1 Rey 1:1 - Kaqchiquel Bible

¹ Toq ri rey David janila chik ri'j y janila chik k'iy rujuna', ri rusamajela' nikikuch k'a jebel, jak'a xa man nimeq'e' ta chik.

1 Rey 1:1 ပူးပေါင်းရင်းမြစ်များ

Wuj Richin ri Rutikeribel 18:11

Y ri Abraham y ri Sara janila chik e rijita'q, y ri Sara xa xtane' yan k'a ri ruyabil ri richin chi ik'.

Wuj Richin ri Rutikeribel 24:1

Ri Abraham xa xrijix yan k'a chiri', kan janila chik k'iy rujuna'. Jak'a ri Jehová kan rurtisan rik'in ronojel.

2 Sam 24:25

Chiri' k'a xupaba-wi-q'anej ri porobel richin ri Jehová, y xusuj chikop richin niporox jumul, y sipanik richin nuq'alajirisaj chi junan ruwech rik'in ri Dios. K'ari' ri Jehová xuk'ul ri k'utunik richin ri David pa kiwi' ri ruwinaq. Keri' xk'is-el ri nima-ruk'ayewal pan Israel.

2 Sam 5:4

Ri David juwineq lajuj k'a rujuna' chiri' toq xutikeriba' xuq'et-tzij. Y kawineq juna' xq'aton-tzij.

1 Rey 1:15

Ri Betsabé kan xunimaj k'a tzij, y xbe k'a akuchi k'o-wi ri rey. Y ri rey kan janila chik ri'j y nilix roma ri Abisag ri aj-Sunem.

1 Rey 1:2

K'ari' ri rusamajela' xkibij chire: Qajaw y qa-rey, kan ruk'amon k'a chi tikanox k'a jun xten richin yarilij y niwer awik'in richin yarumeq', xecha' chire.

1 Crón 23:1

Toq ri David janila chik ri'j, xuq'alajirisaj k'a chikiwech ri winaqi' chi ja ri Salomón ri ruk'ajol xtik'oje' kan pa ruk'exel.

Wuj Richin Bix Chire ri Dios 90:10

Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

Wuj Richin ri Molojri'il 4:11

Y keri' chuqa' wi e ka'i' yewer junan xa kan nikimeq'-ki' jak'a ri ruyon niwer xa kan man nimeq'e' ta.

San Lucas 1:7

Jak'a rije' e maneq kalk'ual, roma ri Elisabet man alanel ta. Y chi e ka'i' kan e rijita'q chik.

Wuj Richin ri Josúe 13:1

Toq ri Josué kan janila chik ri'j, jari' toq ri Jehová xubij chire: Rat kan janila chik k'iy ajuna', y kan k'a k'o k'iy ruwach'ulew ri k'o richin ye'ich'ek richin nok iwichin.