1 Pedro 2:2 - Kaqchiquel Bible

² y tirayij k'a ri ruch'abel ri Dios richin yixk'iy y niwil kolotajik, achi'el ri taq ak'uala' ri k'a kalaxik, ri nikirayij ri tz'umaj richin yek'iy.

နောက်ထပ်ဗားရှင်းများ

Kaqchikel Santo Domingo (Xenacoj)

² Achel ri chꞌuteq akꞌolaꞌ ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul,

Kaqchikel Santa Maria de Jesus

² Ixreꞌ tibꞌanaꞌ incheꞌl niquiꞌan ri acꞌolaꞌ ri cꞌajaꞌ caꞌalax, can nicajoꞌ ncaꞌtzꞌuman, y riqꞌuin reꞌ ncaꞌqꞌuiy. Y quireꞌ jeꞌ ixreꞌ, can tirayij ntivaxaj y ntiꞌan leer ri ruchꞌabꞌal ri Dios ri can ketzij. Chi quireꞌ niqꞌuiy ri icꞌaslien choch ri Dios y nquixcolotaj.

Kaqchikel Central Guatemala

² Rix can tibana' c'a achi'el niquiben ri tak ac'uala' c'a calaxic, can niquirayij ri quitz'un, y riq'uin ri' yeq'uiy. Y que c'a chuka' ri' rix, can tirayij tivac'axaj y tinic'oj ri ruch'abel ri Dios, roma can kitzij vi. Richin queri' yixq'uiy y nivil colotajic.

Re C'ac'a Testamento pa Kach'abal

² Yex can tibana' ancha'l niquiban re ac'ola' re c'a ba-oc ca'lax-va, can niquirayij ye'tz'uman, y ja riq'uin re' ye'q'uiy-va. Y quire' chuka' yex, can tirayij nic'axaj y niban leer re ruch'abal re Dios, roma can ja-va re' re katzij ch'abal. Chin quire' yixq'uiy y yixcolotaj.

Kaqchikel Western Solola

² Riyix can tibana' c'a achi'el niquiben ri tak ac'ala' ri c'a calaxic, can niquirayij ri quitz'un, y riq'ui ri' yeq'uiy. Y queri' chuka' riyix, can tirayij niwac'axaj y nisiq'uij ri kitzij ruch'abel ri Dios ri majun k'oloj ruc'uan riche (rixin) chi queri' yixq'uiy y niwil colotajic.

1 Pedro 2:2 ပူးပေါင်းရင်းမြစ်များ

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Os 14:5

Yin kan xkinok k'a chire ri tinamit Israel achi'el ri raxq'ab. Rija' kan xtisijan chik k'a achi'el nisijan ri lirio. Ri ruxe' kan kow k'a xtik'oje' achi'el ri ruxe' ri juyu' Líbano.

Os 14:7

Ri tinamit Israel kan xtik'oje' chik k'a chuxe' ri wutzil yin. Kan xkek'iy chik k'a achi'el ri trigo, kan xkesijan chik k'a achi'el nisijan ri juwi-uva. Kan xtel chik k'a kitzijol chi rije' kan e achi'el ri jebelej vino ri nipe pa Líbano.

Os 6:3

Tiqatija' k'a qaq'ij richin yojtzolej chik rik'in ri Jehová. Kan ta k'a achi'el ri saqil richin ri nimaq'a' yan keri' ta xtiqaben roj richin niqakanoj ri Jehová. Wi keri', ri Jehová kan xtipe k'a qik'in achi'el ri job. Achi'el ri job ri noqaqa toq ik'owineq chik ruq'ijul, chuqa' kan achi'el ri job ri niqaqa toq man jani tapon ri ruq'ijul.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

San Mateo 18:3

Y xubij chike: Kan qitzij k'a ninbij chiwe, chi wi rix man nijel ta ri ich'obonik, y man yixok ta achi'el re ti ak'ual re', man xkixok ta pan ajawaren.

San Mateo 19:14

K'ari' ri Jesús xubij chike: Tiya' q'ij chi ri ak'uala' yepe wik'in yin y man ke'q'et. Roma ri xke'ok chupan ri aj-chikajil ajawaren, xaxe ri e achi'el ri ak'uala', xcha'.

Marcos 10:15

Kan qitzij k'a ninbij chiwe, chi ri xa man nikiben ta achi'el ri ak'uala' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

San Lucas 18:17

Kan qitzij k'a ninbij chiwe, chi ri xa man nikiben ta achi'el re ak'uala' re' richin chi nikijech-ki' pa ruq'a' ri Dios, kan man k'a xke'ok ta pa rajawaren rija', xcha'.

Romanos 6:4

Toq xojya'ox-qa pa ya', achi'el kan xojken rik'in ri Cristo, y kan xojmuq rik'in. Y roma ri' yojtikir niqabij chi toq rija' xk'astej-pe roma ri ruchuq'a' ri tata'ixel, roj chuqa' xojk'astej-pe rik'in y wakami k'o chi niqak'uaj jun k'ak'a' k'aslen.

1 Corintios 14:20

Wach'alal, man k'a kixch'obon achi'el yech'obon ri ak'uala'; xaxe chuwech ri mak kan tibana' achi'el ri ak'uala', jak'a rik'in ri ich'obonik tibana' achi'el ri winaqi' e nima'q chik.

Efesios 2:21

Ja rija' chapayon ri jay ri' y nuben chire chi nik'iy k'a toq xtok na jun loq'olej rachoch ri Dios.

Efesios 4:15

Pa ruk'exel ri', xa nik'atzin niqatzijoj ri qitzij rik'in ajowabel. Y wi keri', yojk'iy y nibeqila' jun k'aslen ri kan tz'aqet-wi achi'el ri Cristo. Y ja rija' ri k'o pa qawi' qonojel ri qakuquban qak'u'x rik'in.

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

1 Pedro 1:23

Rix xixalex chik jun bey jak'a man rik'in ta ri xa kamel, xa kan rik'in ri man kamel ta y re' roma ri ruch'abel ri Dios ri kan k'es y man niken ta.

2 Pedro 3:18

Pa ruk'exel ri', xa kan tiwetamaj k'a más chirij ri qajaw y qakolonel Jesucristo, y yixk'iy k'a rik'in ri ik'aslen. Y rija' xtuk'ul ta k'a ruq'ij-ruk'ojlen re wakami y keri' tibe-q'ij tibe-seq. Kan keri' ta k'a.