1 Pedro 3:2 - Kaqchiquel Bible

² toq xtikitz'et chi kan choj ri ik'aslen y yixniman tzij.

နောက်ထပ်ဗားရှင်းများ

Kaqchikel Santo Domingo (Xenacoj)

² Porque ri iwachijil ndikitzꞌet ri chꞌajchꞌaj ikꞌaslen ikꞌuan y ndikiyaꞌ cuenta chare chi kin ngixniman wi.

Kaqchikel Santa Maria de Jesus

² Xa riqꞌuin niquitzꞌat chi ivucꞌuan jun cꞌaslien sak y respetuosa, niquinimaj ri Jesucristo.

Kaqchikel Central Guatemala

² Xaxe riq'uin niquitz'et chi ic'uan jun ch'ajch'ojilej c'aslen y yixniman tzij, xtiquinimaj.

Re C'ac'a Testamento pa Kach'abal

² Xaxe riq'uin niquitz'at che yex ic'uan jun ch'ajch'oj c'aslen y yixniman tzij, reje' xtiquinimaj re Jesucristo.

Kaqchikel Western Solola

² Xaxu (xaxe wi) riq'ui ri niquitz'et chi ic'uan jun ch'ajch'ojlaj c'aslen y yixniman tzij, riye' xtiquinimaj ri Jesucristo.

1 Pedro 3:2 ပူးပေါင်းရင်းမြစ်များ

1 Pedro 2:12

Roma ri' kan tik'uaj jun k'aslen utz, y choj chikikojol ri winaqi' ri man ketaman ta ruwech ri Dios. Richin chi stape' nikimol-pe tzij chiwij chi man utz ta ri ik'aslen, toq xtapon ri q'ij chi ri Dios nuq'et-tzij ri winaqi' ri' xtikiya' ruq'ij-ruk'ojlen ri Dios roma ri utzilej ibanobal rix.

1 Pedro 1:15

Pa ruk'exel ri', rix kixok loq'olej rik'in ronojel ri niben, roma rija' ri xoyon iwichin kan loq'olej-wi.

Filipenses 1:27

Wakami k'a, ruk'amon chi rix tik'uaj jun k'aslen utz achi'el nubij ri ruch'abel ri Cristo. Wi xkinapon chik iwik'in, kan keri' ta ri ik'aslen xtinbenwila', y wi man xkinapon ta, xtinwak'axaj ta k'a chiwij, chi kan kuqul ik'u'x rik'in ri Cristo, chi xa jun ta iwech ibanon, y kan ta ito'on-iwi' richin itzeqeliben ri utzilej ch'abel richin kolotajik.

2 Pedro 3:11

Roma k'a ronojel ri' rix yalan nik'atzin chi kan nik'uaj jun loq'olej k'aslen ri kan niqa' chuwech ri Dios,

Efesios 5:33

Y ninbij chik jun bey chiwe chi'ijujunal chi tiwajo' ri iwixjayil, kan achi'el niwajo-qa-iwi' rix. Y rix ixoqi' tibana' chike ri iwachijil chi kan k'o-wi kiq'ij.

Colosenses 3:22

Rix samajela', jantape' tinimaj kitzij ri iwajaw. Man tiben k'a chi xaxe toq ek'o-apo rije' iwik'in yixniman-tzij, xaxe richin kixnimex chi rix ix utz taq samajela'. Nik'atzin chi rik'in ronojel iwánima tibana' ri kisamaj, roma k'o rukiy ri Dios chiwech.

Filipenses 3:20

Jak'a roj kan oj richin chik ri chila' chikaj, ri akuchi k'o-wi ri kolonel y ajaw Jesucristo, y qoyoben chik ri q'ij toq xtipe.

Efesios 6:5

Y rix samajela', tinimaj kitzij ri iwajaw. Rik'in ronojel iwánima tibana' ri nikajo' chi niben, achi'el xa ta kan ja ri rutzij ri Cristo ri ninimaj.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

1 Pedro 3:1

Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,

1 Pedro 3:3

Ri niwiq iwi' man ta xa ja ri niq'alajin achi'el ri wiqobel ri e banon rik'in q'anapueq, ri jebelej taq tzieq, y ri ruchojmirisaxik ri rusumal taq iwi'.