1 Rey 1:38 - Kaqchiquel Bible

³⁸ K'ari' ri sacerdote Sadoc, ri Natán ri q'alajirisey ruch'abel ri Dios, ri Benaías ri ruk'ajol ri Joiadá, y ri chajinela' richin ri rey xkich'okoba' k'a el ri Salomón chirij ri rukowilej-kiej ri rey, y keri' xebe-qa pa Guihón.

1 Rey 1:38 ပူးပေါင်းရင်းမြစ်များ

2 Sam 8:18

Ri Benaías ruk'ajol ri Joiadá, ja rija' ri k'o pa kiwi' ri achi'a' ri yechajin ri David. Y ri e ralk'ual ri David, chuqa' e sacerdote.

1 Rey 1:8

Jak'a ri nimalej sacerdote Sadoc, ri Benaías ruk'ajol ri Joiadá, chuqa' ri q'alajirisey ruch'abel ri Dios rubini'an Natán, ri Simí, ri Reí y ri e nima'q taq achi'a' ri e tzeqelibeyon richin ri rey David, konojel re' man xkitzeqelibej ta ri Adonías.

Wuj Richin ri Sofonías 2:5

Kan toq'ex k'a kiwech ri ek'o pa taq'aj chuchi' ri palou. Ri ruch'abel ri Jehová kan nich'on pan iwi' rix aj-Canaán. Rija' kan xkixruk'is rix aj-Filistea, y kan man jun chik xtik'oje' kan chiwe.

1 Crón 18:17

ri Benaías ruk'ajol ri Joiadá, jari' ri k'o pa kiwi' ri quereteo y ri peleteo y ri e ruk'ajol ri David ja rije' ri e tata'al y e to'onel richin rija'.

1 Rey 1:33

rija' xubij chike: Ke'iwoyoj konojel e nima'q taq nusamajela', y tich'okoba-el ri nuk'ajol Salomón chirij ri nubur, y kixbiyin-qa pa ralaxbel-ya' Guihón.

1 Rey 1:26

Jak'a yin ri in asamajel, ni ri sacerdote Sadoc, ni ri Benaías ruk'ajol ri Joiadá y ni ta ri Salomón ri ak'ajol rat man xojkoyoj ta.

2 Sam 15:18

Y konojel ri e tata'al xeq'ax k'a el chuwech. K'ari' xeq'ax ri e chajiy richin rija'. Y xeq'ax chuqa-el ri e 600 aj-labal ri e aj-Gat. Konojel re' xeq'ax-el chuwech ri David, y rija' e rutzuliben-el.

1 Sam 30:14

Roj xojok chiri' pa xokon chire ri kiruwach'ulew ri quereteo, ri kiruwach'ulew ri aj-Judá y ri kiruwach'ulew ri e rijatzul kan ri Caleb. Chuqa' xqaya' kan ruq'aq'al ri tinamit Siclag, xcha'.

2 Sam 13:29

Toq xbanatej yan k'a ri rubin ri Absalón chike ri rusamajela' richin xkikamisaj ri Amnón, jari' toq konojel ri e ralk'ual ri rey chi'anin xech'oke-el chirij ri kikowilej taq kiej richin xe'animej.

2 Sam 20:7

Roma ri' ri Abisai xeberoyoj k'a pe ri Joab y ri aj-labal ri ek'o rik'in, chuqa' ri e chajiy richin ri rey y ri ch'aqa' chik aj-labal aj-Judá. Chirij ri' xe'el k'a el pa Jerusalem richin xkitzeqelibej ri Sebá.

1 Rey 2:15

K'ari' ri Adonías xubij: Rat jebel awetaman chi ja ta yin ri xinok kan rey pa ruk'exel ri nata' roma kan keri' ta xkajo' konojel ri qawinaq. Jak'a rija' xa chire ri awal ri xuya' wi kan ri q'atbel-tzij roma kan ja ri Jehová biyon chire.

1 Rey 2:35

K'ari' ri rey Salomón xuben chi ri Benaías, ruk'ajol ri Joiadá, xok aj-raqen pa kiwi' ri aj-labal ri e richin kan ri Joab; y chuqa' xuben chi ri sacerdote Sadoc xok kan pa ruk'exel ri Abiatar.

Wuj Richin ri Zacarías 9:9

Kan kixkikot k'a janila rix aj-Sión. Kan kixbixan k'a rik'in kikoten rix aj-Jerusalem, roma ri i-rey xa kan xtipe k'a iwik'in. Rija' jun choj laj achin y kan ch'akonel-wi. Kan jun achin ri kan yalan ch'uch'uj. Rija' ch'okol-pe chirij jun alaj bur.