1 Pedro 1:22 - Kaqchiquel Bible

²² Y toq xinimaj ri qitzij, kan xch'ajch'ojir ri ik'aslen richin nik'oje' qitzij ajowabel iwik'in chike ri ch'aqa' chik. Wakami kan janila k'a tiwajo-iwi' rik'in ronojel iwánima y rik'in ruch'ajch'ojil.

နောက်ထပ်ဗားရှင်းများ

Kaqchikel Santo Domingo (Xenacoj)

²² Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

Kaqchikel Santa Maria de Jesus

²² Can ja ri Espíritu Santo ri xsamaj riqꞌuin ivánima antok xivaxaj ri ketzij y xixniman cha, y rumareꞌ vacame sak ri ivánima. Y reꞌ nuꞌon chiva chi ketzij nquiꞌvajoꞌ ri nicꞌaj chic hermanos y man riqꞌuin ta caꞌyeꞌ ipalaj. Xa riqꞌuin nojiel ivánima tivajo-iviꞌ y riqꞌuin sak ivánima jeꞌ.

Kaqchikel Central Guatemala

²² Y tok xinimaj ri nubij ri kitzij, can ja ri Lok'olej Espíritu ri xsamej pa tak ivánima. Y riq'uin ri', ri ivánima xch'ajch'ojir. Y re' nuben c'a chive chi ye'ivajo' ri ch'aka' chic kach'alal, y que'ivajo', pero man riq'uin ta ca'i' ipalej. Xa can janíla tivajo-ivi' y riq'uin ch'ajch'ojilej ivánima.

Re C'ac'a Testamento pa Kach'abal

²² Y tak xinimaj re nubij re katzij ch'abal, can ja re Espíritu Santo xsamaj pa tak ivánma. Y riq'uin re', re ivánma xch'ojch'ojer. Y re' nuban chiva che ye'ijo' conojel re hermanos, y que'ijo', pero man riq'uin-ta ca'e' ipalaj. Xa can tijo-ivi' riq'uin jun ivánma ch'ajch'oj.

Kaqchikel Western Solola

²² Y tek xinimaj ri nubij ri kitzij, ri iwánima xch'ajch'ojir ruma ri rusamaj ri Lok'olaj Espíritu, riche (rixin) chi queri' ma riq'ui ta ca'i' ipalej ye'iwajo' ri nic'aj chic kach'alal. Y can tiwajo' iwi' riq'ui ronojel iwánima, y riq'ui chuka' ch'ajch'ojlaj iwánima.

1 Pedro 1:22 ပူးပေါင်းရင်းမြစ်များ

San Juan 15:17

Kan ninchilabej k'a chiwe, chi tiwajowala-iwi'.

San Juan 15:3

Rix ri kan nuq'alajirisan-wi-pe ri nuch'abel chiwech, kan xixch'ajch'ojir yan k'a roma ri ch'abel ri'.

San Juan 17:17

Ri ach'abel jari' ri qitzij. Roma ri' rik'in ri ch'abel ri', kan ke'ach'ara' richin xaxe ye'ok awichin rat.

San Juan 17:19

Koma rije' yin kan ninch'er k'a wi' richin ri samaj, richin ta keri' chuqa' rije' kan tikich'ara-ki' chupan ri qitzij.

Hechos 15:9

Kan man jun qakojol xuben. Rije' kan xkikuquba' kik'u'x rik'in ri Jesucristo. Roma ri' toq ri Dios xuch'ajch'ojirisaj ri kánima.

Hechos 6:7

Ri ruch'abel ri Dios rik'in ruchuq'a' beneq, y yek'iyer k'a chuqa' ri nimanela' ri chiri' pa tinamit Jerusalem. Y e janila k'a chuqa' chike ri sacerdote ri yeniman.

Romanos 1:5

Ri Jesucristo xuya' rutzil pa nuwi', richin chi xinok taqon roma rija', chi pa rubi' nintzijoj ri ruch'abel pa taq ronojel ruwach'ulew, richin ri winaqi' xtikikuquba' ta kik'u'x rik'in y xtikinimaj ta chuqa' rutzij.

Romanos 2:8

Y chike ri winaqi' ri nikajo' xaxe kichin rije', niketzelaj ri qitzij y jantape' nikajo' nikiben etzelal, ri Dios kan xtuben chi xtiqaqa ri royowal pa kiwi'.

Romanos 8:13

Roma wi xqojkik'uaj ri itzel taq rayibel ri', xa kamik nikik'en-pe chiqe. Jak'a wi yojuk'uex roma ri Loq'olej Espíritu richin nukamisaj ri itzel taq rayibel ri'; xtiqil k'aslen.

2 Corintios 6:6

Kan niq'alajin-wi chi oj rusamajela' ri Dios roma ch'ajch'oj ri qak'aslen, qetaman ri qitzij, nim qánima, oj utz kik'in ri winaqi', ri ajowabel ri k'o qik'in kan qitzij, k'o ri Loq'olej Espíritu qik'in,

Gálatas 3:1

Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

Gálatas 5:5

Jak'a roj kan qoyoben chi man jun qamak yojk'ulun chuwech ri Dios, roma kan xqakuquba' qak'u'x rik'in ri Cristo. Y re kolotajik re' kan qoyoben roma ri ruchuq'a' ri Loq'olej Espíritu ri k'o pa taq qánima.

Gálatas 5:7

Ri pa nabey, kan choj-wi ix beneq. Jak'a re wakami, ¿achike k'a xbanon chiwe chi man niwajo' ta chik ninimaj ri qitzij?

Efesios 4:3

Titija' iq'ij chi jantape' junan iwech y man ta jun oyowal chi'ikojol. roma ja ri Loq'olej Espíritu ri nibanon chi junan iwech.

Filipenses 1:9

Kan nink'utuj k'a chire ri Dios chi ri ajowabel ri k'o iwik'in kan más ta xtinimer, y xtik'oje' ta más etamabel y más na'oj iwik'in,

1 Tesalonicenses 3:12

Qach'alal, roj niqajo' chi ri ajaw xtuben ta chiwe chi kan niwajo' más iwi'. Y keri' chuqa' ke'iwajo' konojel ri ch'aqa' chik winaqi'. Kan tiwajo-iwi' achi'el qabanon roj iwik'in rix.

2 Tesalonicenses 1:3

Qach'alal, roj kan beneq-ruwech k'o chi yojmatioxin chire ri Dios iwoma rix. Y kan ruk'amon chi keri' niqaben, roma rix q'ij-q'ij ikuquban-pe más ik'u'x rik'in ri Dios, y kan más niwajowala-iwi'.

2 Tesalonicenses 2:13

Jak'a roj beneq ruwech k'o chi yojmatioxin chire ri Dios iwoma rix qach'alal, ri janila yixajowex roma ri ajaw, roma kan pa rutikeribel-pe jari' toq xixrucha' yan richin yixkolotej chupan ri imak. Y xixkolotej roma xikuquba' ik'u'x rik'in ri qitzij, y roma ri rusamaj ri Loq'olej Espíritu.

1 Timoteo 1:3

Wakami ninbij chawe achi'el ri xinbij chawe toq xibe pa ruwach'ulew Macedonia; chi kak'oje' na pa tinamit Éfeso richin nabij chike ri man junan ta tijonik nikiya' chirij ri ruch'abel ri Dios, chi man chik tikiben keri'.

1 Timoteo 1:5

Ronojel re' ninbij chawe, richin kan ta konojel qach'alal nikajo-ki' rik'in ch'ajch'oj kánima ri nuna' chi utz k'o chuwech ri Dios, y rik'in jun qitzij kuqubabel-k'u'x.

1 Timoteo 4:12

Man taya' q'ij chi k'o yebitej-pe chawij roma k'a at k'ajol ala' na. Xa kan tak'utu' ri achike niqa' chuwech ri Dios rik'in ri abanobal, ri ach'abel, ri awajowabal, ri ak'aslen ri uk'uan roma ri Dios y akuquban ak'u'x rik'in, y rik'in ch'ajch'ojilej ak'aslen.

1 Timoteo 5:2

Y chuqa' ri ixoqi' ri e rijita'q chik, tabana' chike chi kan e achi'el ate'. Y ri xtani', tabana' chike chi kan e achi'el awana', rik'in ch'ajch'ojilej ch'obonik.

2 Timoteo 1:14

Kan tachajij k'a ronojel ri utzilej taq tijonik. Y ri Loq'olej Espíritu ri k'o pa taq qánima, jari' ri xtito'on awichin.

Hebreos 11:8

Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

Hebreos 13:1

Wach'alal, kan jantape' k'a tiwajo-iwi'.

Hebreos 5:9

Y toq xtz'aqet ri k'o chi xok rija', kan jari' xok qitzij kolonel ri kan nitikir nuya' kolotajik richin jantape' chike konojel ri yeniman rutzij.

Hebreos 6:10

Ri Dios kan choj wi, y roma ri' man xtumestaj ta ri samaj ri ibanon-pe, y ri ajowabel ri k'o iwik'in, roma e ito'on-pe ri ch'aqa' chik ralk'ual ri Dios, y k'a ye'ito' na.

Hebreos 9:14

Wi k'o xk'atzin-wi ronojel ri', k'a tala' chik ri rukik'el ri Cristo ri man jun bey xmakun y rik'in ri ruchuq'a' ri Loq'olej Espíritu kan xuya-ri' pa kamik richin xutoj ri qamak chuwech ri Dios. Roma ri' rija' kan nitikir nuch'ajch'ojirisaj ri qánima chire ri mak ri nik'amon-pe kamik y nuben chiqe chi yojtikir niqasamajij ri k'aslik Dios.

Santiago 1:21

Roma ri' tiya' kan ronojel ri man ch'ajch'oj ta y ronojel ri etzelal. Y k'o chi nich'utinirisaj-iwi' chuwech ri Dios, y titaqej chi utzil ri ruch'abel ri k'o pa taq iwánima. Roma ja ch'abel ri' ri nikolon iwichin.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Pedro 1:2

Ri Qatata' Dios xixrucha' k'a rix, y kan ja ri Loq'olej Espíritu ri xch'aron iwichin richin ninimaj rutzij ri Jesucristo, y nich'ajch'ojir ri ik'aslen rik'in ri rukik'el. Ri Dios xtuya' ta k'a janila utzil y uxlanen pan iwi'.

1 Pedro 2:17

Tiya' iwejqalen y tiwajowala-iwi' ri iniman chik ri Jesucristo. Tiya' ruq'ij ri Dios y tiqasaj-iwi' chuwech ri rey.

1 Pedro 3:1

Rix ixoqi' kan tinimaj k'a kitzij ri iwachijlal. Richin keri', wi rije' man kiniman ta ri ruch'abel ri Dios, stape' man jun nitzijon chike, roma ta ri ik'aslen rix xtikinimaj,

1 Pedro 3:20

Ja winaqi' ri' ri ojer kan man xkinimaj ta rutzij ri Dios pa ruq'ijul ri Noé, toq xuben ri nima-barco. Ri Dios janila k'iy juna' ri xuya' chike richin xeroyobej. Jak'a man jun ri xtzolin ta pe ruk'u'x xa kan xaxe e waqxaqi' winaqi' ri xe'ok chupan ri nima-barco ri' y xekolotej rik'in ya'.

1 Pedro 3:8

Pa ruk'isibel ninbij chiwe chi chi'iwonojel xa jun iwech tibana', kan tina' chuqa' rix ri q'axo'n ri nuna' ri iwach'alal. Tiwajowala-iwi' chi'iwach'alal. Tijoyowala' iwech y man tinimirisaj-iwi'.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

1 Pedro 4:8

Nik'atzin chuqa' chi tiwajowala-iwi' janila, roma ri ajowabel kan nutz'apej ruwi' ri janila chi mak.*f7*

2 Pedro 1:7

Chuqa' ke'iwajo' ri qach'alal y tik'oje' ajowabel pa taq iwánima richin ye'iwajo' konojel winaqi'.

1 Juan 3:11

Re tijonik re' kan iwak'axan-wi-pe pa rutikeribel, chi tiqajowala-qi' chiqawech.

1 Juan 3:23

Y ri nubij rija' ja ri tiqakuquba' qak'u'x rik'in ri Jesucristo ri Ruk'ajol. Y chi tiqajowala-qi' achi'el xubij ri Cristo.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

1 Juan 4:20

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?

1 Juan 4:7

Rix ri yalan yixinwajo', tiqajowala' k'a qi' chiqawech, roma ri ajowabel kan peteneq-wi rik'in ri Dios. Wi yojajowan, niq'alajin chi qak'uan ri k'ak'a' alaxik y oj ralk'ual chik ri Dios, y chuqa' qetaman ruwech jebel.

Apocalipsis 2:4

Xa jak'a k'o ri man utz ta nintz'et chiwij; chi ri ajowabel ri xk'oje' iwik'in pa nabey, man ja ta chik ri' ri k'o iwik'in wakami.