1 Pedro 1:4 - Kaqchiquel Bible

⁴ Ri Dios kan rubanon k'a chiqe chi ri chila' chikaj kan xtiqichinaj ri man xtiq'ey ta, man xtitz'ilub ta y man xtimayamo' ta qa.

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Y ndubꞌen chuqaꞌ chi ndiyoꞌox ri herencia yakon apu chiwa chikaj roma ri Dios. Ri herencia riꞌ ma ndiqꞌey ta, kin jumul chꞌajchꞌaj y ma ndikꞌis ta ruqꞌij.

Kaqchikel Santa Maria de Jesus

⁴ Y ri Dios xtuyaꞌ chika ri ka-herencia ri ruyacuon chicaj. Ri xtuyaꞌ ri Dios chika chicaj man xtikꞌay ta, man xtuꞌon ta tzꞌil, ni man xtuꞌon ta jeꞌ incheꞌl ri cotzꞌeꞌj ri xa nichakej-ka.

Kaqchikel Central Guatemala

⁴ Can nuben c'a chike chi ri chila' chicaj c'o jun xtikichinaj. Ja ri Dios ri xtiyo'on chike. Ri xtuya' ri Dios chike chila' chicaj man xtik'ey ta, man xtitz'ilub ta, ni man xtuc'ulvachij ta achi'el ri cotz'i'j chi xa nichaki'j-ka. Re' kichin roj y yaquel chila' chicaj.

Re C'ac'a Testamento pa Kach'abal

⁴ che c'o ka-herencia chila' chicaj. Y re' ja re Dios re xtiyi'o chaka. Y re xtuya' re Dios chaka chila' chicaj man xtik'ay-ta, y man xtuban-ta ancha'l nuban re cotz'e'j, roma re cotz'ej xa nichakij-ka. Y re herencia re' kachin yoj y yacon chila' chicaj.

Kaqchikel Western Solola

⁴ Y nuben chuka' chake chi ri chila' chicaj xtikac'ul jun kaherencia ri ma xtik'ey ta, ma xtitz'ilob ta, ni ma xtuc'ulwachij ta achi'el ri cotz'i'j ri xa nichaki'j ka. Ri herencia ri' can iwuche (iwixin) riyix tek yacon chila' chicaj.

1 Pedro 1:4 ပူးပေါင်းရင်းမြစ်များ

Wuj Richin Bix Chire ri Dios 31:19

Kan janila nim ri awutzil rat Jehová, roma kan ye'ato' ri nikiya' aq'ij-ak'ojlen. Re' kan xaben k'a kik'in ri nikito-ki' awik'in, richin nikitz'et ri ch'aqa' chik winaqi'.

Wuj Richin Bix Chire ri Dios 47:4

Rija' kan nucha' k'a ri k'o chi niqichinaj kan roj. Kan ja ri ruwach'ulew ri xuya' chire ri Jacob, roma janila xrajo'.

Wuj Richin ri Isaías 66:22

Kan xkek'oje' richin q'asen ri iwijatzul y ri ibi', achi'el ri k'ak'a' kaj y ri k'ak'a' ruwach'ulew ri xtinben yin, ri kan beneq ruwech e k'ak'a' chinuwech yin. Yin Jehová ri yibin.

Ez 47:12

Y chi e ka'i' ruchi' ri raqen-ya' ri' xkebek'iy-pe jalajoj kiwech che'. Y ri che' ri' kan xkewachin y e tijel ri ruwech. Ri kixaq man jun bey xketzaq-el y jantape' yewachin. Ik'-ik' yechaq'aj kiwech ri che' ri', roma ri niya'an richin ja ri ya' ri nel-pe pa rachoch ri Dios. Y ri ruwech kan richin yetij y ri kixaq ri che' ri' kan xtik'atzin richin aq'om, xcha' ri achin ri'.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Marcos 10:17

Ri Jesús xuchop chik el bey; jari' toq k'o jun achin junanin xoqaqa rik'in xxuke' chuwech y xubij chire: Rat utzilej tijonel, tabij chuwe: ¿Achike k'a ruk'amon chi ninben yin richin chi ninwichinaj ri k'aslen richin q'asen?, xcha'.

Hechos 20:32

Wakami k'a wach'alal, yixinjech kan pa ruq'a' ri Dios y ri ruch'abel. Ri ch'abel ri' nuq'alajirisaj ri rutzil ri Dios chiqawech, y kan nuben k'a chiqe chi ri qak'aslen nik'iy y chuqa' chi junan ri xtiqichinaj kik'in ri ch'aqa' chik ri ch'ajch'oj chik kik'aslen y e richin chik ri Dios.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Romanos 8:17

Y roma oj ralk'ual chik ri Dios, roj kan xqojichinan k'a chuqa' junan rik'in ri Cristo. Jak'a nik'atzin chi man tiqapoqonaj niqatej poqon, achi'el xutej poqon rija', richin keri' xtiqak'ul qaq'ij junan rik'in rija'.

1 Corintios 9:25

Ri ye'ok k'a pa jun etz'anen richin anin, kan janila wi nikichajij-ki'; rije' xaxe ri utz nuben chike ri nikiben. Keri' nikiben, y ri nikich'ek xa k'isel. Jak'a ri niqach'ek roj kan man k'isel ta.

Gálatas 3:18

Y wi xa roma ta ri pixa' niqichinaj ri urtisanik, man jun ta nik'atzin-wi ri xusuj ri Dios chire ri Abraham. Jak'a ri Abraham kan xuk'ul ri urtisanik roma ja ri Dios ri sujuyun chire.

Efesios 1:11

Kan roma k'a ri Cristo toq roj xojcha'ox richin xojok ralk'ual ri Dios, roma keri' ruch'obon pe pa qawi' ri Dios ri ronojel nuben achi'el ri rurayibel.

Efesios 1:14

Ri Espíritu ri' nujikiba' chiqe chi k'o más xtiqichinaj chila' chikaj, toq kan xtitz'aqet ri qakolotajik ri kan rubanon chik chiqe chi oj richin chik rija'. Y ronojel re' richin niqanimirisaj rubi' y niqaya' ruq'ij-ruk'ojlen ri Dios.

Efesios 1:18

Chuqa' nink'utuj chi tusaqirisaj más ri inojibal, richin chi niq'ax ta chiwech ri utzil ri qoyoben, ri achike roma toq xojroyoj ri Dios. Y chuqa' richin niq'ax ta chiwech ri rejqalen ri k'o chi niqichinaj roj ri oj richin chik rija'.

Colosenses 1:12

Niqajo' chi kan kixmatioxin chire ri Tata'ixel, roma rubanon chiqe qonojel chi ruk'amon richin niqichinaj ri k'o chila' chikaj. Junan k'a xqojichinan kik'in ri ch'aqa' chik ralk'ual ri Dios, ri chiri' chupan ri ajawaren richin saqil.

Colosenses 1:5

Keri' niben, roma ri oyobenri'il ri yakon chiwe chila' chikaj. Ri' xiwetamaj toq xiwak'axaj ri qitzij ch'abel ri nich'on chirij ri utzilej ch'abel richin kolotajik.

Colosenses 3:24

Y ri ajaw Jesucristo xtuya' k'a ri sipanik chiwe roma ja rija' ri nisamajij. Kan iya'on-wi k'a pa nabey y roma ri' xkixichinan chila' chikaj.

2 Timoteo 4:8

Wakami xaxe chik k'a woyoben jun sipanik ri xtink'ul roma nuk'uan jun utzilej k'aslen. Y ri' kan ja ri Dios ri utzilej q'atoy-tzij ri xtiya'on chuwe chupan ri q'ij toq xtipe chik jun bey. Y man xaxe ta chuwe yin xtuya-wi ri sipanik ri', xa kan xtuya' chuqa' chike konojel ri kan rik'in ronojel kánima koyoben ri q'ij toq xtipe chik jun bey rija'.

Hebreos 10:34

Xijoyowala' kiwech ri ek'o pa cárcel. Y toq xelesex kan ronojel ri ek'o iwik'in man xipoqonaj ta xiya-el. Xa kan rik'in kikoten xiya-el roma iwetaman chi chila' chikaj k'o ri kan iwichin rix, y ri' más utz chuwech ri beyomel richin re ruwach'ulew, roma re' kan richin jantape'.

Hebreos 9:15

Roma ri' ja ri Cristo ri xk'amon-pe ri k'ak'a' jikibel-tzij ri xuben ri Dios qik'in roj, ri oj oyon richin yojok rik'in rija' richin xtiqichinaj chila' chikaj, ri rubin chi xtuya' chiqe ri man k'isel ta. Ronojel re' nibanatej roma ri Cristo xken richin chi xojkolotej chupan ri mak ri nunataj ri ojer jikibel-tzij.

Santiago 1:11

roma toq nipe ruwech ri q'ij, ri q'ayis y ri rusi'j xa nichaqi'j y nik'is-qa, stape' kan jebel nitzu'un ri pa nabey. Kan keri' chuqa' nuk'uluwachij ri beyom rik'in ri rubeyomel, eqal-eqal nik'is qa.

1 Pedro 3:9

Y toq niban jun itzel chiwe, man tiben ruk'exel. Y toq nibix ch'abel ri janila e poqon chiwe, man tibij jun chik ch'abel keri'. Xa tik'utuj chire ri Dios chi xtrurtisaj ri wineq ri', roma ri Dios kan ix royon richin niben ri utz, y nrajo' chi rix nik'ul urtisanik.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

Apocalipsis 21:27

Jak'a ronojel ri xa tz'il, kan man jun bey xtok-apo chupan. Ni man jun chuqa' wineq ri xa nuya' ruq'ij jun chik dios, ni chuqa' ri e tz'ukuy taq tzij, ri xke'ok-apo ri chiri', xaxe ri tz'ibatel kibi' chupan ri wuj richin k'aslen, ri ruwuj ri Karne'l.