1 Rey 10:17 - Kaqchiquel Bible

¹⁷ Y chuqa' xeruben 300 kokoj tobel y xukusaj k'a oxi' libra q'anapueq richin xuya' chikij jujun tobel. Y ri rey xeruya' k'a re tobel re' ri chiri' pa rachoch ri rubini'an Che' Richin Líbano.

1 Rey 10:17 ပူးပေါင်းရင်းမြစ်များ

1 Rey 7:2

Jun chike ri jay ri xuben-q'anej ja ri nima-jay ri rubini'an Che' richin Líbano. Re jay re' juwineq wuqu' jaj raqen y oxlajuj jaj rik'in nik'aj ruwech, y waqxaqi' jaj rujotolen. Chupan re jay re' xya'ox oxi' cholaj xata't ri e banon rik'in tiox-che', y pa ruwi' re' e ch'okol tem ri e banon rik'in tiox-che' chuqa'.

1 Rey 14:26

Ri aj-labal richin Egipto xkik'uaj-el ronojel ri beyomel richin ri rachoch ri Jehová, y chuqa' ronojel ri beyomel richin ri rachoch ri rey. Chuqa' xekik'uaj k'a el ri tobel ri e banon rik'in q'anapueq ri rubanon kan ri rey Salomón.

2 Crón 12:9

Toq ri Sisac, rey richin Egipto, xok chupan ri tinamit Jerusalem, ri aj-labal richin Egipto xkik'uaj-el ronojel ri beyomel richin ri rachoch ri Jehová, y chuqa' ronojel ri beyomel richin ri rachoch ri rey. Chuqa' xekik'uaj k'a el ri tobel ri e banon rik'in q'anapueq ri rubanon kan ri rey Salomón. Kan ronojel k'a ri k'o rejqalen ri k'o chiri' pa Jerusalem xkik'uaj-el.

Wuj Richin ri Isaías 22:8

Chupan ri q'ij ri' ri Judá man jun chik xtito'on richin. Rix aj-Jerusalem ja rix ri xkixelesan-el ri tobel ri ek'o chupan ri jay ri rubanon kan ri Salomón. Y kan xtikuquba' ik'u'x rik'in ri kamisabel ri'.