1 Rey 1:35 - Kaqchiquel Bible

³⁵ K'ari' rix xkixtzeqe-pe chirij. Y rija' xtipe richin nitz'uye' pa nutz'uyubal, richin nuq'et-tzij pa nuk'exel; roma kan ja rija' xincha' kan richin nok rey pa ruwi' chijun Israel y pa ruwi' ri Judá, xcha' ri David.

1 Rey 1:35 ပူးပေါင်းရင်းမြစ်များ

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

1 Crón 23:1

Toq ri David janila chik ri'j, xuq'alajirisaj k'a chikiwech ri winaqi' chi ja ri Salomón ri ruk'ajol xtik'oje' kan pa ruk'exel.

1 Rey 2:15

K'ari' ri Adonías xubij: Rat jebel awetaman chi ja ta yin ri xinok kan rey pa ruk'exel ri nata' roma kan keri' ta xkajo' konojel ri qawinaq. Jak'a rija' xa chire ri awal ri xuya' wi kan ri q'atbel-tzij roma kan ja ri Jehová biyon chire.

1 Rey 2:12

Jak'a ri Salomón ri xk'oje' kan pa ruk'exel ri David ri rutata', y kan jebel xjike' kan chupan ri q'atbel-tzij.

1 Rey 1:17

Y rija' xubij chire: Rey, wajaw yin, rat xaya' atzij chinuwech y chuwech ri Jehová ri qa-Dios y xabij chuwe chi ja ri wal Salomón ri xtibeq'aton-tzij pa ruwi' ri tinamit Israel toq rat man xkatikir ta chik, y ja rija' ri xtibek'oje' kan pan atz'uyubal richin q'atoy-tzij.

1 Rey 1:13

Kabiyin, y kabech'on rik'in ri rey David, y tabij chire: Rey, wajaw yin, rat xaya' atzij chinuwech y xabij chuwe chi ja ri wal Salomón ri xtibeq'aton-tzij pa ruwi' ri Israel pan ak'exel rat, y chi ja rija' ri xtitz'uye' kan chupan ri tz'uyubel richin q'atoy-tzij. ¿Achike k'a roma wakami ja ri Adonías ri xok rey?, kacha' chire ri David.

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

1 Rey 1:36

K'ari' ri Benaías, ruk'ajol ri Joiadá, xubij chire ri rey David: Kan keri' k'a xtibanatej, roma kan keri' rubin ri Jehová Dios chawe rat rey, wajaw yin.

1 Crón 29:23

Keri' toq ri Salomón xtz'uye' kan pa rutz'uyubal richin q'atbel-tzij pa ruk'exel ri David ri rutata'. Kan xbe k'a pa jotol y konojel ri winaqi' richin ri Israel xkinimaj k'a rutzij.