1 Rey 10:12 - Kaqchiquel Bible

¹² Rik'in ri sándalo, ri rey xeruben grada chire ri rachoch ri Jehová y chire ri rachoch rija'. Chuqa' rik'in ri che' ri' xeruben q'ojom ri rubini'an arpa y salterio, kichin ri bixanela'; y ri chiri' kan man jun bey k'a tz'eton jun samaj rik'in ri che' ri' achi'el ri xuben ri Salomón, ni man jun bey chik xtz'et k'a re wakami.

1 Rey 10:12 ပူးပေါင်းရင်းမြစ်များ

1 Crón 23:5

e 4,000 chajinela' richin nikichajij ri ruchi' ri rachoch ri Dios, y e 4,000 chik ri yeya'on ruq'ij ri Dios rik'in jalajoj ruwech q'ojom, ri xuteq kibanik ri David.

2 Sam 6:5

Ri David y ri ch'aqa' chik israelita yetzopilan k'a e beneq, yebixan k'a chuwech ri Jehová rik'in jalajoj ruwech q'ojom.

1 Rey 10:11

Chuqa' ri molaj barco richin ri rey Hiram ri e peteneq pan Ofir, ri kik'amon-pe q'anapueq, kan kik'amon-pe chuqa' k'iy che' ri nibix sándalo chire y jebelej taq abej.

1 Rey 10:13

Y ri rey Salomón xuya' chire ri reina ri achike xrajo' y ri achike xuk'utuj chire. Y ri xuya-el chire kan xik'o k'a ruwi' chire ri ruk'amon pe ri reina. Chirij ronojel re' ri reina xtzolin pa rutinamit e rachibilan-el ri rusamajela'.

2 Crón 9:11

Rik'in ri sándalo, ri rey xeruben grada chire ri rachoch ri Jehová y chire ri rachoch rija'. Chuqa' rik'in ri che' ri' xeruben k'a q'ojom ri rubini'an arpa y salterio, kichin ri bixanela'; y ri chiri' kan man jun bey k'a tz'eton jun samaj rik'in ri che' ri' achi'el ri xuben ri Salomón.