1 Pedro 3:10 - Kaqchiquel Bible

¹⁰ *f6*Roma wi niwajo' k'iy q'ij richin yixk'ase', y niq'axaj q'ij rik'in kikoten; tiq'ata' ri iwaq' chubixik ri etzelal. Y kan man jun bey k'a tel q'oloj pan ichi'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Porque ri rutzij ri Dios tzꞌibꞌan kan, kereꞌ ndubꞌij: Ri ndirajoꞌ ndukꞌuaj jun yalan kꞌaslen chochꞌulew y ndirajoꞌ ndikikot, Tuqꞌataꞌ riꞌ chin ma ngerubꞌilaꞌ mal teq tzij chake chꞌaqa chik, Y ma tukusaj ruchiꞌ chin ndichꞌakatin.

Kaqchikel Santa Maria de Jesus

¹⁰ Ruma quireꞌ nuꞌej chupan ri ruchꞌabꞌal ri Dios ri tzꞌibꞌan can: Xa cꞌo jun nrajoꞌ niquicuot pa rucꞌaslien, y nrajoꞌ jeꞌ nirilaꞌ jaꞌal tak kꞌij, tukꞌilaꞌ ri rakꞌ chi nuꞌej tzij ri man i-otz ta, ni man tucusaj jeꞌ ri ruchiꞌ chi nuꞌej tzij chi ncaꞌruꞌon maña.

Kaqchikel Central Guatemala

¹⁰ Y can achi'el chuka' nubij ri ruch'abel ri Dios ri tz'iban can. Ri chiri' nubij: Vi navajo' jun c'aslen richin quicoten, y vi navajo' chuka' ne'avila' k'ij janíla jebel, man tacusaj ri avak' richin nabij ch'abel ri man e utz ta, ni man chuka' tacusaj ri achi' richin nabij tzij richin yak'olon.

Re C'ac'a Testamento pa Kach'abal

¹⁰ Y ancha'l chuka' nubij chupan re ruch'abal re Dios re tz'iban can: Vo xa najo' re ac'aslen, y najo' che yaqui'cot ya'k'asaj re k'ij, man tacusaj re achi' chin natz'uc tzij y chuka' man tabij itzel tak tzij.

Kaqchikel Western Solola

¹⁰ Ruma quec'are' nubij ri ruch'abel ri Dios ri tz'ibatal ca: Wi c'o jun winek nrajo' jun c'aslen riche (rixin) quicoten, y wi nrajo' chuka' nberila' k'ij ri sibilaj jabel, tuk'ila' ri rak' riche (rixin) chi ma nubij ta ch'abel ri xa ma ye utz ta, ni ma tucusaj ta chuka' ri ruchi' riche (rixin) chi nubij tzij riche (rixin) chi nik'olon.

1 Pedro 3:10 ပူးပေါင်းရင်းမြစ်များ

Santiago 1:26

Wi k'o jun nibin chi nuya' ruq'ij ri Dios y xa man nuchajij ta ri' rik'in ri ruch'abel, ruyon rija' nuq'ol-ri'. Y xa man jun utz nuk'en-pe chi nubij chi rija' kan nuya-wi ruq'ij ri Dios.

1 Pedro 2:22

Rija' kan man jun bey xmakun, ni man jun bey xeruq'ol ri winaqi'.

1 Pedro 2:1

Roma ri' kan tiya' k'a kan ronojel ruwech etzelal, ri q'oloj, ri ka'i' ipalej, ri ch'upun-k'u'x y ronojel kamulun taq tzij,

Apocalipsis 14:5

Y kan man jun tz'ukun-tzij ri eleneq ta pe pa kichi', xa kan e ch'ajch'oj chuwech ri Dios.

San Juan 1:47

Toq ri Jesús xutz'et ri Natanael chi xa napon yan apo rik'in, xubij chike ri winaqi' ri ek'o chiri': Titzu' la jun achin la'. Rija' jun qitzij israelita y kan man jun q'oloj k'o rik'in, xcha'.

San Juan 12:25

Roma ri', ri wineq ri yalan nupoqonaj ri ruk'aslen re wawe' chuwech re ruwach'ulew, kan xtusech k'a ri ruk'aslen. Jak'a ri man nupoqonaj ta ri ruk'aslen, kan richin k'a jantape' nuyek-apo.

Wuj Richin Etamabel-Tzij 8:35

Ri wineq ri kan yiril yin ri na'oj, kan nril-wi k'aslen, roma kan nril-wi ri utzil ri nuya' ri Dios.

Wuj Richin Etamabel-Tzij 3:2

roma re' kan xtikiben k'a chawe chi kan k'iy q'ij ri xtatz'et-el, k'iy juna' ak'aslen ri xtaq'axaj-el y xtuk'en chuqa' pe uxlanen chawe.

San Mateo 19:17

Rija' xubij chire: ¿Achike k'a roma toq nabij utz chuwe yin? Roma man jun wineq ri utz ta, xa kan xaxe k'a ri Dios ri utz. Jak'a wi rat kan nawajo' yatapon chupan ri k'aslen richin q'asen, kan ke'ataqej k'a ri pixa', xcha' chire.

Wuj Richin Etamabel-Tzij 4:22

Roma ri' ri winaqi' ri ye'ilon richin re nuch'abel kan xtuya-wi kik'aslen, y kan xtok chuqa' raq'omal chijun ri kich'akul.

Wuj Richin Etamabel-Tzij 3:18

Ri na'oj kan achi'el k'a jun che' ri kan nuya' k'aslen chire ri nikanon richin, y xabachike k'a wineq ri kan nuben richin chire, kan jebel k'a ruwa-ruq'ij.

Marcos 8:35

Ri wineq ri xa ja ri k'aslen richin chuwach'ulew ri más nrajo', re' xa man xtik'oje' ta jun qitzij ruk'aslen. Jak'a ri man nupoqonaj ta ri' xtipe y napon pa kamik woma yin y roma ri utzilej ch'abel richin kolotajik, rija' kan xtril wi k'a ri qitzij ruk'aslen.

Wuj Richin Bix Chire ri Dios 49:19

stape' keri', rija' xtiken y xtapon kik'in ri sol winaqi' kichin ri rute-rutata'. Xa man jun bey chik k'a xtutz'et ri saqil.

Wuj Richin Bix Chire ri Dios 27:13

Jak'a kan q'axineq chinuwech chi kan xtintz'et ri awutzil rat, rokik in k'es.

Wuj Richin ri Achin Job 33:28

Pa ruk'exel ri' kan xirukol chuwech ri kamik, y wakami k'a nintzu' na re saqil, xticha'.

Wuj Richin ri Achin Job 9:25

Ri q'ij richin ri nuk'aslen xa kan anineq beneq achi'el jun aninel; anineq beneq y man jun kikoten ninwil.

Deut 32:47

Roma re ch'abel re' man xabachike ta ri man ta k'o rejqalen. Re' xa kan jare' ri ik'aslen, y roma re pixa' re' kan xkixk'ase' k'iy juna' chuwech ri ruwach'ulew ri xtiya'ox chiwe richin niwichinaj kan ri k'o juk'an chik chire ri raqen-ya' Jordán, xcha'.

Wuj Richin ri Molojri'il 2:3

Yin xinwajo' xinwetamaj wi ruk'amon naqum k'iy vino chupan ri ka'i-oxi' q'ij chire ri qak'aslen. Xinben xaxe roma xinwajo' xinwetamaj re', jak'a man xiq'aber ta roma keri' xinwajo'. Y xintz'et chi ri vino chuqa' man jun nuk'en-pe chawe.

Wuj Richin Bix Chire ri Dios 106:5

richin kan xtintz'et k'a ri utzilej k'aslen kik'in ri ch'aqa' chik ri e acha'on; y richin yikikot kik'in ri kan e awichin rat.

Wuj Richin ri Achin Job 2:4

Xeri' ri Satanás xubij chire ri Jehová: Rija' nukoch' ronojel roma man jun yabil aya'on chire, jak'a wi naya' ta jun yabil pa ruch'akul, kan yaruya' kan.