1 Pedro 1:24 - Kaqchiquel Bible

²⁴ Chupan ri ch'abel ri', nubij:*f2* Konojel ri winaqi' xa e achi'el ok ri q'ayis. Y ri kiruwaq'ijaj xa achi'el ok ri kotz'i'j ri ek'o pa juyu'. Roma ri q'ayis xa nichaqi'j-qa, y ri kotz'i'j xa nitzaq-el.

နောက်ထပ်ဗားရှင်းများ

Kaqchikel Santo Domingo (Xenacoj)

²⁴ Romariꞌ chupan ri rutzij ri Dios tzꞌibꞌan kan ndubꞌij: Konojel wineq xa eꞌachel ri qꞌayis. Y ri kiqꞌij ri wineq, xa achel rukontzꞌijal qꞌayis. Porque ri qꞌayis ndichaqiꞌj qa y ri rukontzꞌijal nditzaq e.

Kaqchikel Santa Maria de Jesus

²⁴ Ruma chupan ri ruchꞌabꞌal ri Dios ri tzꞌibꞌan can, nuꞌej: Ri cꞌaslien vaveꞌ choch-ulief, xa incheꞌl ri kꞌayis, ruma ri kꞌayis nichakej-ka. Y quireꞌ jeꞌ jun vinak ri altíra rukꞌij; ri rukꞌij xtuꞌon incheꞌl nuꞌon ri ruseꞌj ri kꞌayis. Ruma ri ruseꞌj ri kꞌayis xa chaꞌnin nitzak-ka.

Kaqchikel Central Guatemala

²⁴ Y chupan c'a ri ruch'abel ri Dios ri tz'ibatel can, nubij: Ri c'aslen ri xkac'ul tok xojalex chuvech re ruvach'ulef, xa achi'el ri k'ayis. Roma ri k'ayis nichaki'j y niq'uis-ka. Y ri ruk'ij jun vinek, xa achi'el ri rusi'j jun k'ayis. Roma ri rusi'j jun k'ayis xa nitzak-el.

Re C'ac'a Testamento pa Kach'abal

²⁴ Y chupan re ruch'abal re Dios re tz'iban can, nubij: Re c'aslen re xkac'ul tak xojalax chach re ruch'ulef, xa ancha'l re k'ayis. Roma re k'ayis nichakij-ka y niq'uis-ka. Y re ruk'ij jun vinak, xa ancha'l ruse'j jun k'ayis. Roma re ruse'j jun k'ayis xa nitzak-a.

Kaqchikel Western Solola

²⁴ Y chupan c'a ri ruch'abel ri Dios ri tz'ibatal ca, nubij: Ri ruc'aslen ri winek chuwech re ruwach'ulef, xa achi'el ri k'ayis. Ruma ri k'ayis nichaki'j y niq'uis ka. Y ri ruk'ij jun winek, xa xtuben achi'el nuben rusi'j jun k'ayis. Ruma ri rusi'j jun k'ayis xa nitzak el.

1 Pedro 1:24 ပူးပေါင်းရင်းမြစ်များ

Wuj Richin Bix Chire ri Dios 103:15

Ri ruk'aslen ri wineq xa achi'el ok ri q'ayis; nisijan achi'el nisijan ri kotz'i'j,

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

Wuj Richin Bix Chire ri Dios 37:2

Roma rije' xa e q'axel, e achi'el ri q'ayis ri xa nitzak'ix-el, y achi'el ri rex q'ayis ri xa nichaqi'j-qa.

2 Rey 19:26

Ri winaqi' ri ek'o chiri', kan xk'is kuchuq'a', kan janila k'a kixibin-ki' y sachineq kik'u'x. Rije' kan xkiben achi'el ri q'ayis ri k'o pa juyu', achi'el ri q'ayis ri ye'el-pe pa ruwi' taq jay: Xa yewotz'otz'ir-qa roma ri kaq'iq' ri nipe pa relebel-q'ij, y xa man yek'iy ta chik.

1 Juan 2:17

Jak'a re ruwach'ulew xa xtik'is, y xkek'is chuqa' ronojel ri itzel taq rayinik. Jak'a ri wineq ri nibanon utz chuwech ri Dios man xtik'is ta ruk'aslen. Xa xtik'oje' ruk'aslen ri man k'isel ta.

Wuj Richin Bix Chire ri Dios 129:6

Ri winaqi' ri' kan e achi'el ri q'ayis ri nik'iy-pe pa ruwi' jay, ri xa nichaqi'j-qa y man jani tik'iy jebel.

Wuj Richin Bix Chire ri Dios 92:7

Wi ri e banoy etzelal yek'iy achi'el ri q'ayis, y utz nikiben-q'anej, xaxe richin yek'is jumul.

Wuj Richin Bix Chire ri Dios 102:4

Yin kan ninna' chi xinkibech kan chi'aqen, achi'el niban rik'in ri q'ayis toq xchaqi'j yan qa. Roma ri nuq'axo'n kan man jun nuwayjal k'o,

Wuj Richin Bix Chire ri Dios 90:5

Kan yojak'uaj k'a el, achi'el nuben ri raqen-ya'. Ri qak'aslen man niyaloj ta, xa achi'el ok jun achik'. Achi'el jun q'ayis ri nik'iy-pe ri nimaq'a'; y nisijan-pe. Jak'a ri tiqaq'ij xa nich'up-qa y xa nichaqi'j-qa. Keri' ri qak'aslen roj.

Wuj Richin ri Achin Job 14:2

Ri k'aslen nik'ulun-pe, achi'el nik'ulun-pe jun kotz'i'j, y xa chi'anin nimayer-qa. Chuqa' achi'el ri muj ri xa junanin niq'ax-el.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

San Mateo 6:30

Wi ri Dios yeruwiq jebel ri kotz'i'j y ri q'ayis ri ek'o pa taq juyu', y ri chua'q xa yek'aq pa q'aq', ¿achike k'a roma rix man ikuquban ta ik'u'x rik'in ri Dios chi kan nuya-wi ri itziaq? Roma rix kan más iwejqalen chikiwech rije'.