1 Pedro 4:4 - Kaqchiquel Bible4 Y ri winaqi' ri' kan achike na yixkitz'et, roma rix man nibanala' ta chik ri itzel taq banobel ri k'a nikibanala' na rije'. Y roma ri' janila itzel yech'on chiwij. အခန်းကိုကြည့်ပါ။နောက်ထပ်ဗားရှင်းများKaqchikel Santo Domingo (Xenacoj)4 Wokami ri wineq ri ma kitaqin ta ri Dios, ndisach kikꞌuꞌx chiwij, roma rix ma ndibꞌen chi ta achel ndikibꞌen rejeꞌ, chi kikꞌuan jun itzel kꞌaslen, y romariꞌ itzel ngechꞌaꞌa chiwij. အခန်းကိုကြည့်ပါ။Kaqchikel Santa Maria de Jesus4 Rumareꞌ ri vinak ri man cataꞌn ta roch ri Dios, can vor chica yan chic nquixquitzꞌat, ruma ixreꞌ man ntiꞌan ta chic ri itziel tak kax ri niquiꞌan ijejeꞌ. Y rumareꞌ itziel ncaꞌchꞌoꞌ chivij. အခန်းကိုကြည့်ပါ။Kaqchikel Central Guatemala4 Y romari' ri vinek ri man quetaman ta ruvech ri Dios, can achique la chi vinek yixquitz'et, roma rix man nibanala' ta chic ri itzel tak banobel ri c'a niquibanala' na rije'. Y chuka' romari' re vinek re' janíla yech'on chivij. အခန်းကိုကြည့်ပါ။Re C'ac'a Testamento pa Kach'abal4 Y mare' re vinak re man quitaman-ta rach re Dios, can nisatz quic'o'x chivij tak yixquitz'at, roma yex man niban-ta chic re itzel tak banabal re c'a niquiban reje'. Y mare' chuka' re vinak camas ye'ch'o chivij. အခန်းကိုကြည့်ပါ။Kaqchikel Western Solola4 Y rumari' ri winek ri ma quetaman ta ruwech ri Dios, xa can achique chic na chi winek yixquitz'et, ruma riyix ma nibanala' ta chic ri itzel ri c'a niquibanala' na riye'. Y rumari' tek ri winek ri' itzel yech'o chiwij. အခန်းကိုကြည့်ပါ။ |
Jak'a rije' kan man niqa' ta k'a chikiwech ri nubij ri Pablo, y k'iy k'a itzel taq tzij ri yekibila'. Roma ri' ri Pablo xutotaj ri rutziaq, richin keri' tikinabej chi man utz ta ri xkiben. Xubij k'a chuqa' chike: Ja rix k'o imak wi xkixbeqaqa pa ruk'ayewal. Yin xinel yan k'a chuwech, roma kan xinya' ri rutzijol chiwe. Re wakami yixinya' k'a kan, richin yibe kik'in ri winaqi' ri xa man e judío ta, xcha' kan chike.
Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.
¡Kan toq'ex k'a iwech rix etamanela' chirij ri pixa' y rix fariseo ri xa ka'i' ipalej! Nik'ut k'a chikiwech ri winaqi' chi utz ri ibanobal, jak'a ri pa taq iwánima man keri' ta, xa nojineq rik'in eleq', y nojineq rik'in itzel rayinik. Xa ix achi'el leq ri ch'ajch'oj rij jak'a ri rupan xa tz'il-tz'il.