1 Rey 1:53 - Kaqchiquel Bible

⁵³ Y ri rey Salomón xuteq ruk'amik ri Adonías chi tel-pe chiri' rik'in ri porobel. K'ari' ri Adonías xok-apo rik'in ri Salomón y xulukuba-qa-ri' chuwech. K'ari' ri Salomón xubij chire chi tibe chirachoch.

1 Rey 1:53 ပူးပေါင်းရင်းမြစ်များ

2 Sam 1:2

Y pa rox q'ij chi tapon ri David pa Siclag, xapon k'a jun ala' ri peteneq ri akuchi xek'oje-wi ri aj-labal ri xek'oje' rik'in ri Saúl. Y re ala' re' kan tzeretzik k'a rutziaq peteneq, y ruya'on-pe ulew pa rujolon, retal richin nibison. Toq rija' xapon rik'in ri David, kan xuqasaj-ri' chuwech richin xuya' ruq'ij.

2 Sam 14:24

Jak'a ri rey xubij-el chi ri Absalón tibek'oje' chupan ri rachoch rija', y man pa rachoch ta ri rey. Keri' xtzolin k'a ri Absalón chirachoch, jak'a man xutz'et ta ruwech ri rutata'.

2 Sam 14:28

Ka'i' k'a juna' k'o-pe ri Absalón pa Jerusalem, y kan man rutz'eton ta k'a ruwech ri rey.

2 Sam 14:33

Ri Joab xapon k'a chuwech ri rey, y xberuya' re rutzijol re' chire. K'ari' ri David xuteq royoxik ri Absalón. Y toq xapon rik'in, xuqasaj-qa ri' pan ulew chuwech. Y ri rey xtz'ubaj k'a rupalej ri Absalón.

1 Rey 1:16

Y ri Betsabé xulukuba-qa-ri' chuwech richin xuqasaj-ri', y ri rey xuk'utuj chire achike xuk'uluwachij.

1 Rey 1:31

K'ari' ri Betsabé xxuke-qa y xulukuba-qa-ri' k'a pan ulew chuwech ri rey richin xuya' ruq'ij, y xubij: Wajaw, rey David, yin kan ninya' aq'ij richin q'asen, xcha'.

1 Rey 1:52

wi ri Adonías xtuk'ut chi rija' jun chojilej achin, man jun xtiberuk'uluwachij, y ni ta jun rusumal-ruwi' man xtitzaq ta el pan ulew. Jak'a wi kan k'o rumak, kan xtiken-wi.

1 Rey 2:1

Xapon k'a ri q'ij chi ri David xa niken yan, y roma ri' kere' xubij kan chire ri Salomón ri ruk'ajol:

1 Rey 2:36

Chuqa' xuteq royoxik ri Simí y xubij chire: Tapaba-q'anej jun awachoch wawe' pa Jerusalem, y kak'oje' wawe' y man jun chik akuchi yabe-wi.

Wuj Richin Etamabel-Tzij 24:21

Rat, nuk'ajol yin, kan tik'oje' rukiy ri Jehová chawech y chuqa' chuwech ri rey, y man jun bey taxol-awi' kik'in ri winaqi', ri maneq Dios, ni maneq rey chikiwech.