1 Rey 1:5 - Kaqchiquel Bible

⁵ Chirij re' ri Adonías ruk'ajol ri David ral ri jun ixoq rubini'an Haguit, xyakatej chirij ri rutata' y xubij chi ja rija' nik'oje' kan pa ruk'exel; y roma ri' xerukanoj carruaje y xerukanoj achi'a' ri yech'oke' chirij kiej richin nikitzeqelibej rija'. Xerukanoj chik e juwineq lajuj achi'a' richin ye'ik'o chuwech.

1 Rey 1:5 ပူးပေါင်းရင်းမြစ်များ

2 Sam 15:1

Chirij k'a ronojel re', ri Absalón xuben-el ruchojmil jun carruaje richin oyowal. Xerukanoj-el kiej, y chuqa' e kawineq lajuj aj-labal richin ye'ik'o-el chuwech ri carruaje.

2 Sam 3:4

Ri rukaj rubini'an Adonías, ral ri Haguit. Ri ro' rubini'an Sefatías, ral ri Abital.

San Lucas 18:14

Kan qitzij ninbij chiwe, chi ri achin moloy méro xtzolin-el, y man jun rumak xk'ulun chuwech ri Dios. Jak'a ri fariseo man keri' ta xk'ulun chuwech ri Dios. Roma xabachike k'a ri nunimirisaj-ri', xtiban k'a chire chi xtiqasex ruq'ij. Jak'a ri ruqasan-ri', xtinimirisex ruq'ij, xcha' ri Jesús.

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin ri Isaías 2:7

Ri qaruwach'ulew xa kan nojineq rik'in q'anapueq y saqipueq. Ri qabeyomel xa man ajlatel ta. Chuqa' chupan ri qaruwach'ulew janila chi kiej ek'o, y ri carruaje kan man e ajlatel ta.

Wuj Richin Etamabel-Tzij 18:12

Ri nabey ri nipe pa ránima ri wineq ja ri nunimirisaj-ri' y k'ari' noqaqa ri vululen; jak'a toq noqaqa ri qasanri'il nabey pa ránima ri wineq, nuk'en-pe ri k'ojlemal.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

1 Crón 29:1

Chirij ronojel ri' ri rey David kere' xubij chike konojel ri winaqi': Ri Dios xcha'on ri nuk'ajol Salomón, jak'a rija' jun ala' k'a ko'ol ok y ri samaj janila nim, roma ri jay ri' man achi'el ta ok jun xabachike jay. Re' kan rachoch ri Jehová Dios.

1 Crón 28:5

Ri Dios e ruya'on e k'iy walk'ual, y chikikojol k'a rije' xucha' ri nuk'ajol Salomón richin nuq'et-tzij pa ruwi' chijun ruwach'ulew Israel.

1 Rey 2:24

Y ri Salomón chuqa' xubij: Ja ri Dios ri xya'on q'ij richin ja yin xik'oje' kan pa ruk'exel ri David ri nata', y chuqa' rija' kan xutaqej ri rubin chi kan ja ri wijatzul yin ri xkek'oje' chupan ri ajawaren, y roma ri' chuwech ri Jehová, ninbij chi kan k'atzinel chi nikamisex ri Adonías, xcha'.

1 Rey 1:11

Xch'on k'a ri Natán rik'in ri Betsabé, ri rute' ri Salomón y xubij chire: ¿Man awak'axan ta chi ri Adonías, ral ri Haguit, xuq'alajirisaj yan ri' chi xok rey, stape' ri David, ri qajaw, man retaman ta?

Ex 9:17

Man rik'in ri' rat kan k'a animirisan na awi' y man naya' ta q'ij chi ri nuwinaq ye'el-el.

1 Crón 3:2

ri rox ja ri Absalón, ral ri Maacá, rumi'al ri Talmai, rey richin ri ruwach'ulew Guesur; ri rukaj ja ri Adonías, ral ri Haguit;

Wuj Kichin ri To'onela' 9:2

Yin nink'utuj utzil chiwe chi tik'utuj chike konojel winaqi' ri ek'o pa Siquem, ri achike ta ri niqa' chikiwech, wi ja ri e oxk'al lajuj achi'a' ri e ruk'ajol kan ri Jerubaal, ri yeq'aton-tzij pa qawi' o xaxe ta jun ri niq'aton-tzij. Y toqaqa chikik'u'x chi xaxe yin ri Abimélec ri junan qakik'el kik'in.

1 Rey 1:4

Y ri xten ri' kan janila wi jebel ok. Xuchajij y xrilij k'a ri rey, jak'a ri rey man jun bey xk'oje' rik'in.

1 Rey 2:15

K'ari' ri Adonías xubij: Rat jebel awetaman chi ja ta yin ri xinok kan rey pa ruk'exel ri nata' roma kan keri' ta xkajo' konojel ri qawinaq. Jak'a rija' xa chire ri awal ri xuya' wi kan ri q'atbel-tzij roma kan ja ri Jehová biyon chire.

1 Rey 2:13

Chirij k'a ronojel re' ri Adonías ral ri Haguit xapon rik'in ri Betsabé, ri rute' ri Salomón. Y ri Betsabé xubij chire: ¿At peteneq rik'in uxlanibel-k'u'x?, xcha' chire. Y ri Adonías xubij chi keri'.