1 Rey 1:17 - Kaqchiquel Bible

¹⁷ Y rija' xubij chire: Rey, wajaw yin, rat xaya' atzij chinuwech y chuwech ri Jehová ri qa-Dios y xabij chuwe chi ja ri wal Salomón ri xtibeq'aton-tzij pa ruwi' ri tinamit Israel toq rat man xkatikir ta chik, y ja rija' ri xtibek'oje' kan pan atz'uyubal richin q'atoy-tzij.

1 Rey 1:17 ပူးပေါင်းရင်းမြစ်များ

1 Rey 1:13

Kabiyin, y kabech'on rik'in ri rey David, y tabij chire: Rey, wajaw yin, rat xaya' atzij chinuwech y xabij chuwe chi ja ri wal Salomón ri xtibeq'aton-tzij pa ruwi' ri Israel pan ak'exel rat, y chi ja rija' ri xtitz'uye' kan chupan ri tz'uyubel richin q'atoy-tzij. ¿Achike k'a roma wakami ja ri Adonías ri xok rey?, kacha' chire ri David.

1 Rey 1:30

yin xinya' yan nutzij chuwech ri Jehová ri qa-Dios toq xinbij chawe chi ri awal Salomón xtiberuq'ata-tzij toq yin man xkitikir ta chik. Xtitz'uye' kan chupan ri nutz'uyubal. Y jare' xoqaqa ri q'ij richin ninben ri xinbij, xcha' chire.

1 Pedro 3:6

achi'el xuben ri Sara. Rija' kan xunimaj rutzij ri Abraham ri rachijil, y kan ajaw xcha' chire. Y rix kan xkixok achi'el ri Sara wi nik'uaj jun utzilej k'aslen, y man jun achoq chuwech xtixibij-iwi'.*f5*

Wuj Richin ri Rutikeribel 18:12

Y roma ri' toq rija' xa xtze'en-qa ruyon y xubij: ¡K'ari' ta k'a xtik'oje' jun wal yin, xa maneq chik wuchuq'a'!, xa janila chik in ri'j y chuqa' ri wachijil kan janila chik ri'j, xcha-qa.

1 Rey 1:16

Y ri Betsabé xulukuba-qa-ri' chuwech richin xuqasaj-ri', y ri rey xuk'utuj chire achike xuk'uluwachij.

1 Rey 1:18

Jak'a re wakami, xa ja ri Adonías ri xok rey, y rat wajaw kan man awetaman ta re'.

1 Rey 1:14

K'a yatzijon na k'a rat rik'in ri rey toq xkinok-apo yin richin xkatinbento', y xtinbij chi ri xabij rat kan qitzij, xcha' ri Natán chire ri Betsabé.