1 Rey 1:42 - Kaqchiquel Bible

⁴² K'a nitzijon na k'a rija', toq xapon chiri' ri Jonatán ri ruk'ajol ri sacerdote Abiatar. Y ri Adonías xubij chire: Katok, rat ala' ri kan k'o awejqalen, y tabij k'a ri rutzijol ri ak'amon-pe, xcha'.

1 Rey 1:42 ပူးပေါင်းရင်းမြစ်များ

2 Sam 15:36

Y ri e kik'ajol rije', ri Ahimaas y ri Jonatán, ja rije' ri xkebeya'on rutzijol chire rija'.

2 Sam 18:27

Y ri k'o-q'anej chikaj xubij chi ri nabey peteneq, niq'alajin chi achi'el xa ja ri Ahimaas roma ri rubinibal. Y ri rey xubij chi rija' kan jun achin ri kan utz y kan ruk'amon-pe utzilej rutzijol chire.

2 Sam 17:17

Y ri Jonatán y ri Ahimaas man pa Jerusalem ta k'a ek'o-wi; rije' xa ek'o pan En-roguel. Y roma man utz ta chi yetz'etetej rije' chiri' pa tinamit Jerusalem, ri e ka'i' sacerdote xa jun ixoq aj-ik' ri xkiteq-el chuya'ik re rutzijol re' chike rije'. Y rije' kan xebe k'a richin nibekibij chire ri David.

2 Sam 15:27

Jak'a rat Sadoc roma kan natz'et ronojel ri peteneq-apo chiqawech, más utz katzolin kan pa tinamit rik'in uxlanibel-k'u'x. Katzolin kan rik'in ri ak'ajol Ahimaas, y chuqa' ri Abiatar rachibilan ri Jonatán ri ruk'ajol.

Wuj Richin ri Isaías 57:21

Roma ri' ri nu-Dios nubij chi ri winaqi' ri man nikitzeqelibej ta rija', kan maneq uxlanibel-k'u'x kik'in.

2 Rey 9:22

Y toq ri Joram xapon rik'in ri Jehú, xuk'utuj chire wi k'o uxlanibel-k'u'x o ni. Y ri Jehú xubij: ¡Achi'el ta k'a chi xtik'oje' uxlanibel-k'u'x, rokik ri ate' Jezabel xa k'a nuya' na kiq'ij ri ch'aqa' chik dios, y chuqa' k'a najin rik'in ri mak richin itz!, xcha'.

1 Rey 22:18

K'ari' ri Acab xubij-apo chire ri Josafat: ¡Peja, xinbij chawe chi rija' kan man jun bey nuk'en ta pe utzilej taq rutzijol chuwe, xa kan xaxe ri itzel rutzijol nuk'en-pe chuwe!, xcha'.

1 Rey 1:41

K'a juba' k'a kekolaj ri Adonías, y konojel ri e royon, toq xkak'axaj chi niq'ajan ri uk'a', jari' toq ri Joab xubij: ¿Achike k'a roma janila e ch'ujerineq ri winaqi'?, xcha'.

1 Rey 1:43

Y ri Jonatán xubij chire ri Adonías: Kan qitzij ninbij chawe chi ri qajaw ri rey David kan xukusaj yan kan rey ri Salomón;