1 Rey 1:25 - Kaqchiquel Bible

²⁵ Roma wakami rija' xbe richin xeberukamisaj ronojel kiwech chikopi' ri janila e ti'oj, y e royon konojel awalk'ual, chuqa' konojel aj-raqen kichin ri aj-labal y ri sacerdote Abiatar. Yewa-ye'uk'ya' k'a, y kan janila yesik'in y nikinimirisaj ruq'ij y nikibij: ¡Tiqaya' ruq'ij ri rey Adonías! yecha'.

1 Rey 1:25 ပူးပေါင်းရင်းမြစ်များ

2 Sam 16:16

Jari' toq ri Husai ri arquita, rachibil ri David, xapon rik'in ri Absalón y nisik'in xubij: ¡K'o ruq'ij ri rey! ¡Kan k'o-wi ruq'ij ri rey!, xcha'.

1 Rey 1:19

Rija' xerukamisaj k'a nima'q y kokoj taq awej ri kan jebel e ti'oj, richin xnimaq'ijun kik'in konojel ri awalk'ual rat. Chuqa' xeroyoj ri sacerdote Abiatar, ri Joab ri aj-raqen kichin ri aj-labal, jak'a ri ak'ajol Salomón ri k'a yarusamajij na, man xroyoj ta.

1 Rey 1:24

y xubij chire: ¡Rey, wajaw yin! ¿K'o kami abin rat chi ja ri Adonías ri niq'aton kan tzij chawij rat, y nitz'uye' kan chupan ri atz'uyubal?

1 Rey 1:34

Y toq ixk'o chik chiri', ja ri Sadoc y ri Natán ri xkeqasan aceite pa ruwi' ri Salomón, richin nok kan rey pa ruwi' chijun ruwach'ulew Israel. Y kan xtixupux k'a ri uk'a' y xtibij: ¡Tiqaya' ruq'ij ri rey Salomón!, xkixcha'.

1 Rey 1:39

Y chiri' ri sacerdote Sadoc xuchop ri uk'a' ri nojineq rik'in aceite ri ruk'uan-el pa rachoch ri Dios ri banon rik'in tzieq, richin xuqasaj aceite pa ruwi' ri Salomón. K'ari' xkixupuj ri xupubel y chijun tinamit xkibij: ¡Tiqaya' ruq'ij ri rey Salomón!, xecha'.

1 Rey 1:9

Y k'o k'a jun q'ij ri Adonías xuben k'a jun nimaq'ij y xerukamisaj k'a nima'q y kokoj taq awej, ri kan jebel e ti'oj; y re' xuben chunaqaj ri jun nimalej abej rubini'an Zohélet, ri k'o chunaqaj ri ralaxbel-ya' Roguel. Y xeroyoj k'a konojel rach'alal ri e ralk'ual ri rey, y konojel ri e achi'a' ri aj-Judá ri e rusamajela' ri rey;

1 Rey 2:15

K'ari' ri Adonías xubij: Rat jebel awetaman chi ja ta yin ri xinok kan rey pa ruk'exel ri nata' roma kan keri' ta xkajo' konojel ri qawinaq. Jak'a rija' xa chire ri awal ri xuya' wi kan ri q'atbel-tzij roma kan ja ri Jehová biyon chire.

2 Rey 11:12

K'ari' ri Joiadá xrelesaj-pe ri Joás, y xuya' ri ru-corona y chuqa' xuya' ri wuj chire ri k'o ri pixa' chupan. K'ari' xuya' aceite pa ruwi' y xuq'alajirisaj chi ri Joás, ja rija' ri rey. Y konojel ri winaqi' xkipaq'apa' kiq'a' y xkibij: ¡Utz ruwa-ruq'ij ri rey, xecha'.

2 Rey 11:14

Y xutz'et k'a chi ri k'ak'a' rey k'o chunaqaj ri pilar ri kan akuchi nik'oje-wi ri rey. Chuqa' xutz'et chi ri tata'al y ri yeq'ojoman ri trompeta ek'o chunaqaj ri Joás. Y konojel ri winaqi' yekikot y yenimaq'ijun, nikiq'ojomaj ri ki-trompeta. Jari' toq ri Atalía xuretz ri rutziaq y xsik'in y xubij: ¡Xiniq'ol! ¡Xiniq'ol!, xcha'.

2 Rey 9:13

K'ari' chikijujunal xkichop chi'anin ri kitziaq ri kiq'un, y xkiya' pa raqen ri Jehú. K'ari' xkixupuj ri trompeta y xkibij: Ja ri Jehú, jari' ri rey, xecha'.

1 Crón 29:13

Roma ri', qa-Dios, roj niqamatioxij chawe, y niqabixaj ri nimalej abi' ri k'o ruq'ij-ruk'ojlen;

1 Crón 29:21

Ri jun chik q'ij ri winaqi' xekikamisaj 1,000 nima-alaji' achija' wákix, 1,000 achija' karne'l y 1,000 nima-alaji' achija' taq karne'l. Xekisuj ronojel re' richin niqa' chuwech ri Jehová, y chuqa' ri vino.

2 Crón 23:11

K'ari' ri Joiadá y ri e ruk'ajol xbekelesaj-pe ri Joás, ri ruk'ajol kan ri rey, y xkiya' jun corona pa rujolon y xkijech jun wuj chire ri k'o ri rupixa' ri Jehová chuwech. K'ari' xkiqasaj aceite pa ruwi' y konojel xesik'in y xkibij: ¡Tiqaya' ruq'ij ri rey!, xecha'.

San Mateo 21:9

Ri winaqi' ri e nabey chuwech ri Jesús y ri ek'o kan chirij, kan rik'in k'a ronojel kuchuq'a' nikibij: ¡Nimalej ruq'ij ri riy-rumam kan ri rey David! ¡Kan utz wi ri ruq'ij ri peteneq pa rubi' ri qajaw Dios! ¡Kan nimalej ruq'ij chila' chikaj! ¡Matiox chire ri Dios!, yecha' k'a.

San Mateo 22:4

K'ari' ri rey xeruteq chik el ch'aqa' rusamajela' y xubij-el chike: Tibij chike konojel ri e woyon chupan re jun nimaq'ij re' chi ronojel k'o chik richin niqaben ri wa'in. Ri achij taq nuwákix y ri ch'aqa' chik chikopi' ri jebel e ti'oj ri yek'atzin chupan re q'ij re', xechojmirisex yan y k'o chik richin yetij. Kan kepe k'a chupan re jun k'ulubik re', xcha-el ri rey chike.

San Lucas 19:38

¡Nimalej ruq'ij ri rey ri peteneq pa rubi' ri Dios! ¡K'o uxlanibel chila' chikaj! ¡Y qonojel tiqaya' ruq'ij-ruk'ojlen ri Dios ri k'o chila' chikaj!, yecha'.

1 Sam 10:24

Y ri Samuel xubij chire ri tinamit: ¿Xitz'et ri achike xucha' ri Jehová richin nok kan rey? ¡Man jun chiwe rix ri nitikir ta nujunamaj-ri' rik'in rija'!, xcha'. K'ari' ri winaqi' xkibij: Utz ruwa-ruq'ij ri rey, yecha'.