1 Pedro 4:19 - Kaqchiquel Bible

¹⁹ Roma ri', wi ri kiniman ri Dios nikitej poqon roma keri' ri nrajo' rija', jantape' k'a tikibana' ri utz, y tikijacha-ki' pa ruq'a' ri Dios, roma ja rija' ri banayon kichin. Y rija' man jun bey xkeruya' ta kan.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁹ Roma kꞌa riꞌ, roj ri ndiqaqꞌasaj kꞌayew roma ndiqabꞌen ri rurayibꞌel ri Dios, ma tiqayaꞌ kan chi ndiqabꞌen ri utz y jumul tiqajachaꞌ qánima pa ruqꞌaꞌ ri Dios ri bꞌanayon qichin, y kin ndubꞌen wi ri ndubꞌij.

Kaqchikel Santa Maria de Jesus

¹⁹ Rumareꞌ, xa ixreꞌ ntiꞌan sufrir ruma quireꞌ nrajoꞌ ri Dios, man timastaj chiva ntiꞌan ri otz y tijacha-iviꞌ pa rukꞌaꞌ ri Dios, ruma jajaꞌ ri bꞌanayuon-pa ivichin, y jajaꞌ man jun bꞌay xquixruyaꞌ can.

Kaqchikel Central Guatemala

¹⁹ Romari', vi roj ri kaniman ri Dios nikatej pokon roma queri' ri nrajo' rija', man jun bey c'a tikamestaj can. Man jun bey c'a chuka' tikamestaj nikaben ri utz. Y tikajacha-ki' pa ruk'a' ri Dios. Roma ja rija' ri banayon-pe kichin. Y rija' man jun bey xkojruya' ta can.

Re C'ac'a Testamento pa Kach'abal

¹⁹ Y tak yoj nakataj pokan roma quire' nrajo' re Dios, man takamistaj nakaban re otz. Y takajacha-ki' pa ruk'a' re Dios. Roma ja reja' re banayon kachin. Y reja' man jun bey xkojruya-ta can.

Kaqchikel Western Solola

¹⁹ Y riyoj ri kaniman chic ri Dios y nikatij pokon ruma can queri' ri nrajo' Riya', xa can tikajacha' c'a ki' pa ruk'a' ri Dios ri q'uiytisanel riche (rixin) ronojel ri majun bey yojruya' ta ca, y can tikabana' c'a ri utz.

1 Pedro 4:19 ပူးပေါင်းရင်းမြစ်များ

Wuj Richin Bix Chire ri Dios 37:5

Tajacha' ri ak'aslen pa ruq'a' ri Jehová, y takuquba' ak'u'x rik'in rija', y rija' xkaruto'.

2 Timoteo 1:12

Y roma ri' nintej poqon, jak'a man yik'ix ta, roma kan wetaman-wi ri achike nuniman y kan kuqul-nuk'u'x rik'in chi nuchajij ri wánima ri nujachon pa ruq'a', k'a toq xtapon ri ruk'isibel q'ij.

1 Pedro 3:17

Más utz natej poqon chubanik ri utz, wi keri' rurayibel ri Dios, ke chuwech ja ri etzelal naben.

Wuj Richin Bix Chire ri Dios 138:8

Rat Jehová, kan xtaben k'a chupan ri nuk'aslen ri nawajo' rat. Ri ajoyowanik rat Jehová kan richin k'a jantape'. Roma ri' tabana' utzil man ta malij kan ri ja rat at banayon.

1 Pedro 2:15

Ri Dios kan nrajo' k'a chi rix ja ta ri utz ri niben ronojel bey, richin keri' man jun yetikir nikibij chiwij ri winaqi' ri man jun ketaman y man yech'obon ta jebel.

Romanos 2:7

Jak'a kan ek'o winaqi' ri man yetane' ta richin nikiben ri utz. Rije' nikajo' chi ri Dios nuben chike chi nik'oje' kiq'ij y kik'aslen ri man k'isel ta. Y chike rije' ri Dios kan xtuya' ri k'aslen richin tibe-q'ij tibe-seq.

Wuj Richin Bix Chire ri Dios 31:5

Pan aq'a' k'a rat ninjech-wi' richin yinachajij. Kinakolo' k'a roma rat at jun Dios ri man yinamalij ta kan.

Dn 6:22

Ri nu-Dios xuteq k'a pe jun ru-ángel richin xutz'apej ri kichi' ri koj, richin chi man jun xkiben chuwe. Roma yin xa kan man jun k'a numak chuwech rija'. Keri' chuqa' chawech rat rey kan man jun numakun, xcha'.

Hechos 7:59

Y ri Esteban xch'on rik'in ri Dios toq chapon ruk'aqik chi abej, y nubij k'a: Wajaw Jesús, tak'ulu' k'a ri wánima.

San Lucas 23:46

Kan jari' toq ri Jesús rik'in k'a ruchuq'a' xubij: Nata' Dios, pan aq'a' k'a ninjech-wi ri wánima, xcha'. Y kan xaxe k'a xubij kere', kan jari' xken-qa.

Wuj Richin ri Isaías 43:21

Ja rix k'a ri tinamit ri xixinwinaqirisaj richin xixok wichin yin, richin kan niya' nuq'ij rik'in bix.

Wuj Richin ri Isaías 43:7

Kixanpe chi'iwonojel rix ri ik'uan ri nubi' yin, roma ja yin xik'iytisan iwichin, y yin xibanon iwichin, richin rix niya' nuq'ij yin.

Ester 4:16

tibe kik'in konojel ri kiwinaq ri ek'o chiri' pa Susa, y tubij chike chi kemewayin oxi' q'ij y oxi' aq'a'. Y kan keri' chuqa' xtuben rija' y ri xtani' ri ek'o rik'in. Chirij k'a re', k'ari' xtibe richin niberutz'eta' ri rey, stape' xtuq'ej ruwi' ri pixa'. Y chuqa' ri Ester xubij: Wi xkiken, kan xkiken k'ari', xcha'.

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.