1 Pedro 3:1 - Kaqchiquel Bible

¹ Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,

နောက်ထပ်ဗားရှင်းများ

Kaqchikel Santo Domingo (Xenacoj)

¹ Keriꞌ chuqaꞌ rix ixoqiꞌ, chiꞌijununal tinimaj kitzij ri iwachijil, chin keriꞌ si ekꞌo jujun ri ma kitaqin ta ri Dios, atoq ndikitzꞌet ri ikꞌaslen rix, rejeꞌ ndikitaqij ri utzulej teq tzij chin kolotajik, maske rix ma jun tzij ndibꞌij chake pa ruwiꞌ ri kolotajik riꞌ.

Kaqchikel Santa Maria de Jesus

¹ Ixreꞌ ixokiꞌ, can quixniman chica ri ivachajil, chi quireꞌ ri man quiniman ta ri ruchꞌabꞌal ri Dios, can xtiquinimaj ruma ri icꞌaslien ixreꞌ. Y man nicꞌatzin ta chi nitzijos chica.

Kaqchikel Central Guatemala

¹ Y que chuka' ri' rix ixoki' ri c'o ivachijlal y iniman ri Dios, can tinimaj c'a quitzij rije'. Richin queri', vi ri ivachijlal man quiniman ta ri ruch'abel ri Dios, roma ta ri ic'aslen rix, xtiquinimaj ta. Y man nic'atzin ta na xtitzijox chique richin niquinimaj.

Re C'ac'a Testamento pa Kach'abal

¹ Y quire' chuka' yex ixoki' re iniman re Dios, can tinimaj quitzij re ivchijlal. Chin quire' vo xa re ivchijlal man quiniman-ta re ruch'abal re Dios, ja-ta re ic'aslen ic'uan yex re nibano chique che niquinimaj-ta. Y man c'aja-ta tak xtitzijos chique c'are' xtiquinimaj.

Kaqchikel Western Solola

¹ Y queri' chuka' riyix ixoki' ri iniman ri Dios, can tinimaj c'a quitzij ri iwachijlal. Riche (rixin) chi queri', wi ri iwachijlal ma quiniman ta ri ruch'abel ri Dios, ruma ta jun utzilaj c'aslen ri ic'uan riyix, riye' xtiquinimaj ta chuka' ri ruch'abel ri Dios. Y ma rajawaxic ta na chi nitzijox chique.

1 Pedro 3:1 ပူးပေါင်းရင်းမြစ်များ

Wuj Richin ri Rutikeribel 3:16

Y ri Dios xubij chire ri ixoq: Yin xtinben chawe chi kan janila k'a xkaq'axon toq awoyoben richin nibe'alex awal y kan rik'in k'a rukiy xkatalan. Y man rik'in ri', rat kan k'a xtarayij na ruwech ri awachijil y kan xkak'oje' k'a chuxe' ri rutzij rija', xcha'.

Wuj Richin Etamabel-Tzij 11:30

Ri nuk'en-pe ri utzilej ruk'aslen ri wineq, kan achi'el ri ruwech ri che' richin k'aslen; y ri wineq ri kan k'o runa'oj, kan yeruch'ek k'aslen richin ye'ok richin ri Dios.

Wuj Richin Etamabel-Tzij 18:19

Wi kan k'o itzel ri abanon chire ri awach'alal, kan man xkatok ta rik'in, roma xa nukowirisaj-ri' achi'el jun tinamit ri k'o tz'aq chirij; y ri man junan ta awech rik'in ri awach'alal, xa kan achi'el ri nawajo' ta yatok-apo pa jun jay ri k'o k'arak'ik ch'ich' chuchi'.

San Mateo 18:15

Wi k'o k'a jun awach'alal nimakun chawech, kabiyin ayon rik'in y pa ruyonil tabij chire. Y wi ri awach'alal ri' nrak'axaj ri xabij chire, kan xakol k'a.

Romanos 10:16

Jak'a xa man konojel ta winaqi' ri yeniman ri utzilej ch'abel richin kolotajik, achi'el ri rutz'iban kan ri Isaías: ¿Achike ta k'a xtiniman re niqabij?, nicha'.*f34*

Romanos 6:17

Toq rubanon kan, xa xixok ix achi'el loq'on samajel pa ruq'a' ri mak. Jak'a re wakami matiox chire ri Dios chi rix rik'in ronojel iwánima xinimaj ri xink'ut chiwech.

Romanos 7:2

Achi'el nubij re jun k'ambel-tzij re', chi jun ixoq kan ximon-wi rik'in ri rachijil y man nitikir ta nujech-ri' rik'in toq k'a k'es na. Jak'a wi niken-el ri rachijil, rija' xtitotej kan chire ri ruk'ulanik.

1 Corintios 11:3

Yin kan ninwajo' chi rix niwetamaj chi ri Dios ja rija' ri jolomaj pa ruwi' ri Cristo. Y ri Cristo jari' ri jolomaj pa kiwi' ri achi'a', y ri achi'a' ja rije' ri e jolomaj pa kiwi' ri kixjayilal.

1 Corintios 14:34

Toq nimol-iwi' pa rubi' ri Dios, ri ixoqi' kan ruk'amon chi tikinimaj tzij y man keq'ajan-apo, roma man ruk'amon ta richin yech'on; xa kan kek'oje' chuxe' kitzij ri kachijilal, achi'el nubij ri pixa'.

1 Corintios 7:16

¿Achike awetaman rat, ixjayilonel, chi rik'in juba' awoma rat nikolotej ri awachijil? ¿Y achike awetaman rat, achijlonel, chi rik'in juba' awoma rat nikolotej ri awixjayil?

Efesios 5:33

Y ninbij chik jun bey chiwe chi'ijujunal chi tiwajo' ri iwixjayil, kan achi'el niwajo-qa-iwi' rix. Y rix ixoqi' tibana' chike ri iwachijil chi kan k'o-wi kiq'ij.

Colosenses 3:18

Rix ixoqi', tinimaj kitzij ri iwachijilal, roma keri' ruk'amon chi niben roma iniman chik ri ajaw.

Colosenses 4:5

Y rix tiwetamaj k'a yixbiyin chikikojol winaqi' ri man kiniman ta ri Cristo. Man tiya' q'ij chi choj nik'o ri q'ij pan iwi'.

2 Tesalonicenses 1:8

peteneq pa jun ruxaq-q'aq' richin nuya' rutojbalil chike ri man xketamaj ta ruwech ri Dios y man xkinimaj ta ri utzilej ruch'abel ri qajaw Jesucristo.

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

Hebreos 5:9

Y toq xtz'aqet ri k'o chi xok rija', kan jari' xok qitzij kolonel ri kan nitikir nuya' kolotajik richin jantape' chike konojel ri yeniman rutzij.

1 Pedro 1:22

Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

1 Pedro 3:2

toq xtikitz'et chi kan choj ri ik'aslen y yixniman tzij.

1 Pedro 3:7

Y keri' chuqa' rix achi'a', kan rik'in k'a na'oj kixk'ase' kik'in ri iwixjayilal, kan ke'ipoqonaj k'a roma rije' man junan ta kuchuq'a' iwik'in. Tik'oje' chi'ik'u'x chi junan kik'in rije' xtiwichinaj ri utzilej k'aslen ri nuya' ri Dios chiwe, richin keri' ri ich'owen choj napon rik'in ri Dios.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?