elat chuchi' ri Kaqa-Palou chupan ri ruwach'ulew Edom.

1 Rey 10:21

Y ronojel qumbel ri richin ri rey Salomón kan e banon rik'in q'anapueq, y keri' chuqa' ri jalajoj ruwech rulaq ri k'o pa rachoch, rubini'an Che' Richin Líbano. Toq ri Salomón xq'aton-tzij, man xukusaj ta saqipueq roma man jun rejqalen.

Ez 27:15

Chuqa' ri winaqi' aj-Rodas y ch'aqa' chik tinamit ri ek'o chuchi' ri palou yepe richin ye'oloq'on rik'in, nikitojbej kan chire rik'in rey tix y chuqa' yekiya' kan che' q'eq.

1 Rey 22:49

Y toq xbanatej re', jari' toq ri Ocozías, ruk'ajol kan ri Acab xubij k'a chire ri Josafat chi tuya' q'ij chi ri rusamajela' rija' yebe kik'in ri rusamajela' ri Josafat chupan ri barco, jak'a ri Josafat man xrajo' ta.