1 Pedro 2:9 - Kaqchiquel Bible

⁹ Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

နောက်ထပ်ဗားရှင်းများ

Kaqchikel Santo Domingo (Xenacoj)

⁹ Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

Kaqchikel Santa Maria de Jesus

⁹ Pero ixreꞌ ri iniman ri Dios, ix jun tanamet ri ix-choꞌn ruma ri Dios, ix ru-sacerdotes ri Namalaj Dios ri Ka-Rey, ix jun santa nación jeꞌ, y can ix rutanamit ri Dios. Y quireꞌ rubꞌanun jajaꞌ chiva, chi quireꞌ ntichol chi jajaꞌ can otz iviqꞌuin. Y jajaꞌ ri xalasan-pa ivichin chupan ri kꞌakuꞌn y xixruyaꞌ chupan ri namalaj sakil riqꞌuin jajaꞌ.

Kaqchikel Central Guatemala

⁹ Jac'a rix ri iniman ri Dios, ix jun tinamit ri can cha'on-vi roma rija'. Y rix ix sacerdotes richin ri nimalej Dios. Y rix chuka' can ix jun lok'olej tinamit. Can ix rutinamit vi c'a ri Dios. Y can quere' rubanon chive richin queri' yixtiquir nitzijoj chi ri Dios yalan utz iviq'uin. Y ja rija' ri xelesan-pe ivichin chupan ri k'eku'n y xixruya' chupan ri lok'olej sakil riq'uin rija'.

Re C'ac'a Testamento pa Kach'abal

⁹ Jac'a yoj re kaniman re Dios, yoj jun tenemit re can cha'on-va roma reja'. Y yoj can yoj sacerdotes chin re namalaj Dios, chuka' yoj can yoj jun tenemit re kajachon-ki' pa ruk'a', y yoj richin chuka' reja'. Y can quire' rubanon kaq'uin chin quire' yojtiquir nakatzijoj che re Dios camas otz kaq'uin, y xojrulisaj-pa chupan re k'oko'm y xojruya' chupan re lok'olaj sakil riq'uin reja'.

Kaqchikel Western Solola

⁹ Yac'a riyix can yix jumoc winek ri can riy cha'on chic, y yix sacerdotes riche (rixin) ri nimalaj Dios. Y riyix chuka' can yix jun lok'olaj tinamit, y can banon chiwe chi yix oconek rutinamit ri Dios. Queri' rubanon ri Dios chiwe ruma nrajo' chi nitzijoj chi Riya' sibilaj utz iwuq'ui. Y ya Riya' ri xelesan pe iwuche (iwixin) chupan ri k'eku'm y xixruya' chupan ri lok'olaj sakil ri c'o riq'ui Riya'.

1 Pedro 2:9 ပူးပေါင်းရင်းမြစ်များ

Wuj Richin Bix Chire ri Dios 106:5

richin kan xtintz'et k'a ri utzilej k'aslen kik'in ri ch'aqa' chik ri e acha'on; y richin yikikot kik'in ri kan e awichin rat.

Wuj Richin Bix Chire ri Dios 118:27

Ri Jehová kan jari' ri Dios, kan ruya'on k'a ri saqil pa qawi'. Roma ri' rix tik'ama-pe ruq'a' taq che' richin nitikeriba-q'anej ri nimaq'ij, y kixanpe k'a rik'in ri porobel.

Wuj Richin Bix Chire ri Dios 135:4

roma rija' kan ja ri e rijatzul kan ri Jacob ri xerucha'. Xucha' k'a ri tinamit Israel richin xok richin.

Wuj Richin Bix Chire ri Dios 22:30

Chuqa' ri jun chik sol winaqi' kan xtikiya' aq'ij rat Jehová, kan xtikitzijoj k'a ri abanobal rat, chike ri e kijatzul chik rije'.

Wuj Richin Bix Chire ri Dios 33:12

Jebel ruwa-kiq'ij ri winaqi' chi ja ri Jehová ri ki-Dios, ri tinamit ri xucha' richin xok richin.

Wuj Richin Bix Chire ri Dios 73:15

Xa ta yin ninbij-qa, más utz kich'on na achi'el yech'on rije', y wi ta keri', xa xenq'ol ta ri kikuquban kik'u'x rik'in ri Dios.

Wuj Richin ri Isaías 26:2

Tiqajaqa' k'a ri okibel richin ri tinamit, richin ye'ok-ok ri winaqi' ri choj kik'aslen, roj ri niqak'axaj ri ruch'abel ri Jehová.

Wuj Richin ri Isaías 41:8

Jak'a rix israelita ix nusamajela' yin. Rix ix rijatzul kan ri Jacob ri kan xincha'. Rix ix rijatzul kan ri Abraham ri xok wachibil.

Wuj Richin ri Isaías 42:16

Jak'a kan xkenq'axaj pa jun utzilej bey konojel ri e moyi', pa jun bey ri kan man jun bey xketamaj. Kan chikiwech rije' yin xtinben saqil chire ri q'equ'm. Y kan xtintaq'ajuj k'a ri xotoxeq taq bey. Ronojel ri xinbij, kan xtinben.

Wuj Richin ri Isaías 44:1

Ri Jehová nubij: Wakami k'a rix israelita ri ix nusamajela', kan tiwak'axaj k'a; roma kan ja yin ri xicha'on iwichin.

Wuj Richin ri Isaías 61:6

Ri aj-Sión kan xtikibini'aj k'a samajel y sacerdote richin ri Jehová. Kan xkewa' k'a rik'in ri jebelej taq wey kichin ri ch'aqa' chik ruwach'ulew, y rik'in k'a ri kibeyomel rije' xtikilij-wi-ki'.

Wuj Richin ri Isaías 62:12

Chike rije' xtibix; ri xecha'ox roma ri Jehová, y kan xeloq' roma rija'. Tinamit ri xtibix rayixel chire, y jun tinamit ri kan man xmalix ta kan.

Wuj Richin ri Isaías 66:21

Y chikikojol ri xketzolin-pe, yin xkencha' jujun sacerdote y jujun levita. Y rije' xkebanon nusamaj yin. Yin Jehová ri yibin.

Wuj Richin ri Isaías 9:2

Ri qawinaq ri ek'o pa jun nimalej q'equ'm, kan xtikitz'et jun nimalej saqil. Ri xek'ase' chupan jun ruwach'ulew ri kan xkitz'et ruwech kikamik, jak'a re wakami ri saqil kan xkerusaqirisaj.

Wuj Richin ri Malaquías 3:17

K'ari' ri Jehová ri k'iytisanel richin ronojel xubij: Rix kan ix achi'el jun beyomel ri janila rejqalen. Y toq xkipe richin nonq'ata-tzij, xtinben chiwe achi'el nuben jun tata'aj chire ri ruk'ajol ri nilin richin.

San Mateo 4:16

Kik'in ri winaqi' ri kan q'equmatajineq ri kik'aslen, kan xapon ri Nimalej Saqil. Ri winaqi' ri kan pa rumujal chik ri kamik ek'o-wi, kan xapon k'a kik'in ri nisaqirisan kichin, nicha'.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

San Lucas 1:79

Rija' nosaqirisaj kik'aslen ri ek'o pa q'equ'm y ri ek'o pa rumujal ri kamik. Xqojruyuqej k'a chupan ri bey richin uxlanen, xcha' ri Zacarías.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

Hechos 20:28

Kan tichajij k'a qa ik'aslen rix, y keri' chuqa' tibanala' kik'in ri molaj qach'alal, achi'el nuben jun yuq'unel kik'in ri rukarne'l, roma ri Loq'olej Espíritu ix ruya'on richin jebel ye'ik'uaj, roma rije' kan e richin chik ri ajaw Jesús, roma kan ja rija' ri xkolo kichin, rik'in ri rukik'el ri xbiyin toq xkamisex.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Hechos 26:28

Jak'a ri Agripa xubij chire ri Pablo: Rat nach'ob chi chi'anin naben chuwe chi yinok jun chuqa' nimey richin ri Cristo, xcha'.

Romanos 9:24

Man xaxe ta roj judío ri oj royon-pe; xa kan keri' chuqa' ri e royon-pe chikikojol ri man e judío ta.

1 Corintios 3:17

Wi k'o ta jun ri nitorin ri rachoch ri Dios, ri Dios xtutorij chuqa' el ri nibanon keri', roma ri rachoch ri Dios kan k'o-wi rejqalen, y ri jay ri' ja rix.

Efesios 1:14

Ri Espíritu ri' nujikiba' chiqe chi k'o más xtiqichinaj chila' chikaj, toq kan xtitz'aqet ri qakolotajik ri kan rubanon chik chiqe chi oj richin chik rija'. Y ronojel re' richin niqanimirisaj rubi' y niqaya' ruq'ij-ruk'ojlen ri Dios.

Efesios 1:6

Tiqaya' ruq'ij-ruk'ojlen ri Dios roma ri utzil ri qak'ulun rik'in, roma ri ruk'ajol, ri kan janila wi nrajo'.

Efesios 3:21

Y roma ta ri Jesucristo y qoma ta roj ri qakuquban qak'u'x rik'in, ri Dios nuk'ul ta ruq'ij-ruk'ojlen richin jantape', y keri' tibe-q'ij tibe-seq. Keri' ta k'a.

Deut 10:15

Y man rik'in ri', kan xuya' k'a ri rajowabal pa kiwi' ri qati't-qamama', roma ri' xojrucha' roj ri oj kijatzul kan rije' chikikojol konojel ri winaqi', achi'el rubanon wakami.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Deut 18:2

Man xtikichinaj ta ri ulew richin tiko'n achi'el konojel qawinaq, roma ri xkichinaj rije' ja ri xek'oje' kan pa rusamaj ri Jehová, achi'el rubin rija' chike.

Deut 4:20

Jak'a ri Jehová xelesan-pe qichin pan Egipto akuchi xqatej-wi janila poqon, achi'el xa ta xojk'oje' pa jun horno, richin chi xojok rutinamit rija', achi'el re wakami.

Deut 7:6

Roma rix kan ix jun tinamit ri kan ix ch'aron chire ri Jehová ri qa-Dios; rija' kan xixrucha' chikikojol chijun ri ruwach'ulew ri ek'o, richin keri' rix xkixok jun rutinamit ri kan k'o rejqalen chuwech rija'.

Filipenses 3:14

Kan nintej-wi k'a nuq'ij richin yinapon ri akuchi nitane' wi ri anin, roma ninwajo' chi kan nok wichin yin ri sipanik richin ch'akonik ri nuya' ri Dios roma ri Cristo.

Colosenses 1:13

Ri Tata'ixel kan xojrelesaj yan pe pa ruq'a' ri q'equ'm, y xojruya' pa rajawaren ri Cristo, ri ruk'ajol ri janila nrajo',

2 Timoteo 1:9

Ri Dios xojrukol chupan ri qamak, y xojroyoj richin niqak'uaj jun loq'olej k'aslen. Y ronojel re' xuben man roma ta ri utzilej taq qabanobal, xa kan roma ri rutzil y roma kan keri' ruch'obon-pe pa qawi' ri ojer chi nuteq-pe ri Jesucristo richin nuya' ri rutzil chiqe.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

1 Pedro 4:11

Wi kan banon pe chawe roma ri Dios richin natzijoj ri ruch'abel, kan tatzijoj k'a ri ruch'abel. Y wi jun chik ruwech samaj ruya'on-pe chawe kan tabana' k'a rik'in ri uchuq'a' ri nuya' rija' chawe. Y roma ronojel re' xtuk'ul ta ruq'ij-ruk'ojlen ri Dios pa rubi' ri Jesucristo, rajaw ronojel ruwaq'ijaj y uchuq'a' richin jantape'. Kan keri' k'a.

Apocalipsis 1:6

Y xuben chiqe qonojel roj ri qakuquban qak'u'x rik'in, chi xojok jun ajawaren kichin sacerdote richin niqasuj sipanik chire ri Dios ri rutata'. Roma ri' ri Jesucristo xtuk'ul ta ruq'ij-ruk'ojlen y ri q'atbel-tzij richin jantape'. Keri' ta k'a.

Apocalipsis 20:6

Kan jebel ruwa-kiq'ij y e loq'olej ri janipe' xkek'astej chupan ri nabey k'astajibel, y ri ruka'n kamik man xtitikir ta chikij. Pa ruwi' ri' kan xke'ok sacerdote richin ri Dios y ri Cristo. Y junan xkeq'aton-tzij rik'in ri Cristo chupan ri 1,000 juna'.

Apocalipsis 5:10

Xaben chiqe chi xojok jun tzobaj winaqi' richin ri rajawaren ri Dios, chi xojok sacerdote richin niqasuj sipanik chuwech kan xtiqaq'et k'a tzij pa ruwi' ri ruwach'ulew, yecha'.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.