1 Rey 1:18 - Kaqchiquel Bible

¹⁸ Jak'a re wakami, xa ja ri Adonías ri xok rey, y rat wajaw kan man awetaman ta re'.

1 Rey 1:18 ပူးပေါင်းရင်းမြစ်များ

2 Sam 15:10

K'ari' ri Absalón pan ewel xeruteq uk'uey rutzijol kik'in konojel ri winaqi' israelita richin xbekibij chi toq xtikak'axaj chi xtiq'ajan ri trompeta, jari' toq xtikibij chi ja rija' ri rey, y ja rija' ri niq'aton-tzij pan Hebrón.

1 Rey 1:11

Xch'on k'a ri Natán rik'in ri Betsabé, ri rute' ri Salomón y xubij chire: ¿Man awak'axan ta chi ri Adonías, ral ri Haguit, xuq'alajirisaj yan ri' chi xok rey, stape' ri David, ri qajaw, man retaman ta?

1 Rey 1:17

Y rija' xubij chire: Rey, wajaw yin, rat xaya' atzij chinuwech y chuwech ri Jehová ri qa-Dios y xabij chuwe chi ja ri wal Salomón ri xtibeq'aton-tzij pa ruwi' ri tinamit Israel toq rat man xkatikir ta chik, y ja rija' ri xtibek'oje' kan pan atz'uyubal richin q'atoy-tzij.

1 Rey 1:19

Rija' xerukamisaj k'a nima'q y kokoj taq awej ri kan jebel e ti'oj, richin xnimaq'ijun kik'in konojel ri awalk'ual rat. Chuqa' xeroyoj ri sacerdote Abiatar, ri Joab ri aj-raqen kichin ri aj-labal, jak'a ri ak'ajol Salomón ri k'a yarusamajij na, man xroyoj ta.

1 Rey 1:24

y xubij chire: ¡Rey, wajaw yin! ¿K'o kami abin rat chi ja ri Adonías ri niq'aton kan tzij chawij rat, y nitz'uye' kan chupan ri atz'uyubal?

1 Rey 1:27

Rik'in k'a juba' ja rat xabin chi ri Adonías nok kan rey, y man xabij ta chuwe yin ri in asamajel, xcha' ri Natán chire.

1 Rey 1:5

Chirij re' ri Adonías ruk'ajol ri David ral ri jun ixoq rubini'an Haguit, xyakatej chirij ri rutata' y xubij chi ja rija' nik'oje' kan pa ruk'exel; y roma ri' xerukanoj carruaje y xerukanoj achi'a' ri yech'oke' chirij kiej richin nikitzeqelibej rija'. Xerukanoj chik e juwineq lajuj achi'a' richin ye'ik'o chuwech.

Hechos 3:17

Rix nuwinaq y rix aj-raqen ri ixk'o pa qawi', toq xiya' pa kamik ri Jesús, man iwetaman ta achike rija'.