1 Pedro 3:12 - Kaqchiquel Bible

¹² Ri rutzubal ri Jehová ruya'on k'a pa kiwi' ri choj kik'aslen. Rija' kan nrak'axaj ri kich'owen. Ri Jehová kan nuteq k'a pe ri royowal pa kiwi' ri man utz ta nikiben.

နောက်ထပ်ဗားရှင်းများ

Kaqchikel Santo Domingo (Xenacoj)

¹² Porque ri Ajaw ngerutzutzaꞌ pe ri kikꞌuan jun chojmilej kꞌaslen chin ngeruchajij, Y ndirakꞌaxaj ri oraciones ndikibꞌen. Pero yakatajneq royowal chake ri ndikibꞌanalaꞌ itzel teq achike. Keriꞌ tzꞌibꞌan kan.

Kaqchikel Santa Maria de Jesus

¹² Ruma ri Ajaf nitzuꞌn-pa pa quiveꞌ ri choj quicꞌaslien, y nraꞌxaj-pa ri qui-oración. Pero ri ncaꞌbꞌano itziel tak kax, man otz ta ncaꞌrutzꞌat-pa. Quireꞌ nuꞌej chupan ri ruchꞌabꞌal ri Dios ri tzꞌibꞌan can.

Kaqchikel Central Guatemala

¹² Roma ri Ajaf can yerutzu' ri vinek choj quic'aslen. Y can nrac'axaj ri qui-oración. Jac'a ri yebanon etzelal, man utz ta yerutz'et. Queri' nubij ri ruch'abel ri Dios ri tz'ibatel can.

Re C'ac'a Testamento pa Kach'abal

¹² Roma re Ajaf can ye'ruchajij re vinak re choj quic'aslen. Y nuc'axaj re qui-oración. Jac'a re ye'bano itzel tak banabal, man otz-ta ye'rutz'at. Quire' nubij chupan re ruch'abal re Dios re tz'iban can.

Kaqchikel Western Solola

¹² Ruma ri Ajaf can yerutzu' ri winek choj quic'aslen. Y can nrac'axaj ri qui'oración. Yac'a ri yebano etzelal, ma utz ta nutz'et chique. Queri' nubij ri ruch'abel ri Dios ri tz'ibatal ca.

1 Pedro 3:12 ပူးပေါင်းရင်းမြစ်များ

San Juan 9:31

Qetaman chi ri Dios man nuben ta ri nikik'utuj ri aj-maki' chire. Jak'a ri jun ri kan nuya-wi ruq'ij ri Dios y kan nuben chuqa' ri nrajo' rija', kan nak'axex-wi roma ri Dios, y nibanatej ri nuk'utuj.

Wuj Richin Etamabel-Tzij 15:29

Ri Jehová man yeruk'ul ta ri winaqi' ri e banoy richin ri etzelal; jak'a ri ruch'owen ri wineq ri choj ruk'aslen, kan nrak'axaj k'a.

Wuj Richin Etamabel-Tzij 15:3

Ri rutzubal ri Jehová, xabakuchi k'a napon-wi; ri runaq' taq ruwech kan ek'o k'a pa kiwi' ri utzilej y ri itzelej taq banobel.

2 Crón 7:15

Yin kan xtinwak'axaj k'a ri ach'owen y ri utzil ri xak'utuj chuwe re wawe' pa wachoch.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

2 Crón 16:9

Keri' xuben ri Jehová roma rija' kan rutzuliben-pe chijun ri ruwach'ulew richin nuya' kuchuq'a' ri kan qitzij kijachon-ki' pa ruq'a' rik'in ronojel kánima. Rat xa kan achi'el jun nakanik na'oj ri xaben, y roma ri' re wakami chiqawech-apo xtipe más labal chawij, xcha' ri Hananí.

Santiago 5:16

Y rix, wi k'o mak ri ibanalon, kan tiq'alajirisala' k'a chiwech. Titola-iwi' richin yixch'on rik'in ri Dios, richin chi yixchojmir. Y wi choj ri ik'aslen chuwech ri Dios, y rik'in ronojel iwánima xkixch'on rik'in, kan k'iy k'a ri xtik'ul chire rija'.

Wuj Richin Bix Chire ri Dios 65:2

Kan awik'in k'a rat xkepe-wi konojel ri winaqi', roma rat kan nawak'axaj ronojel ri ch'owen ri yeban awik'in.

Ez 15:7

Yin kan xkinok k'a etzelanel kichin rije'. Stape' xke'animej chuwech ri q'aq', jak'a kan k'o chik jun q'aq' ri xtik'ison kichin. Y k'ari' xtetamex chi ja yin Jehová.

Deut 11:12

Ri ruwach'ulew ri' kan ja ri Jehová ri qa-Dios nichajin, y ri rutzubal kan ruya'on pa ruwi' richin q'asen.

Wuj Richin Bix Chire ri Dios 80:16

Ri qaruwach'ulew xa kan xya'ox k'a ruq'aq'al, y tolan chik rubanon, roma ri' rik'in ri awoyowal ke'ak'isa' ri winaqi' ri xeya'on ruq'aq'al.

Wuj Richin ri Chojmirisabelri'il 26:17

Yin xkiyakatej k'a chiwij y kan xkixch'akatej k'a pa kiq'a' ri etzelanel iwichin y ja rije' ri xkek'oje' pan iwi'; y rix xkixanimej k'a, stape' man jun oqotayon iwichin.

Wuj Richin ri Jeremías 21:10

Roma yin xinch'ob yan richin ninya' wululen pa ruwi' re tinamit re' y man ninben ta chik ri utz iwik'in. Xkixinjech k'a el rix pa ruq'a' ri rey richin Babilonia y rija' xtuya' kan ruq'aq'al ri tinamit. Keri' nubij ri Jehová, xicha' chike.

Wuj Richin Bix Chire ri Dios 11:4

Ri Jehová chupan k'a ri loq'olej rachoch k'o-wi; chila' chikaj k'o-wi ri rutz'uyubal richin nuq'et-tzij, rija' kan rutzuliben k'a pe ronojel ri nikiben ri winaqi'.

Wuj Richin ri Chojmirisabelri'il 20:6

Wi k'o ta jun wineq ri xtibe rik'in ri yeruk'ulubej ri kaminaqi' y kik'in ri nikibananej chi ketaman ri peteneq chiqawech-apo y kan yerutzeqelibej, yin kan xkiyakatej chirij ri wineq ri' y kan xtinwelesaj ri ruk'aslen.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin Bix Chire ri Dios 33:18

Jak'a ri Jehová kan yeruchajij ri k'o rukiy ri Dios chikiwech. Yeruchajij ri nikikuquba' kik'u'x rik'in ri rajowabal ri man k'isel ta.

Wuj Richin ri Jeremías 39:12

Tak'uaj-el y tachajij jebel y man jun k'a itzel xtaben chire, xa kan taya' k'a chire ronojel ri nuk'utuj chawe, xcha' chire.