1 Rey 1:9 - Kaqchiquel Bible

⁹ Y k'o k'a jun q'ij ri Adonías xuben k'a jun nimaq'ij y xerukamisaj k'a nima'q y kokoj taq awej, ri kan jebel e ti'oj; y re' xuben chunaqaj ri jun nimalej abej rubini'an Zohélet, ri k'o chunaqaj ri ralaxbel-ya' Roguel. Y xeroyoj k'a konojel rach'alal ri e ralk'ual ri rey, y konojel ri e achi'a' ri aj-Judá ri e rusamajela' ri rey;

1 Rey 1:9 ပူးပေါင်းရင်းမြစ်များ

2 Sam 17:17

Y ri Jonatán y ri Ahimaas man pa Jerusalem ta k'a ek'o-wi; rije' xa ek'o pan En-roguel. Y roma man utz ta chi yetz'etetej rije' chiri' pa tinamit Jerusalem, ri e ka'i' sacerdote xa jun ixoq aj-ik' ri xkiteq-el chuya'ik re rutzijol re' chike rije'. Y rije' kan xebe k'a richin nibekibij chire ri David.

1 Rey 1:19

Rija' xerukamisaj k'a nima'q y kokoj taq awej ri kan jebel e ti'oj, richin xnimaq'ijun kik'in konojel ri awalk'ual rat. Chuqa' xeroyoj ri sacerdote Abiatar, ri Joab ri aj-raqen kichin ri aj-labal, jak'a ri ak'ajol Salomón ri k'a yarusamajij na, man xroyoj ta.

1 Rey 1:25

Roma wakami rija' xbe richin xeberukamisaj ronojel kiwech chikopi' ri janila e ti'oj, y e royon konojel awalk'ual, chuqa' konojel aj-raqen kichin ri aj-labal y ri sacerdote Abiatar. Yewa-ye'uk'ya' k'a, y kan janila yesik'in y nikinimirisaj ruq'ij y nikibij: ¡Tiqaya' ruq'ij ri rey Adonías! yecha'.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

San Mateo 22:4

K'ari' ri rey xeruteq chik el ch'aqa' rusamajela' y xubij-el chike: Tibij chike konojel ri e woyon chupan re jun nimaq'ij re' chi ronojel k'o chik richin niqaben ri wa'in. Ri achij taq nuwákix y ri ch'aqa' chik chikopi' ri jebel e ti'oj ri yek'atzin chupan re q'ij re', xechojmirisex yan y k'o chik richin yetij. Kan kepe k'a chupan re jun k'ulubik re', xcha-el ri rey chike.

Wuj Richin ri Josúe 15:7

Y napon k'a pa taq'aj kojol juyu' richin Acor y nijote-q'anej k'a pa tinamit Debir, nuchojmij-el-ri' pa xaman y napon k'a jun chik tinamit Guilgal, nitzu'un-qa chuwech ri ruwa-juyu' Adumim, ri k'o pa xaman y ri ch'uti'n raqen-ya' niq'ax chikikojol. Y ri k'ulba't ri' niq'ax-el k'a rik'in ri ralaxbel-ya' richin Semes, y napon k'a rik'in ri ralaxbel-ya' richin Roguel.

Wuj Richin ri Josúe 18:16

Y re k'ulba't re' nuchojmij-ri' pa xokon y niqaqa pa taq'aj kojol juyu' Ben-hinom, ri k'o pa xaman chire ri taq'aj kojol juyu' Refaim. Chirij re' nuchojmij-ri' pa relebel-q'ij y niq'ax pa xokon chire ri juyu' kichin ri aj-Jebús, y napon-qa pa ralaxbel-ya' richin Roguel.