1 Pedro 1:18 - Kaqchiquel Bible

¹⁸ Ri Dios xixrukol chuwech jun k'aslen ri maneq ruchojmilal, ri xiwichinaj kan kik'in ri iwati't-imama' man rik'in ta q'anapueq ni saqipueq ri xa nik'is,

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Rix iwetaman chi ri Dios xixrelesaj pe chupan ri itzel kꞌaslen ri xikꞌen kan rikꞌin ri kikꞌaslen ri ojer teq iwatit-imamaꞌ. Y rix iwetaman chi ri rajel ri ikolotajik, ma xtoj ta rikꞌin qꞌanapueq nixta rikꞌin saqipueq ri xa ngekꞌis.

Kaqchikel Santa Maria de Jesus

¹⁸ Ixreꞌ ivataꞌn chi xixcuol-pa chupan ri cꞌaslien ri xa man jun rakalien ri cꞌutun can chivach ruma ri ivateꞌt-imamaꞌ. Y antok xixcolotaj-pa choch ri itziel tak kax reꞌ, man riqꞌuin ta jun kax ri niqꞌuis incheꞌl ri oro o ri plata,

Kaqchikel Central Guatemala

¹⁸ Y rix chuka' jebel ivetaman chi ri xquibanala' ri ivati't-imama' ojer can, man jun vi rejkalen. Y chuvech c'a ri itzel tak quibanobal rije', chuvech ri' xixcolotej-vi-pe. Y tok xixcol-pe chuvech re itzel tak banobel re', man xixcol ta pe riq'uin jun cosa ri xa niq'uis achi'el ta ri k'anapuek o sakipuek.

Re C'ac'a Testamento pa Kach'abal

¹⁸ Y yex chuka' jabal itaman che re xquibanala' re ivinak xe'c'ue' ajuer can, man jun rajkalen. Y ja chach re itzel tak quibanabal reje' xixcolotaj-va-pa yex. Y tak xixcol-pa chach re itzel tak banabal re', man xixcol-ta-pa riq'uin jun cosa re xa niq'uis ancha'l re k'anapuak o sakapuak.

Kaqchikel Western Solola

¹⁸ Y riyix iwetaman chi xixcol pe chupan ri jun c'aslen ri xa majun rejkalen, ri c'utun ca chiwech cuma ri iwati't imama' ri xec'oje' ojer ca. Y tek xixcol pe chupan ri itzel c'aslen ri xic'uaj, ma xixcol ta c'a pe riq'ui jun cosa ri xa niq'uis achi'el ri k'anapuek o sakapuek.

1 Pedro 1:18 ပူးပေါင်းရင်းမြစ်များ

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin Bix Chire ri Dios 62:10

Man tikuquba' ik'u'x rik'in ri banoj kamik, ni man ninimirisaj-iwi' roma ri iweleq'. Wi nik'iyer-q'anej ri ibeyomel, man tikuquba' ik'u'x rik'in.

Wuj Richin ri Isaías 44:22

Yin kan xinyoj yan k'a ronojel imak, kan xinben yan chire achi'el toq nik'is-el ri sutz' richin nimaq'a'. Roma ri' kan titzolin k'a pe ik'u'x wik'in, roma yin kan xixinkol yan.

Wuj Richin ri Isaías 52:3

Roma ri Jehová nubij chi achi'el ri xban chiwe rix toq xixk'ayix-el, kan man jun iwajel xya'ox, keri' chuqa' xtuben rija'. Rix k'o chi yixloq'-pe, jak'a kan man jun méro xtiya'ox kan.

Wuj Richin ri Jeremías 16:19

Xinbij chire ri Jehová: Ja rat ri yaya'on wuchuq'a' jantape' y at to'oy wichin. Ja rat ri at nutobal toq k'o ruk'ayewal. Kan awik'in k'a rat xkepe-wi konojel tzobaj taq winaqi' richin re ruwach'ulew y xtikibij chawe: Ri qati't-qamama' xekisamajij ri dios ri man e qitzij ta ri man jun yetikir nikiben.

Wuj Richin ri Jeremías 4:11

Y toq xtapon ri q'ij ri', xtibix chire ri tinamit Jerusalem: Jun nimalej meq'en kaq'iq' ri peteneq pa tz'iran ruwach'ulew nuxupuj-pe pa ruchojmilal ri nutinamit. Y man ja ta kaq'iq' ri' ri nik'atzin richin nijosq'ix ri trigo.

Wuj Richin ri Jeremías 44:17

Y pa ruwi' ri' roj xa kan xtiqaben ri qach'obon chik. Kan xtiqasuj pom chuwech ri reina richin ri kaj. Chuqa' kan xtiqasuj vino chuwech, achi'el ri qabanon-pe y chuqa' achi'el kibanon-pe ri qate-qatata', ri qa-rey y ri e aj-raqen chupan ri tinamit Jerusalem y ri ch'aqa' chik tinamit richin ri Judá. Y toq xqaben keri', kan pa ruk'iyal ri qaway xk'oje'. Xojkikot y kan utz k'a oj beneq y kan man jun ruk'ayewal ri xpe pa qawi'.

Wuj Richin ri Jeremías 9:14

Xa xkiben k'a ri itzel rurayibel ri kánima y pa ruwi' ri' xkiya' k'a kiq'ij ch'aqa' chik dios achi'el xkiben ri kati't-kimama'.

Ez 20:18

Toq ek'o pa tz'iran ruwach'ulew xinbij k'a chike ri kalk'ual chi man kekitzeqelibej ri itzel taq kibanobal ri kite-kitata' jak'a ke'ok e ch'ajch'oj y man tikiya' kiq'ij ri wachibel.

Am 2:4

Kere' nubij ri Jehová pa kiwi' ri aj-Judá: Ri kimak kan xik'o yan chik ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' kan xkixowaj ri nutijonik. Kan man xkitaqej ta ri pixa' ri xinya' chike. Xa xbe kik'u'x chikij ch'aqa' chik dios; Xekisamajij ri dios kichin ri kite-kitata'.

Marcos 8:37

Wi stape' ta janila k'iy beyomel k'o rik'in, kan man nitikir ta nuloq' ri k'aslen richin jantape'.

Romanos 1:21

Roma kan chikiwech k'a ek'o-wi ri yeq'alajirisan chi k'o Dios, xa jak'a rije' man kiya'on ta ruq'ij-ruk'ojlen achi'el ruk'amon chi niban, ni man kimatioxin ta chire. Pa ruk'exel chi keri' xa ja ri man jun kejqalen ri yekich'ob; xa e nakaneq y q'equmatajineq ri kánima.

1 Corintios 3:20

Y chuqa' nubij: Ri Dios retaman ri kich'obonik ri winaqi' ri k'o na'oj kik'in; retaman chi ri kich'obonik xa man jun rejqalen, nicha'.*f8*

1 Corintios 6:20

Rix kan xixloq' yan k'a roma ri Dios. Roma ri' kan tiya' ruq'ij-ruk'ojlen rik'in ri ich'akul y rik'in ri i-espíritu ri kan e richin chik rija'.

1 Corintios 7:23

Rix kan xixloq' yan k'a roma ri Jesucristo. Roma ri' man chik k'a tixim-iwi' chuxe' kitzij ri winaqi'.

Gálatas 1:4

roma ri Jesucristo xuya-ri' richin xkamisex richin xojrukol chuwech ri qamak y ri etzelal ri k'o wawe' chuwech re ruwach'ulew. Ronojel re' xuben roma kan ja wi ri' ri rurayibel ri qatata' Dios,

Efesios 4:17

Pa rubi' k'a ri ajaw ninchilabej chiwe chi man tik'uaj jun k'aslen achi'el ri kik'aslen ri winaqi' ri xa maneq Dios chikiwech, ri xa ruyon ch'obonik ri man jun utz nuk'en-pe chike ri nikich'ob.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Hebreos 9:12

Toq ri Cristo xok ri akuchi kan janila loq'olej, xaxe jun bey xok ri chiri'. Y rija' man xusuj ta na ri kikik'el tzuntzun, ni ta kichin alaji' taq wákix. Kan ja ri rukik'el rija' ri xusuj chire ri Dios richin xkuyutej ri qamak, y rik'in ri' xuya' ri kolotajik ri richin jantape' chiqe.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.

1 Pedro 4:3

Xa man chik k'a tiben banobel ri xe'iben ojer kan, toq xa kan man xixk'ix ta xe'ibanala' ronojel ruwech etzelal. Kan xiben k'a ronojel ri xirayij, xixq'aber, xe'ibanala' nima'q taq wa'in richin xitej ya' y xiyala' kiq'ij ch'aqa' chik dios ri xa e banon.

1 Juan 3:5

Rix iwetaman chi ri Jesucristo xpe chuwech re ruwach'ulew, richin xukuy ri qamak stape' rija' kan man jun rumak.