1 Rey 1:41 - Kaqchiquel Bible

⁴¹ K'a juba' k'a kekolaj ri Adonías, y konojel ri e royon, toq xkak'axaj chi niq'ajan ri uk'a', jari' toq ri Joab xubij: ¿Achike k'a roma janila e ch'ujerineq ri winaqi'?, xcha'.

1 Rey 1:41 ပူးပေါင်းရင်းမြစ်များ

Hechos 21:31

Nikikamisaj yan k'a ri Pablo. Jak'a xapon rutzijol rik'in ri achin ri uk'uey kichin ri aj-labal aj-Roma, chi ri winaqi' richin ri Jerusalem e yakatajineq.

San Mateo 21:15

Jak'a ri aj-raqen pa kiwi' ri sacerdote y ri etamanela' chirij ri pixa' xpe koyowal roma k'iy meyel taq banobel ri yerubanala', y roma chuqa' ri alaboni' rik'in k'a kuchuq'a' nikibila': Nimalej ruq'ij ri riy-rumam kan ri David, yecha'. Y jari' ri xyako koyowal.

Wuj Richin Etamabel-Tzij 14:13

Ri wineq stape' kan nitze'en ruwech, ri pa ránima xa nutej poqon; y xaxe nitane-qa chi tze'en, kan jari' noqaqa chik ri bis rik'in.

Wuj Richin ri Achin Job 20:5

Kan awetaman k'a chi ri itzel taq winaqi' xa man niyaloj ta ri kikoten kik'in. Ri kan maneq Dios chikiwech, xa jun ok ti ramaj nuben ri kikikoten.

Ex 32:17

Y toq ri Josué junan chik k'a e peteneq rik'in ri Moisés, roma nrak'axaj raqoj-chi'ij kichin ri winaqi', xubij chire ri Moisés: Yin ninwak'axaj raqoj-chi'ij richin labal ri akuchi ek'o-wi-qa ri qawinaq, xcha'.

1 Rey 1:40

K'ari' konojel ri winaqi' richin ri tinamit ri' xkitzeqelibej ri Salomón, y nikixupula' xul y kan janila kikoten k'o kik'in, y roma ri raqoj-chi'ij ri nikiben, kan nisilon k'a ri ruwach'ulew.

1 Rey 1:42

K'a nitzijon na k'a rija', toq xapon chiri' ri Jonatán ri ruk'ajol ri sacerdote Abiatar. Y ri Adonías xubij chire: Katok, rat ala' ri kan k'o awejqalen, y tabij k'a ri rutzijol ri ak'amon-pe, xcha'.