1 Pedro 4:8 - Kaqchiquel Bible

⁸ Nik'atzin chuqa' chi tiwajowala-iwi' janila, roma ri ajowabel kan nutz'apej ruwi' ri janila chi mak.*f7*

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y pa ruwiꞌ nojel ri ndibꞌen pa ikꞌaslen, ri más ndikꞌatzin ja ri ndiwojoꞌ iwiꞌ rikꞌin nojel iwánima. Porque ri ngixojowan ndubꞌen chiwa chi ndikuy santienta mak.

Kaqchikel Santa Maria de Jesus

⁸ Y ri más nicꞌatzin ntiꞌan ixreꞌ, ja chi riqꞌuin nojiel ivánima tivajo-iviꞌ, ruma xa ixreꞌ ntivajo-iviꞌ, can chaꞌnin jeꞌ tibꞌanaꞌ perdonar ri cꞌo chꞌoꞌj niquiꞌan.

Kaqchikel Central Guatemala

⁸ Y ri nic'atzin chuka' chi niben rix, ja ri tivajovala-ivi' janíla. Y ri ajovabel can nic'atzin-vi. Roma tok can navajo' jun vinek, chanin nacuy ri rumac.

Re C'ac'a Testamento pa Kach'abal

⁸ Y re otz chuka' che niban yex, ja che camas tijo-ivi'. Roma tak can najo-va jun vinak, cha'nin nacuy rumac.

Kaqchikel Western Solola

⁸ Y riyix nic'atzin chi can sibilaj tiwajo' iwi'. Ruma tek niwajo' iwi', can q'uiy mac ri yixcowin nicuy.

1 Pedro 4:8 ပူးပေါင်းရင်းမြစ်များ

Wuj Richin Etamabel-Tzij 10:12

Ri etzelanik k'iy ruwech oyowal yeruyek-pe. Jak'a ri ajowabel nitikir nukuy ronojel ruwech mak.

Wuj Richin Etamabel-Tzij 12:16

Ri xa maneq runa'oj kan chi'anin nuk'ut chi k'o royowal; jak'a ri kan nowineq man nuk'ut ta ri ruk'ixbilal, roma niqasex ruq'ij.

Wuj Richin Etamabel-Tzij 17:9

Jun ri kan nukuy rumak ri jun chik, kan q'alaj chi nukanoj jun qitzij rachibil; jak'a ri xa nuchop rutzijoxik ri etzelal ri xban chire, ri rachibil xa xtibe.

Wuj Richin Etamabel-Tzij 18:13

Ri wineq ri kan chi'anin nich'on yan y xa k'a man jani tik'is-apo rubixik chire ri najowex nik'utux chire; xa nuk'ut chi maneq runa'oj y xa ruyon rija' nuya' ruk'ix.

1 Corintios 13:1

Xa ta yin yich'on pa k'iy ch'abel re wawe' chuwech re ruwach'ulew, o pa kich'abel ángel, y xa man yinajowan ta, man jun nik'atzin-wi. Xa in junan ta rik'in jun ch'ich' ri nitzino ri xa choj niq'ajan.

1 Corintios 13:4

Ri ajowabel kan nuben-wi k'a chi k'o koch'onik. Nuben chi utz qana'oj kik'in konojel. Chuqa' nuben chi maneq ch'upun-k'u'x qik'in, y nuben chuqa' chi man niqanimirisaj ta qi'.

Colosenses 3:14

Y ja ri ajowabel ri más nik'atzin. Roma wi yojajowan, kan nuben chiqe chi junan qawech qonojel.

1 Tesalonicenses 3:12

Qach'alal, roj niqajo' chi ri ajaw xtuben ta chiwe chi kan niwajo' más iwi'. Y keri' chuqa' ke'iwajo' konojel ri ch'aqa' chik winaqi'. Kan tiwajo-iwi' achi'el qabanon roj iwik'in rix.

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

Hebreos 13:1

Wach'alal, kan jantape' k'a tiwajo-iwi'.

Santiago 5:12

Wach'alal, ninbij chiwe wakami chi toq rix k'o jun ri niwajo' nibij, choj tibij; wi qitzij, kan tibana' k'a ri xibij; y wi nibij chi ni, man tiben. Keri' man nik'atzin ta chi niben jun ya'on tzij. Man tikusaj ri kaj, re ruwach'ulew y ch'aqa' chik richin chi niya' itzij. Richin keri' man jun ruk'ayewal xtiqaqa pan iwi' toq xtapon ri q'ij toq ri Dios xtuq'et-tzij.

Santiago 5:20

Y tiwetamaj k'a chi wi nitzolej chik pe ruk'u'x jun aj-mak, y rija' nuchop jun k'aslen utz, kan xiben k'a chire chi nikuyutej ri janipe' mak ri e rubanalon, y nikolotej chuwech ri kamik ri nuk'en-pe ri mak.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

3 Juan 1:2

Wach'alal, ninrayij chi utz ta at beneq rik'in ronojel, y maneq ta ayabil, keri' chuqa' utz ta ri ak'aslen rik'in ri Jesucristo.