1 Pedro 2:8 - Kaqchiquel Bible

⁸ Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*

နောက်ထပ်ဗားရှင်းများ

Kaqchikel Santo Domingo (Xenacoj)

⁸ Y chupan ri rutzij ri Dios tzꞌibꞌan kan ndubꞌij chuqaꞌ: Jun abꞌej ri achoq chuwech ndikipajkꞌij kaqen ri wineq, jun nimalej abꞌej ri achoq pariꞌ ngetzaq. Keriꞌ tzꞌibꞌan kan. Ri wineq riꞌ ndikipajkꞌij kaqen chuwech, porque keriꞌ bꞌiꞌin kan chi ndibꞌanatej kikꞌin, porque ma ndikitaqij ta ri utzulej teq tzij chin kolotajik.

Kaqchikel Santa Maria de Jesus

⁸ Y chupan ri ruchꞌabꞌal ri Dios ri tzꞌibꞌan can, nuꞌej jeꞌ chirij ri Abꞌaj reꞌ: Icꞌo ri xtiquitupij cakan choch ri Abꞌaj y xcaꞌtzak paroꞌ. Quireꞌ nuꞌej ri tzꞌibꞌan can. Xtiquitupij cakan choch ri Abꞌaj, ruma man niquinimaj ta ri ruchꞌabꞌal ri Dios; quireꞌ xtiquiꞌan ruma quireꞌ ranun-pa pensar ri Dios chiquij.

Kaqchikel Central Guatemala

⁸ Y chupan ri ruch'abel ri Dios ri tz'iban can, chuka' nubij c'a chirij ri Abej ri'. Can nubij c'a: Ec'o vinek ri xa xtiquipaxij-qui' chuvech ri Abej y xquetzak, nicha' c'a ri ruch'abel ri Dios ri tz'ibatel can. Ri vinek c'a ri xa xtiquipaxij-qui' chuvech ri Abej, xquetzak riq'uin ri quic'aslen, roma can man niquinimaj ta vi ri ruch'abel ri Dios. Y chuka' can queri' rubin ri Dios chi xtiquic'ulvachij.

Re C'ac'a Testamento pa Kach'abal

⁸ Y chupan re ruch'abal re Dios re tz'iban can, nubij chuka' chij re aboj re': Jec'o vinak re xa xtiquipaxij-qui' chach re aboj y xque'tzak. Re vinak re xtiquipaxij-qui' chach re aboj, xque'tzak riq'uin re quic'aslen, roma can man niquinimaj-ta re ruch'abal re Dios. Y can quire' chuka' rubin re Dios che xtiquic'alvachij.

Kaqchikel Western Solola

⁸ Y chupan ri ruch'abel ri Dios, ri tz'ibatal ca, nubij chuka': Yec'o c'a q'uiy winek ri xa xtiquipaxij qui' chuwech ri achi'el Abej ri' y xquetzak. Queri' nubij ri tz'ibatal ca. Quec'ari' xtiquic'ulwachij ri winek ri', ruma can ma niquinimaj ta ri nubij ri ruch'abel ri Dios. Y chuka' can queri' rubin ri Dios chi xtiquic'ulwachij.

1 Pedro 2:8 ပူးပေါင်းရင်းမြစ်များ

Wuj Richin ri Isaías 8:14

Yin kan xkinok k'a jun tobel chawe rat. Jak'a chike ri awinaq aj-Judá y ri aj-Israel, man keri' ta. Chike rije' xa xkinok achi'el jun abej ri nikipajk'ij kaqen chirij. Xkinok achi'el jun pajk'ibel chike ri winaqi' aj-Jerusalem.

1 Corintios 1:23

Jak'a roj, kan ja ri Cristo ri xkamisex chuwech ri cruz ri niqatzijoj. Y ri' xa nuben k'a chike ri nuwinaq judío chi itzel nikina' roma man utz ta nikak'axaj, y chikiwech k'a ri man e judío ta xa ch'ujerik.

1 Pedro 2:7

Chiwech rix ri ninimaj rija', janila rejqalen jak'a ri winaqi' ri man nikinimaj ta, xtikiben chire achi'el jun abej ri man xqa' ta chikiwech ri aj-tz'aq. Jak'a re wakami ri abej ri' kan más k'atzinel chire ri jay richin chi kow xpa'e' kan.

Romanos 9:22

Keri' ri Dios xrajo' xuk'ut ri ruchuq'a' y ri royowal pa kiwi' ri winaqi' ri xkeberuk'isa'. Jak'a pa nabey janila xukoch' ri itzel taq kibanobal.

Judas 1:4

Yin nintz'ibaj k'a el re wuj re', roma rik'in q'oloj xe'ok-apo chi'ikojol winaqi' ri nikiya' jun chik ruwech tijonik chiwe, y re' kan man jun xnaben. Ri winaqi' ri' kan k'iy chik k'a q'ij tibix-pe pa kiwi' roma ri Dios, chi xtipe ri nimalej ruk'ayewal pa kiwi'. Y roma ketaman chi ri Dios nukuy qamak, rije' kan rik'in chik ri' xkikuquba-wi kik'u'x richin yekibanala' ronojel ruwech etzelal. Y chuqa' rije' kan man nikinimaj ta chi xaxe ri Jesucristo ri ajaw ri k'o pa qawi'.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

1 Tesalonicenses 5:9

Ri Dios man nrajo' ta chi nipe ruk'ayewal pa qawi'. Pa ruk'exel ri' nrajo' chi yojkolotej roma ri qajaw Jesucristo.

San Lucas 2:34

Jari' toq ri Simeón xerurtisaj y xubij chire ri María: Tawak'axaj na pe, re ak'ual re' ya'on-pe roma ri Dios richin chi e k'iy chike ri qawinaq judío xkeyakatej y e k'iy chuqa' ri xketzaq. Rija' kan xya'ox k'a pe richin jun retal richin ri kolotajik, jak'a e k'iy ri xa xtiketzelaj.

2 Corintios 2:16

Chike k'a ri man xkekolotej ta, xa jun uxla' richin kamik. Jak'a chike ri yekolotej, kan jun jubulej uxla' richin k'aslen. ¿Y achike kami nibanon richin nibiyin rutzijol ri ruch'abel ri Dios?

Ex 9:16

Jak'a yin kan qitzij ri ninbij chawe chi kan nuya'on-wi ri ak'aslen, richin chi ri nibanatej awik'in, xtuben chi niq'alajin ri wuchuq'a' yin; y keri' kan xtinimirisex k'a ri nubi', chuwech chijun re ruwach'ulew.

Wuj Richin ri Isaías 57:14

Y xtak'axatej re ch'abel re': Tiban jun choj laj bey, y tijosq'ix jebel richin niq'ax-pe ri nutinamit chupan.

Wuj Richin ri Isaías 37:26

Jak'a rat kan man awetaman ta chi yin kan ojer yan ri' ri nuch'obon-pe re kere'. Kan k'o yan chik q'ij ri nuch'obon-pe re', y re wakami jare' xk'achoj; roma kan xe'ak'is konojel tinamit ri jebel tz'apen-kij rik'in tz'aq y kan xewuluwu' kan jumul.

Gálatas 5:11

Wach'alal, wi ta yin k'a nintzijoj chi ri achi'a' k'o chi niqupix ri kich'akul keri', ri winaqi' ri yeyojon ri ich'obonik man ta yinketzelaj, y man ta itzel chuqa' nikina' toq nik'akaxaj chi ri Cristo xken chuwech ri cruz.

1 Pedro 2:6

Roma ri' nubij chupan ri ruch'abel ri Dios:*f3* chiri' pa Sión kan xtinya' k'a jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. Y xabachike k'a ri rukuquban ruk'u'x rik'in, kan man xtik'ixbitej ta, nicha'.

Wuj Richin ri Achin Job 23:14

Ri ruch'obon ri Dios chi kan nuben wik'in, kan xtibanatej-wi, y re nuben wik'in yin, xa jun ok chike ronojel ri nuch'ob chi nuben rija'.