1 Pedro 1:17 - Kaqchiquel Bible

¹⁷ Ri Dios ri nibij qatata' chire, jun chojmilej q'atoy-tzij, y man nuben ta rukojol kik'in ri winaqi'. Roma wi utz o man utz ta, ri ibanobal rija' nuya' rutojbalil chiwe. Roma ri' kan tixibij-iwi' yixmakun rokik ixk'o chuwech re ruwach'ulew.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Rix ndibꞌij Qatataꞌ chare ri Dios ri ndiqꞌato tzij pa kiwiꞌ konojel wineq chin nduyaꞌ rukꞌexel chake achel kibꞌanun pa kikꞌaslen. Romariꞌ, ndikꞌatzin chi ndinimaj rutzij rikꞌin nojel iwánima ri janipeꞌ qꞌij ndikꞌojeꞌ ikꞌaslen chochꞌulew.

Kaqchikel Santa Maria de Jesus

¹⁷ Y xa ixreꞌ ja ri Katataꞌ Dios ri ntivayuoj chi nquixrutoꞌ, ri man nutzꞌat ta cheꞌl titzuꞌn jun vinak chi nuꞌon juzgar, can tixiꞌij cꞌa iviꞌ ntiꞌan pecado choch, nojiel kꞌij ri xquixcꞌujie-el choch ri ulief. Ruma xa otz ri ibꞌanun, o man otz ta ri ibꞌanun, ja rucꞌaxiel xtuyaꞌ chiva.

Kaqchikel Central Guatemala

¹⁷ Y ri Dios man nutzu' ta na janipe' titzu'un jun vinek richin queri' nuk'et tzij pa ruvi'. Roma vi utz rubanobal jun, rija' nuya' jun utzilej rajel-ruq'uexel chire. Y vi jun xa man utz ta ri rubanobal, rija' nuya' jun itzel ruq'uexel chire. Roma c'a ri', tok c'a ixc'o na chuvech re ruvach'ulef, tixibila' c'a ivi', richin queri' man quixmacun. Roma ri Dios ri nibij Katata' chire, jun chojmilej K'atoy-Tzij.

Re C'ac'a Testamento pa Kach'abal

¹⁷ Y re Dios man nutz'at-ta nabey andex titzu'un jun vinak chin quire' nuban juzgar. Roma vo xa otz rubanabal, reja' manak castigo xtuya' cha. Y vo xa jun re xa man otz-ta rubanabal, reja' can xtuya' re castigo cha. Mare', re c'a yixc'o chach re ruch'ulef, tixibila-ivi', chin quire' man quixmacun. Roma re Dios re nibij Karta' cha, reja' can rutaman re ninojij pa tak ivánma.

Kaqchikel Western Solola

¹⁷ Y wi riyix ya ri Dios Tata'ixel ri nisiq'uij (niwoyoj) riche (rixin) chi yixruto', can tixibij c'a iwi' yixmacun chuwech Riya' ronojel k'ij re xquixc'oje' el chuwech re ruwach'ulef, ruma Riya' ma ya ta ri achique rubanic ri winek ri nutzu' riche (rixin) chi nuk'et tzij pa ruwi'. Ruma wi utz yequibanala' ri winek, utz ruq'uexel nuya' chique, wi ma utz ta yequibanala', ma utz ta ruq'uexel nuya' chique.

1 Pedro 1:17 ပူးပေါင်းရင်းမြစ်များ

2 Crón 19:7

Tik'oje' rukiy ri Jehová ri qa-Dios chiwech y titz'eta' jebel ri ye'iben, roma rija' man utz ta nutz'et ri man pa ruchojmilal ta ye'iben, chuqa' chi man junan ta niben kik'in ri winaqi' y toq yepuaqix ri q'atoy taq tzij.

San Mateo 6:9

Roma ri' toq rix yixch'on rik'in ri Dios kere' k'a tibij: Qatata' Dios ri atk'o chila' chikaj, kan jantape' ta k'a xtinimirisex ri loq'olej abi' rat.

Filipenses 2:12

Roma ri', rix ri yalan yixinwajo', ninbij k'a chiwe chi jantape' tinimaj tzij, achi'el ibanon-pe toq xik'oje' iwik'in. Kan keri' chuqa' tibana' wakami, stape' man ink'o ta iwik'in. Rik'in qasanri'il, titija' iq'ij richin nisamajij ri ik'aslen rik'in ri Dios k'a toq xtitz'aqatisaj na.

2 Corintios 7:1

Keri' wach'alal ri yalan yixinwajo', roma ri rusujun kan ri Dios chiqe, kan tiqach'ajch'ojirisaj-qi' chire ronojel ri xa man ch'ajch'oj ta, richin chi ri qach'akul y ri qánima kan ch'ajch'oj ta chuwech ri Dios. Y rik'in ri rukiy ri Dios tiqatija' qaq'ij chi jantape' oj ch'ajch'oj chuwech rija'.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Gálatas 2:6

Y ri qach'alal ri k'o kiq'ij man jun chik k'a xkibij-pe chuwe. Y yin, man ja ta k'a wi k'o kiq'ij o maneq kiq'ij ri xintzu', roma ri Dios man ja ta ri nitzu'un ri wineq ri nutzu'.

Romanos 11:20

Jak'a rije' roma ri man xkinimaj ta ri Dios, roma ri' toq xe'elesex-el. Y rix xaxe roma ikuquban ik'u'x rik'in ri Dios toq ixk'o kan pa kik'exel. Roma ri' man ruk'amon ta chi ninimirisaj-iwi'. Xa tixibij-iwi'.

San Mateo 22:16

Jari' k'a toq rije' xekiteq ri kitijoxela' e kachibilan-el e ka'i-oxi' ruwinaq ri rey Herodes. Xekiteq k'a el rik'in ri Jesús; y rije' xbekibij k'a chire: Rat ri at jun tijonel, roj kan qetaman k'a chi xaxe ri kan qitzij ri niqa' chawech. Kan nak'ut-wi ri ruch'abel ri Dios pa rubeyal. Y man naxibij ta awi' chuwech jun wineq, stape' kan janila ta ruq'ij.

Wuj Richin ri Jeremías 3:19

Xinben chiwe richin xixok achi'el walk'ual y xinya' jun ruwach'ulew chiwe ri kan janila rayixel, ri kan janila jebel ok chuwech chijun ruwach'ulew. Y yin xinch'ob chi rix nibij nata' chuwe y man jun bey chik xtijech'ej kan iwi' wik'in.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

Hebreos 4:1

Roma ri' tiqachajij-qi', man xa tiqaben achi'el xkiben ri winaqi' ri' y xa man yojok ta chupan ri uxlanen ri rubin ri Dios ri k'a nusuj na chiqe.

Colosenses 3:25

Jak'a ri yebanon etzelal, xtikik'ul rutojbalil roma ri etzelal nikiben. Roma ri Dios man nutzu' ta ri wineq wi k'o ruq'ij o maneq.

Efesios 6:9

Y keri' chuqa' rix ajaw; ja ri utz ri tibana' kik'in ri isamajela'. Y man jun itzel tibila' o tibanala' chike richin tikixibij-ki'. Rije' kan k'o kajaw ri chila' chikaj. Man timestaj k'a chi rix chuqa' k'o jun iwajaw. Y rija' kan junan nuben chiqe qonojel.

Efesios 3:14

Roma ri' yin yixuke' richin yich'on rik'in ri Tata'ixel.

Wuj Richin Etamabel-Tzij 28:14

Kan jebel k'a ruwa-ruq'ij ri wineq, ri kan jantape' k'o rukiy ri Dios chuwech; jak'a ri kan rukowirisan ránima chuwech ri Dios, xa xtitzaq pa mak.

Wuj Richin ri Achin Job 34:19

Chuwech rija' qonojel oj junan, man xaxe ta kik'in ri achi'a' e tata'al k'o-wi, chuqa' man xaxe ta ri beyoma' ri yeruto', xa kan yeruto' chuqa' ri man jun k'o kik'in, roma kan qonojel roj winaqi' kan ja ri ruq'a' rija' ri banayon qichin.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

2 Corintios 5:6

Roma ri' roj kan kuqul qak'u'x jantape', roma qetaman chi re k'a ojk'o na chupan re ch'akulaj re', man jani ojk'o ta chupan ri k'ak'a' qachoch rik'in ri ajaw Jesús.

2 Corintios 1:2

Ja ta k'a ri utzil y ri uxlanen ri peteneq rik'in ri qatata' Dios y ri ajaw Jesucristo xtik'oje' pa taq iwánima chi'iwonojel.

Wuj Richin ri Sofonías 3:9

K'ari' xtinben chike ri tzobaj winaqi' richin ch'aqa' chik ruwach'ulew chi xkech'on wik'in yin, Jehová, y xaxe wik'in yin xkech'on-wi; y konojel xtikinimaj nutzij.

Wuj Richin Etamabel-Tzij 14:16

Ri wineq ri k'o na'oj rik'in, kan nuxibij-ri' chuwech ri Dios y man nutzeqelibej ta ri itzel bey; jak'a ri xa maneq runa'oj xa choj beneq y nim nuna-ri'.

Wuj Richin Bix Chire ri Dios 39:12

Jehová, tabana' utzil tawak'axaj ri nuch'abel, tawak'axaj ri nuch'owen richin to'onik. Man kak'oje-qa chaq keri' chire ri woq'ej. Chawech rat, yin xa in q'axel, yin xa man in aj wawe' ta achi'el xeq'ax-el ri wati't-numama'.

1 Crón 29:15

Chawech rat xa oj q'axel achi'el ri qati't-qamama', y ri qak'aslen achi'el muj ri niq'ax chuwech re ruwach'ulew.

Deut 10:17

Roma ri Jehová ri qa-Dios kan ja rija' ri Dios pa kiwi' konojel ri dios ri ek'o, y kan ja rija' ri Ajaw pa kiwi' konojel ajaw ri ek'o. Rija' kan Dios nim rejqalen ri k'o ronojel uchuq'a' pa ruq'a' y kan ruk'amon yojbaybot chuwech. Rija' man nuben ta rukojol kik'in ri winaqi', ni man yojtikir ta niqapuaqij.

Wuj Richin ri Rutikeribel 47:9

Y ri Jacob xubij chire: K'o yan 130 nujuna', y chupan ronojel juna' ri' chaq juba-kela' juba-kela' nubanon pa ruwi' re ruwach'ulew. Janila ti juba' ok nujuna', jak'a kan janila ruk'ayewal ri nuq'axalon-pe pa nuk'aslen y k'a man jani ninq'i' ta ri juna' ri xek'ase-el ri wati't-numama', xcha'.

2 Corintios 7:11

Xaxe tich'obo' rij ri xuben pa taq ik'aslen ri bis ri xuya' ri Dios chiwe. Kan xuben chiwe chi xichojmirisaj ronojel. Kan man xqa' ta k'a chiwech ri rubanon ri jun, chi qajineq pa mak. Kan xixibij-iwi' roma xich'ob chi rik'in juba' ek'o ch'aqa' chik ri xkebanon keri'. Roma ri' rix kan xiwajo' chi yin ink'o ta apo iwik'in, y kan xiya' chiwech chi niya' ri rutojbalil-mak pa ruwi' ri xmakun. Ronojel k'a re' pa ruch'ajch'ojil xiben chire.

Wuj Richin Bix Chire ri Dios 89:26

Rija' kan xtubij k'a chuwe chi yin in rutata', chi yin in ru-Dios, in rutobal y chuqa' in rukolonel.

San Mateo 16:27

Yin, ri xiqaqa-pe achi'el wineq chi'ikojol, kan xkipe chik k'a jun bey, y junan chik k'a nuq'ij-nuk'ojlen rik'in ri Tata'ixel y e wachibilan-pe ri nu-ángel. Y jari' toq xtinya' ruk'exel chike konojel winaqi' achi'el ri kibanobal.