1 Rey 10:21 - Kaqchiquel Bible

²¹ Y ronojel qumbel ri richin ri rey Salomón kan e banon rik'in q'anapueq, y keri' chuqa' ri jalajoj ruwech rulaq ri k'o pa rachoch, rubini'an Che' Richin Líbano. Toq ri Salomón xq'aton-tzij, man xukusaj ta saqipueq roma man jun rejqalen.

1 Rey 10:21 ပူးပေါင်းရင်းမြစ်များ

1 Rey 10:17

Y chuqa' xeruben 300 kokoj tobel y xukusaj k'a oxi' libra q'anapueq richin xuya' chikij jujun tobel. Y ri rey xeruya' k'a re tobel re' ri chiri' pa rachoch ri rubini'an Che' Richin Líbano.

1 Rey 7:2

Jun chike ri jay ri xuben-q'anej ja ri nima-jay ri rubini'an Che' richin Líbano. Re jay re' juwineq wuqu' jaj raqen y oxlajuj jaj rik'in nik'aj ruwech, y waqxaqi' jaj rujotolen. Chupan re jay re' xya'ox oxi' cholaj xata't ri e banon rik'in tiox-che', y pa ruwi' re' e ch'okol tem ri e banon rik'in tiox-che' chuqa'.

1 Rey 10:20

Chikiwech-pe ri ka'i' wachibel ri', k'o chik pe ka'i' cholaj kiwachibel koj, jujun koj pa jujun grada, y keri' kibanon chi ka'i' rutza'n ri grada. Ri kajlabal ri ka'i' cholaj wachibel ri' e kablajuj. Kan man jun chik k'a q'atoy-tzij pan Israel ri xbanon jun tz'uyubel richin q'atbel-tzij achi'el ri xuben rija'.

1 Rey 10:22

Chuqa' ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri batz', y chuqa' ri pavo real.

Wuj Richin ri Zacarías 9:3

Ri aj-Tiro xekibanala' k'a q'anej tz'aq richin tobel, y xkimol saqipueq achi'el xa ta ri poqolaj. Xkimol chuqa' q'anapueq achi'el xa ta ri ch'abeq ri ek'o pa taq bey.

Deut 17:17

Chuqa' man tik'oje' k'iy rixjayil richin man tisach kan ruk'u'x y numestaj kan ri Jehová y chuqa' man tik'oje' pa ruk'iyal q'anapueq y saqipueq rik'in.

Ester 1:7

Keri' chuqa' ronojel ri qumbel vino ri ek'o chiri' e banon rik'in q'anapueq, y ronojel jalajoj kibanikil. Y ri vino kan pa ruk'iyal k'a k'o chiri' achi'el ri rubeyomel ri rey.

Wuj Richin ri Achin Job 28:1

Kan qitzij na wi chi ri saqipueq kan k'o ri akuchi nik'ot-wi, y chuqa' ri q'anapueq kan k'o ri akuchi nitzak-wi, richin nich'ajch'ojirisex,