1 Rey 1:40 - Kaqchiquel Bible

⁴⁰ K'ari' konojel ri winaqi' richin ri tinamit ri' xkitzeqelibej ri Salomón, y nikixupula' xul y kan janila kikoten k'o kik'in, y roma ri raqoj-chi'ij ri nikiben, kan nisilon k'a ri ruwach'ulew.

1 Rey 1:40 ပူးပေါင်းရင်းမြစ်များ

San Lucas 19:37

Jak'a toq xa nikichop yan ri xulan richin ri juyu' richin Olivo, konojel ri e tzeqelibey richin ri Jesús e beneq, y rik'in kikoten xkichop nikiya' ruq'ij ri Dios, roma ri meyel taq banobel kitz'etelon rik'in ri Jesús. Kan rik'in k'a kuchuq'a' nikibila':

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.

Dn 3:5

Kan xkebeq'ajan k'a pe ri trompeta, ri flauta y ri jalajoj kiwech q'ojom ri k'o kik'amal. Toq xtiwak'axaj chi xkeq'ajan-pe ronojel re', kan jari' k'a k'o chi yixxuke-qa chuwech re wachibel re' ri xuben-q'anej ri rey Nabucodonosor re wawe'.

Wuj Richin Bix Chire ri Dios 97:1

Ri Jehová niq'aton-tzij; kan kekikot k'a konojel winaqi' richin chijun ruwach'ulew. Konojel k'a winaqi' ri ek'o pa taq ruwach'ulew ri rusutin-kij chi ya', kan tikinimaq'ijuj k'a.

2 Rey 11:20

Y chijun k'a tinamit richin ri ruwach'ulew xkikot, roma xk'oje' uxlanenri'il, y roma xkamisex ri Atalía.

2 Rey 11:14

Y xutz'et k'a chi ri k'ak'a' rey k'o chunaqaj ri pilar ri kan akuchi nik'oje-wi ri rey. Chuqa' xutz'et chi ri tata'al y ri yeq'ojoman ri trompeta ek'o chunaqaj ri Joás. Y konojel ri winaqi' yekikot y yenimaq'ijun, nikiq'ojomaj ri ki-trompeta. Jari' toq ri Atalía xuretz ri rutziaq y xsik'in y xubij: ¡Xiniq'ol! ¡Xiniq'ol!, xcha'.

1 Sam 11:15

Chijun k'a tinamit Israel xebe pa Guilgal, y chiri' xkijikiba-wi ri ruq'atbal-tzij ri Saúl. Y konojel k'a ri winaqi' xenimaq'ijun chuwech ri Jehová chiri' pa Guilgal y xekisuj k'a sipanik richin nuq'alajirisaj chi junan kiwech rik'in ri Jehová. Y ri Saúl janila xkikot y keri' chuqa' konojel israelita.

1 Rey 1:39

Y chiri' ri sacerdote Sadoc xuchop ri uk'a' ri nojineq rik'in aceite ri ruk'uan-el pa rachoch ri Dios ri banon rik'in tzieq, richin xuqasaj aceite pa ruwi' ri Salomón. K'ari' xkixupuj ri xupubel y chijun tinamit xkibij: ¡Tiqaya' ruq'ij ri rey Salomón!, xecha'.

1 Rey 1:41

K'a juba' k'a kekolaj ri Adonías, y konojel ri e royon, toq xkak'axaj chi niq'ajan ri uk'a', jari' toq ri Joab xubij: ¿Achike k'a roma janila e ch'ujerineq ri winaqi'?, xcha'.

1 Rey 1:45

Y toq ek'o chiri' pa Guihón, ri sacerdote Sadoc y ri Natán xkiqasaj aceite pa ruwi' richin xok kan rey. Y k'ari' xetzolej rik'in janila kikoten. Y ri tinamit chuqa' kan janila yesik'in roma kikoten. Ja raqoj-chi'ij ri' ri xawak'axaj rat.

1 Sam 4:5

Toq xetzolin-pe ri akuchi ek'o-wi-qa, ri aj-labal kik'uan chik el ri káxa, jari' toq konojel ri achi'a' xesik'in rik'in janila kikoten y kan xsilon ri ruwach'ulew.