1 Rey 10:2 - Kaqchiquel Bible

² Y toq ri reina xapon k'a pa tinamit Jerusalem kan e k'iy k'a rusamajela' ri e beneq rik'in, e kik'uan el camello ri kejqalon-el jubulej taq aq'om, q'anapueq pa ruk'iyal y jebelej taq abej. Ri reina xapon k'a rik'in ri Salomón y xtzijon rik'in chirij ronojel ri k'o pa ránima richin xubij chire.

1 Rey 10:2 ပူးပေါင်းရင်းမြစ်များ

Hechos 25:23

Pa ruka'n q'ij, xban k'a jun nimalej k'ulunik chike ri Agripa y ri Berenice. Rije' e kachibilan-el ri achi'a' ri ek'o pa kiwi' ri aj-labal y ri achi'a' ri nima'q kiq'ij ri chiri' pa Cesarea, toq xe'ok-apo chupan ri jay ri richin molojri'il. K'ari' ri Festo xuteq ruk'amik ri Pablo.

San Lucas 24:15

Toq beneq k'a kánima rik'in ri kitzij ri e beneq, y rik'in ri nikik'utula' k'a chikiwech qa rije', ri Jesús xuben k'a chi xeberuq'i', y junan xebe.

Wuj Richin Bix Chire ri Dios 4:4

Tik'oje' k'a rukiy ri Dios chiwech y man chaq yixmakun. Toq ix kotz'ol y silan-silan chik, tiquqa' pa taq iwánima ri ibanobal chuwech rija'.

Wuj Richin ri Achin Job 4:2

Yin ninch'ob chi man utz ta xtana' ri yich'on-apo awik'in. Jak'a xa man ruk'amon ta chi ri ch'abel ri nuk'amon-pe pa wánima nitzolin chik el wik'in.

2 Rey 20:13

Y ri Ezequías, kan xeruk'ul k'a apo y xuk'ut chikiwech ri jay yakonabel richin ri rubeyomel. Xuk'ut k'a ronojel ri saqipueq, ri q'anapueq, ri jubulej taq aq'om y ri aceite jebel ch'ajch'oj. Chuqa' xuk'ut chikiwech ri jay ri akuchi yeyak-wi ri kamisabel. Y kan man jun k'a ri k'o chupan ri rachoch ri man ta xuk'ut chikiwech. Chuqa' xuk'ut ronojel ri k'o pa rajawaren.

2 Rey 5:9

Chirij ri' xapon k'a ri Naamán chuchi' ri rachoch ri Eliseo y e ruk'uan k'a el ri rukiej y ri ru-carruaje. Y ri Naamán xbepa'e' chiri' chuchi' ri jay.

2 Rey 5:5

Y ri rey richin Siria xubij chire ri Naamán: Kabiyin, y yin xtinteq-el jun wuj chire ri rey richin Israel richin xkaruk'ul chi utzil, xcha'. Keri' xbe ri Naamán pa ruwach'ulew Israel, y xuk'uaj-el jubama wuqu' quintal saqipueq, jun quintal rik'in nik'aj q'anapueq y lajuj jal tzieq.

1 Rey 10:10

Ri reina xusipaj chire ri rey, jumuch' wuqu' quintal q'anapueq, janila chi jubulej taq aq'om, jebelej taq abej ri kan man jun bey tz'eton ta. Kan man jun bey ri k'o ta pe pan Israel pa ruk'iyal ri jubulej taq aq'om achi'el ri xusipaj ri reina richin Sabá chire ri rey Salomón.

Ex 25:6

Utz chuqa' nikik'en-pe aceite richin yetzije' ri candil, chuqa' mololen taq aq'om richin niban ri aceite richin cha'onri'il y ri jubulej taq aq'om richin niban ri pom,

Wuj Richin ri Rutikeribel 18:33

Toq ri Jehová xtane' kan richin nitzijon rik'in ri Abraham, rija' xbe, y ri Abraham xtzolin-el pa rachoch.

1 Rey 10:3

Ri rey Salomón kan xtikir xubij ronojel ri xuk'utuj ri reina chire y man jun k'ayew xuben chuwech richin xuchol ronojel chire.

Wuj Richin ri Isaías 30:6

Pa ruwi' ronojel re' k'o chik jun rutzijol ri ninya' pa kiwi' ri chikopi' ri ek'o pa tz'iran ruwach'ulew ri k'o pa xokon. Ri itaqonela' nikik'uaj ri ibeyomel chikij ri taq bur y ri camello richin xebe pan Egipto. Nikiq'axaj ri jun ruwach'ulew re akuchi xaxe janila ruk'ayewal y k'ayew ri k'o. Nikiq'axaj jun ruwach'ulew akuchi ruyon koj, kumatzi' y nima'q taq kumatzi' ri yexik'an pa kaq'iq'. Jak'a ri aj-Egipto kan man jun to'onik ri xtikiya' chiwe.

Ez 27:22

Ri loq'onela' richin ri tinamit Sabá y ri Raamá ye'oloq'on chuqa' rik'in. Y nikitojbej kan rik'in jubulej taq aq'om, jebelej taq abej y q'anapueq.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.