1 Pedro 2:4 - Kaqchiquel Bible

⁴ Kan jantape' k'a kixjel-apo rik'in ri Jesucristo ri achi'el jun abej ri k'o ruk'aslen. Ri stape' man xya'ox ta rejqalen koma ri winaqi', jak'a chuwech ri Dios kan cha'on, y janila rejqalen.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Kixjel apu rikꞌin ri Ajaw. Ja rijaꞌ ri kꞌaslik abꞌej, ri pa kiwech ri wineq, ma jun rikꞌaꞌtz chin ta xkusex, pero pa ruwech ri Dios, ri abꞌej riꞌ, kin chaꞌon wi y yalan reqalen.

Kaqchikel Santa Maria de Jesus

⁴ Can más quixjiel-apa riqꞌuin ri Jesucristo, ruma jajaꞌ incheꞌl jun abꞌaj ri cꞌo rucꞌaslien. Jajaꞌ man xajoꞌx ta cuma ri achiꞌaꞌ, pero choch ri Dios, ri Jesucristo can choꞌn-ve y altíra rakalien.

Kaqchikel Central Guatemala

⁴ Y roma c'a ri' can quixjel-apo riq'uin ri Jesucristo, roma rija' achi'el jun abej ri c'o ruc'aslen. Rija' man xucusex ta coma ri achi'a', roma xa xquetzelaj. Xa xquiben achi'el ri niquiben ri achi'a' banoy tak jay, tok man utz ta niquitz'et jun abej, niquiya' can. Y queri' xquiben riq'uin rija'. Jac'a chuvech ri Dios, ri Jesucristo can cha'on, y janíla rejkalen.

Re C'ac'a Testamento pa Kach'abal

⁴ Y can quixjelon-apo riq'uin re Jesucristo, roma reja' ancha'l jun aboj re c'o ruc'aslen. Reja' man xcusas-ta coma re achi'a', roma xa itzel xquitz'at. Xa xquiban ancha'l re niquiban re achi'a' banoy tak jay, tak man otz-ta niquitz'at jun aboj, niquiya' can. Y quire' xquiban riq'uin reja'. Jac'a chach re Dios, re Jesucristo can cha'on-va, y camas rajkalen.

Kaqchikel Western Solola

⁴ Y rumac'ari' can quixjel apo riq'ui ri Jesucristo, ri can achi'el jun abej pero c'o ruc'aslen. Riya' ma xucusex ta cuma ri achi'a', ruma xa xquetzelaj. Xa xquiben achi'el ri niquiben ri achi'a' ri ye aj banoy tak jay, tek ma utz ta niquitz'et chare jun abej, niquiya' ca. Y queri' xquiben riq'ui Riya'. Yac'a chuwech ri Dios, ri Jesucristo can cha'on wi, y c'o rejkalen.

1 Pedro 2:4 ပူးပေါင်းရင်းမြစ်များ

Wuj Richin ri Isaías 28:16

Roma ri' ri Jehová nubij: Kan xtinya' chiri' pa Sión jun abej ri cha'on y janila rejqalen. Ja abej ri' ri xtok k'atzinel chire ri ruxe' ri jay. y xtitike' kan jebel. Y xabachike k'a ri rukuquban ruk'u'x rik'in, kan man jun xtiberuk'uluwachij.

Wuj Richin ri Isaías 42:1

Ri Jehová nubij: Jare' k'a ri nusamajel, ri kan xtinto' rik'in wuchuq'a'. Ja rija' ri xincha', y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri ruwach'ulew.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Jeremías 3:22

Titzolej k'a pe ik'u'x wik'in, rix alk'ualaxela' ri ix yakatajineq chuwij y yin xkixinwaq'omaj rik'in ri iyakatajinenri'il. Y rije' nikibij: Jare' ojk'o wawe' chawech richin yojch'on-q'anej awik'in, roma kan ja rat ri at qa-Dios.

Dn 2:34

Rat kan atzuliben k'a ri jun wachibel ri', toq chaq k'ate' xbe'el-pe jun choyon abej chuwech jun juyu', jak'a ri abej ri' kan man jun wineq xk'aqon-pe richin. Y ri abej ri' kan nibolqo't-nibolqo't peteneq y xapon chiraqen ri wachibel y xuwulaj k'a.

Dn 2:45

Xatz'et k'a ri abej ri xchoy-pe, jak'a man xchoy ta pe roma jun wineq. Ri abej ri' xbe'el-pe chuwech juyu', ri nibolqo't peteneq y xuwulaj chijun ri wachibel, y xuben poqolaj chire ri q'eqapueq, ri q'enq'oj-pueq, ri xeq-ulew, ri saqipueq y ri q'anapueq; ronojel re' xaxe k'a chi xuk'ut chawech ri nimalej Dios ri xtik'uluwachitej ri chiqawech-apo. Re achik' re' kan qitzij y ri nel chi tzij kan keri' k'a xtibanatej, xcha' ri Daniel.

Wuj Richin ri Zacarías 3:9

Yin Jehová xtinya' jun abej chawech rat Josué. Y chuwech k'a re abej re' ek'o wuqu' wachaj. Y ja yin ri xkitz'iban chuwech ri abej ri'. Xeri', pa jun q'ij xtinwelesaj ronojel ri mak pa ruwi' re jun ruwach'ulew re'.

San Mateo 11:28

Roma ri' kixanpe wik'in chi'iwonojel rix ri janila ralal ri ejqa'n qajineq chiwij, roma yin xtinya' uxlanen chiwe.

San Mateo 12:18

Jare' ri nusamajel, ja rija' ri xincha', ri kan janila ninwajo' y kan janila nikikot ri wánima rik'in. Kan xtinya' ri nu-espíritu pa ruwi', richin chi pa ruchojmilal xtuben kik'in ri winaqi' richin ri ruwach'ulew.

San Mateo 21:42

K'ari' ri Jesús xubij chik chike: ¿Kan man jun bey k'a itz'eton ri jun tzij tz'ibatel kan chupan ri ruch'abel ri Dios? Toq nubij:*f32* K'o k'a jun abej ri man xqa' ta chikiwech ri banoy taq jay. Jak'a re wakami kan más k'atzinel chire ri jay richin chi kow xpa'e' kan. Ronojel re' kan ja ri Dios xbanon, y chiqawech roj kan jun k'a nimalej banobel. Keri' nubij ri ruch'abel ri Dios.

San Juan 14:19

Jak'a ri winaqi' ri k'a kikuquban na kik'u'x rik'in re ruwach'ulew, xa juba' chik k'a ok re xkinkitz'et. Jak'a rix kan xkinitz'et-wi. Y roma kan k'o-wi nuk'aslen, rix chuqa' xtik'oje' ik'aslen kere'.

San Juan 14:6

Y ri Jesús xubij: Ja yin ri bey, yin ri qitzij y ja yin chuqa' ri k'aslen. Xaxe k'a ri xtiniman wichin xtapon rik'in ri nata'.

San Juan 5:26

Roma ri Dios ruya'on q'ij chuwe richin chi ninya' k'aslen, achi'el nuben rija'.

San Juan 5:40

Jak'a rix man niwajo' ta nikuquba' ik'u'x wik'in, richin niwil k'aslen richin q'asen.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 6:57

Roma kan ja ri nata' ri taqayon-pe wichin ri nuya' nuk'aslen. Yin chuqa' k'o ri k'aslen ri' wik'in. Y kan keri' k'a chuqa' ri xkinkik'ul yin, kan xkek'ase-wi woma yin.

Romanos 5:10

Y wakami ri Dios xuben chi junan chik qawech rik'in roma ri ruk'ajol xken qoma roj. Y xtiqil ri kolotajik ri richin jantape' roma rija' xk'astej.

1 Corintios 3:11

Roma kan man jun chik xtitikir xtiya'on jun chik ruxe' jun jay toq xa k'o chik, y ri' ja ri Jesucristo.

Colosenses 3:4

Xaxe ri Cristo niya'on ri ik'aslen, y toq xtipe chik jun bey, jari' xkixq'alajin rik'in, y junan xkixbek'oje' rik'in rija' ri chila' chikaj rik'in ruq'ij-ruk'ojlen.

1 Pedro 1:19

xa kan rik'in ri rukik'el ri Cristo. Y rija' kan achi'el ri karne'l ri yesuj richin kamelabel, ri kan e tz'aqet y jebel e ch'ajch'oj.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

1 Pedro 2:7

Chiwech rix ri ninimaj rija', janila rejqalen jak'a ri winaqi' ri man nikinimaj ta, xtikiben chire achi'el jun abej ri man xqa' ta chikiwech ri aj-tz'aq. Jak'a re wakami ri abej ri' kan más k'atzinel chire ri jay richin chi kow xpa'e' kan.

2 Pedro 1:1

Yin ri Simón Pedro, jun rusamajel ri Jesucristo, y jun chuqa' chike ri e taqon roma rija'. Tik'ulu' k'a re wuj re', ri nintz'ibaj-el chiwe rix ri ik'ulun ri jebelej tijonik richin ri qa-Dios y qakolonel Jesucristo, achi'el qak'ulun roj, roma rija' kan choj wi.

2 Pedro 1:4

Y keri' xusuj chiqe sipanik ri janila e jebel y k'o kejqalen. Y rik'in ri sipanik ri' yojkolotej chuwech ri etzelal ri k'o wawe' chuwech re ruwach'ulew roma ri itzel taq rayinik. Chuqa' rija' nujel ri qak'aslen y yojok k'a achi'el rija'.