1 Pedro 5:8 - Kaqchiquel Bible

⁸ Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj.

Kaqchikel Santa Maria de Jesus

⁸ Can tibꞌanaꞌ pensar otz ri chica ntiꞌan y can quixcꞌasieꞌ. Ruma ri diablo, ri ka-enemigo, can nuꞌon incheꞌl nuꞌon jun león (coj) antok nuyaꞌ vielta chi nucanuj chica nucꞌux.

Kaqchikel Central Guatemala

⁸ Can tina' c'a jebel ri achique niben. Y can tichajij chuka' ri ic'aslen. Roma ri itzel-vinek, ri ka-enemigo, can nisutiyaj-pe chikij. Can achi'el nuben jun coj ri nik'ajan-pe que tak ri', tok nucanoj ruvay. Can queri' nuben ri itzel-vinek chike roj.

Re C'ac'a Testamento pa Kach'abal

⁸ Can tina' jabal re andex niban. Y can tichajij chuka' re ic'aslen. Roma re itzel re ka-enemigo, can nuyala' vuelta chakij, can ancha'l nuban jun león tak nich'umun rupan roma can nisiq'uin. Can ja quire' nuban re itzel chaka.

Kaqchikel Western Solola

⁸ Can tich'obo' c'a jabel ri achique niben. Y can tichajij chuka' ri ic'aslen y ma quixwer ta ka. Ruma ri itzel winek, ri kac'ulel can nisutin pe chikij. Can achi'el nuben jun coj ri nurek pe ruchi' queri', tek nucanoj achique ri nutij. Can queri' nuben ri itzel winek chake riyoj.

1 Pedro 5:8 ပူးပေါင်းရင်းမြစ်များ

Ester 7:6

Y ri Ester xubij: Ri etzelanel qichin ja re itzelej Amán, xcha'. Jari' toq ri Amán kan xpe jun nimalej xibinri'il chire chikiwech ri rey y ri reina.

Wuj Richin ri Achin Job 2:2

Y ri Jehová xch'on k'a rik'in ri Satanás y xuk'utuj chik k'a chire ri akuchi peteneq-wi. Rija' xubij chik chi peteneq chuwech chijun ri ruwach'ulew.

Wuj Richin Bix Chire ri Dios 104:21

Jari' toq ri alaji' taq koj yewuyin roma nikikanoj ri kiway. Kan nikikanoj k'a ri kiway ri naya' chike rat.

Wuj Richin Bix Chire ri Dios 109:6

Nu-Dios yin, tabana' k'a chire re wineq re' chi ri niq'aton-tzij pa ruwi', ja ta ri wineq ri banoy etzelal. Kan ja ta k'a ri rachibil ri k'o pa rijkiq'a' xtiyakatej chirij.

Wuj Richin Etamabel-Tzij 19:12

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; jak'a toq rija' nuben jun utzil, kan ch'u'ul-ch'u'ul y niwalel, achi'el toq niqaqa ri raxq'ab pa ruwi' ri q'ayis.

Wuj Richin Etamabel-Tzij 20:2

Kan achi'el nureq ruchi' ri koj, kan keri' niq'ajan toq nureq ruchi' ri rey toq royowal; y ri wineq ri nibanon chire ri rey chi niyakatej royowal, rik'in juba' xa nuya-ri' pa kamik.

Wuj Richin Etamabel-Tzij 28:15

Kan achi'el k'a jun koj ri nureq ruchi' o achi'el nuben jun oso ri niken roma wayjal; kan keri' rubanikil ri q'atoy-tzij ri banoy richin etzelal, y niq'aton-tzij pa kiwi' meba' taq winaqi'.

Wuj Richin ri Isaías 50:8

Kan naqaj k'a k'o chuwe yin ri yiruto' y ri nukolonel. ¿Achike ta k'a nrajo' nuben oyowal wik'in? Kan tubana' k'a y kan tijel-pe wik'in. ¿Achike ta k'a nibin chi yin k'o itzel ri xinben? Kan tubij k'a chi nupalej yin.

Wuj Richin ri Jeremías 2:15

Ri koj xkireq kichi' chirij, xeq'ajan chirij y xkiben chire ri ruwach'ulew chi man jun chik xk'oje' kan. Kan xkiwulaj k'a ri itinamit, xkiporoj kan y man jun chik wineq ri xk'oje' kan chupan.

Wuj Richin ri Jeremías 51:38

Konojel rije', xtikireq kichi' achi'el ri koj y ri taq alaji' koj kan nikiben chike ri winaqi' richin nikixibij-ki' chikiwech.

Ez 19:7

Kan xeruwulaj k'a ri tz'aq richin ri tinamit, y xerutoloba' k'a kan ronojel ri tinamit. Y konojel k'a winaqi' richin ri ruwach'ulew, kan kixibin k'a ki' roma ri ruch'abel ri koj ri'.

Ez 22:25

Ri yeq'aton-tzij chiri' e achi'el xa ta ri koj ri yewuyin chikij ri winaqi' y kan yekiwech' ri e kichapon. Rije' yekikamisaj ri winaqi' achi'el ri koj yekik'ux ch'aqa' chik chikopi'. Re q'atoy taq tzij re' kan yekik'en k'a kan ronojel ri k'o kik'in. Chuqa' e k'iy k'a ixoqi' ri xemalkanej kan koma rije'.

Dn 6:24

Chirij ri' ri rey kan xubij k'a chi kebek'amer-pe ri achi'a' ri nich'upun kik'u'x chirij ri Daniel, y kek'aq chupan ri jul ri akuchi ek'o-wi ri koj. Kan keri' k'a xban chike ri achi'a' ri', e kachibilan ri kixjayilal y ri kalk'ual. Y kan k'a man jani k'a ke'apon-qa kik'in ri koj, kan ja yan ri' xkik'eq-pe-ki' ri koj chikij, y kan xekiwech'.

Os 11:10

Rix aj-Israel kan xtitzeqelibej k'a ri Jehová. Rija' kan xtiwajin k'a achi'el nuben jun koj, xtiwajin y ri alk'ualaxela' kan xkek'ark'ot k'a. Xkepe chuwech y xke'el-pe pa qajbel-q'ij.

Os 13:8

Kan xkiqaqa k'a pan awi' achi'el jun ixoq oso ri ek'o taq ral y yakatajineq royowal roma e majon kan chuwech. Xtinwech' k'a ri awánima, kan xkatink'is k'a jumul achi'el nuben ri koj.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

Am 1:2

Ri Jehová nisik'in pa ruwi' ri juyu' Sión; kan nak'axatej-el k'a pa Jerusalem achi'el niq'ajan ri koqolajay. Ri soq'olbel kan nichaqi'j-qa; keri' chuqa' nichaqi'j-qa ri ruwi' ri juyu' Carmelo.

Am 3:4

Ri koj ri k'o pa k'echelaj man niwuyin ta wi man rukamisan ta ri achike nutej. Ri koj ri k'o pa rusok man niq'ajan ta wi maneq jun chikop ri xuchop.

Am 3:8

Toq ri koj niwuyin, konojel ri winaqi' nikixibij-ki'. Y toq yin yich'on, ri q'alajirisey nuch'abel k'o chi nubij ri xinbij chire.

Wuj Richin ri Zacarías 11:3

Ri yuq'unela' kan xke'oq' k'a janila, roma ri q'os xa kan xtik'is jumul. Ri koj kan xtiwajin ri ruch'abel, y ri k'echelaj ri ek'o chuchi' ri raqen-ya' Jordán kan xkek'is pa jun bey.

Wuj Richin ri Zacarías 3:1

Chirij ri jun achi'el achik' ri' k'o chik jun ri xk'utumej chinuwech: Xintz'et ri nimalej sacerdote rubini'an Josué pa'el chuwech ri ru-ángel ri Jehová. Y ri Satanás k'o-apo pa rijkiq'a' richin nusujuj-apo.

San Mateo 13:39

Ri etzelanel ri xbetikon kan ri pach'un-q'os, kan jak'a ri Itzel-Wineq. Ri q'atoj, jak'a ri xtibanatej pa ruk'isibel chire ri ruk'isibel taq q'ij; y ri q'atonela', jak'a ri ángel.

San Mateo 24:42

Roma ri' kan kiniwoyobej-apo, roma xa man xtiwetamaj ta jampe' toq xkinoqaqa yin, ri iwajaw.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

San Mateo 4:1

Ri Jesús xban k'a chire roma ri Loq'olej Espíritu chi xbe pa tz'iran ruwach'ulew, richin chi nitejtobex roma ri Itzel-Wineq.

San Mateo 4:11

Jari' toq ri Itzel-Wineq xuya' kan ri Jesús. Y kan jari' xe'oqaqa ángel rik'in richin xkilij.

Marcos 4:15

Ri juba' ija'tz ri xqaqa pa bey, nich'on pa kiwi' ri winaqi' ri nikak'axaj ri ruch'abel ri Dios, jak'a ri Itzel-Wineq junanin napon kik'in y nrelesaj-el ri ch'abel ri' pa taq kánima.

San Lucas 21:34

Tichajij k'a ri ik'aslen. Man tibe iwánima chikij ri nimaq'ij; man kixq'aber y chuqa' man xaxe ri nik'atzin chiwe chuwech re ruwach'ulew ri nich'ob, y k'a toq xtina', xa jari' xoqaqa ri q'ij, richin chi yin xkinoqaqa.

San Lucas 21:36

Roma ri' kan tichajij-apo jebel ri ik'aslen. Jantape' kixch'on rik'in ri Dios, richin yixkolotej chuwech ronojel ri tijoj-poqonal ri xtipe pa ruwi' re ruwach'ulew chupan ri q'ij ri', y richin chuqa' utz yixapon chinuwech yin, ri xiqaqa-pe achi'el wineq chi'ikojol, xcha' ri Jesús.

San Lucas 22:31

Ri Jesús xubij k'a chuqa' chire ri Pedro: Simón, Simón ninbij k'a chawe chi ri Itzel-Wineq xixruk'utuj yan chire ri Dios richin chi yixrutejtobej. Kan nrajo' k'a yixrusiloj achi'el nisilox ri trigo chupan ri chaybel.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

2 Corintios 2:11

Keri' xinben richin man tiqaya' q'ij chire ri Satanás chi nich'akon ta chiqij roj. Roma qetaman jebel chi rija' kan nowineq-wi chubanik richin yojqaqa pa ruq'a'.

Efesios 4:27

Man tiya' q'ij chi yixtzaq pa ruq'a' ri Itzel-Wineq.

Efesios 6:11

Kan tibana' k'a achi'el nuben jun aj-labal, ri richin nuto-ri', k'o ch'ich' ri yerukusaj richin rutobal. Y rix richin nito-iwi' chuwech ri Itzel-Wineq, tikusaj k'a ronojel ri ruya'on ri Dios chiwe richin itobal.

1 Timoteo 2:15

Jak'a ri ixoq xtikolotej rik'in xtok te'ej, wi kan nukuquba' ruk'u'x rik'in ri Dios, k'o ajowabel pa ránima, y nuk'uaj jun k'aslen ch'ajch'oj.

1 Timoteo 2:9

Keri' chuqa' ri ixoqi', kekikusaj tzieq ri kan e choj, ri ruk'amon chi nikikusaj. Man tikibanala' ruchojmil ri rusumal taq kiwi' xaxe richin chi ketz'et koma ri winaqi', ni man kekikusaj wiqobel ri e banon rik'in q'anapueq, o rik'in perla, y man yekikusala' jebelej taq tzieq ri jotol kajel.

1 Timoteo 3:11

Y keri' chuqa' wi k'o jun ixoq ri nrajo' nilin: Nik'atzin chi nuk'uaj ta jun k'aslen utz chikiwech ri winaqi', man ta kamuluy-tzij, jun chojilej ixoq ta y kan nuben ta ronojel ri nubij.

1 Timoteo 3:2

Jak'a kan k'atzinel chi ruk'uan jun k'aslen utz, richin chi man jun niyako pe tzij chirij. K'o chi xaxe jun rixjayil,*f1* nuna' jebel ri yerubanala', retaman nuq'il ri' chuwech ri mak, ruk'amon chi ninimex rutzij, kan jebel yeruk'ul-apo ri ye'apon pa rachoch y jebel nuk'ut ri ruch'abel ri Dios,

2 Timoteo 4:17

Ri Dios xa kan xiruto-wi yin. Xuya' wuchuq'a' richin xintzijoj ri ruch'abel ri Dios chike ri winaqi' ri man e judío ta. Y keri' xikolotej-pe chuwech ri kamik.

Tito 1:8

Nik'atzin chuqa' chi kan jebel yeruk'ul-apo ri ye'apon pa rachoch, chi beneq ránima chubanik ri utz, nuq'et-ri' chubanik ri etzelal, ruk'uan jun k'aslen choj y loq'olej y man nuya' q'ij chire ri mak.

Tito 2:12

Y ri ch'abel ri' chuqa' nuk'ut chiqawech chi niqaya' ta kan rubanik ronojel ri man niqa' ta chuwech ri Dios y ronojel ri itzel taq rayinik richin re ruwach'ulew. Tiqaq'ata-qi' chubanik ri man ruk'amon ta, y tiqak'uaj jun k'aslen choj, jun k'aslen ri niqa' chuwech ri Dios.

Tito 2:2

Ke'atijoj ri rijita'q taq achi'a' richin kan ta nikina' jebel ri yekiben, nikiben ta ronojel ri ruk'amon, y kan nikiq'et ta ki' chubanik ronojel ri man ruk'amon ta, kan ta k'o janila kuqubabel-k'u'x kik'in, janila ajowabel, y janila koch'onik chupan ri ruk'ayewal.

Tito 2:4

Richin keri' nikik'ut ta chikiwech ri ixoqi' ri k'a e ak'uala' na chi kekajo' ri kachijilal y ri kal,

Tito 2:6

Tabij k'a chuqa' chike ri achi'a' ri k'a e ak'uala' na, chi kan nikiq'et ta ki' chubanik ri man ruk'amon ta.

Santiago 4:7

Wakami k'a tiya-iwi' chuxe' rutzij ri Dios, y man tiya' q'ij chire ri Itzel-Wineq. Keri' xa xtanimej-el chiwech.

1 Pedro 1:13

Roma ri', rix tinaba-iwi', y tichajij jebel ri ik'aslen. Kan rik'in k'a ronojel iwánima tiwoyobej ri utzil ri xtijach chiwe toq xtok'ulun-qa ri Jesucristo.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

Apocalipsis 12:10

Y jari' toq yin Juan xinwak'axaj k'a chi ri chila' chikaj k'o k'a jun ri nich'on y rik'in uchuq'a' nubij: Xoqaqa yan ri kolotajik, xoqaqa yan ri ajawaren y ri uchuq'a' richin ri qa-Dios. Keri' chuqa' xoqaqa yan ri ruq'atbel-tzij ri Cristo. Roma xk'aq yan el ri nosujun kichin ri qach'alal chuwech ri Dios chi paq'ij chi chaq'a'.

Apocalipsis 12:12

Roma ri' rix ri ixk'o chila' chikaj tikikot ri iwánima. Jak'a kan toq'ex iwech rix ri ixk'o chuwech ri ruwach'ulew y ri pa ruwi' taq ya'. Roma ri Itzel-Wineq xxule-qa iwik'in rix rik'in janila royowal, roma rija' retaman chi man k'iy ta chik q'ij ri ya'on chire, xcha'.

Apocalipsis 12:9

Ri nimalej itzel keq rij chikop ri' jari' ri Itzel-Wineq, ri Satanás, ri kumetz ri k'o-pe ojer y ri niq'olon kichin konojel winaqi'; kan xk'aq k'a pe chuwech ri ruwach'ulew e rachibilan ri itzel taq ru-ángel.

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Apocalipsis 20:2

Re ángel re' xberuchapa-pe ri nimalej itzel keq rij chikop ri ojer kumetz, ri nibix chuqa' Itzel-Wineq y Satanás chire; y rik'in ri cadena ri' xuxim kan richin 1,000 juna'.

Wuj Kichin ri To'onela' 14:5

Ri Sansón y ri rute-rutata' xebe-qa pa Timná, y xe'apon ri akuchi tikon-wi uva ri chiri' pa Timná. Chiri' xbe'el k'a pe jun nima-alaj koj y xuk'eq-ri' chirij ri Sansón.