1 Pedro 1:13 - Kaqchiquel Bible

¹³ Roma ri', rix tinaba-iwi', y tichajij jebel ri ik'aslen. Kan rik'in k'a ronojel iwánima tiwoyobej ri utzil ri xtijach chiwe toq xtok'ulun-qa ri Jesucristo.

နောက်ထပ်ဗားရှင်းများ

Kaqchikel Santo Domingo (Xenacoj)

¹³ Roma kꞌa riꞌ, utz rukusaxik tibꞌanaꞌ ri inojibꞌal, y kin pa iwuxnaqil tibꞌanaꞌ nojel. Nojel iwánima tiwoyobꞌej ri favor rusujun ri Dios chin nduyaꞌ chiwa chupan ri qꞌij atoq nduruqꞌalajrisaj chik riꞌ ri Jesucristo.

Kaqchikel Santa Maria de Jesus

¹³ Rumareꞌ ixreꞌ, tibꞌanaꞌ pensar otz ri chica ntiꞌan y ticusaj ri inoꞌj chi ntiꞌan cuenta-iviꞌ. Y riqꞌuin nojiel ivánima jeꞌ tivoyoꞌiej ri favor ri xtuyaꞌ ri Dios chiva antok xtipa chic ri Jesucristo.

Kaqchikel Central Guatemala

¹³ Roma c'a ri' rix, tina' jebel ri achique ri niben y riq'uin ta etamabel nichajij jebel ri ic'aslen. Y can riq'uin c'a chuka' ronojel ivánima tivoyobej ri utzil ri xtijach chive tok xtoc'ulun-ka ri Jesucristo.

Re C'ac'a Testamento pa Kach'abal

¹³ Mare' yex tina' y tinojij otz re andex niban. Y can riq'uin chuka' ronojel ivánma tiyabej re utzil re xtijach chiva tak xte'c'ulum-pa re Jesucristo.

Kaqchikel Western Solola

¹³ Rumac'ari' riyix, can ticusaj ri etamabel ri c'o iwuq'ui riche (rixin) chi nich'ob jabel ri achique niben riche (rixin) chi nichajij jabel ri ic'aslen. Y can riq'ui c'a chuka' ronojel iwánima tiwoyobej ri utzil ri xtic'amer pe chiwe tek xtipe chic ri Jesucristo.

1 Pedro 1:13 ပူးပေါင်းရင်းမြစ်များ

1 Rey 18:46

Y ri Jehová xuya-el ruchuq'a' ri Elías y xuchojmirisaj-el-ri' richin xanin-el, y xapon nabey chuwech ri Acab pa Jezreel.

2 Rey 4:29

Ri Eliseo xq'ax k'a chuwech ri nrajo' nubij ri ixoq, y roma ri' xubij chire ri Guehazí: Tajitz'a-el ri apan, tak'uaj-el ri nuch'ame'y, y kabiyin junanin. Y wi k'o jun xtak'ul, man taq'ejela' kan; wi k'o jun xkaq'ejelon, man kapa'e-qa rik'in richin naq'ejela' kan. Y toq xkatapon pa rachoch ri ixoq, xtaya' ri nuch'ame'y pa ruwi' ri rupalej ri ak'ual, xcha'.

Wuj Richin ri Achin Job 38:3

Wakami k'a, kan at achin kapa'e-pe chinuwech; roma yin k'o ri xtink'utula' chawe y rat kan xtaq'alajirisaj chinuwech ri ninwajo' ninwetamaj.

Wuj Richin ri Achin Job 40:7

Wakami k'a, rat Job, kan tak'utu' k'a chi at achin, man taxibij-awi', roma yin kan k'o k'a xtink'utuj chawe y rat xtak'uluba-pe ri nuch'abel.

Ex 12:11

Kere' k'a ibanik toq xkixwa': Kan jebel tibatz'a' ri ipan, tixima' ri ixajab chi'iwaqen, y ri ich'ame'y tichapa' pan iq'a'. Y kan xtitej k'a anineq ri k'o chi nitej. Jari' ri nimaq'ij richin ninataj ri Solbelri'il.

Wuj Richin ri Isaías 11:5

Roma ronojel xtuben pa ruchojmilal, man jun bey xtitzaq pa jun pajk'ibel; y roma kan jantape' xtuben ri nubij, xtitikir xtuk'achojirisaj ri rusamaj.

Wuj Richin ri Jeremías 1:17

Wakami k'a tachojmirisaj-el awi' y kabiyin y tabebij chike ronojel ri xinbij chawe. Kan kow k'a kapa'e' y man taxibij-awi', roma wi man kow ta xkapa'e' y xtaxibij-awi', xtinben chawe chi xkatzaq chikiwech rije'.

San Mateo 20:4

Rija' xapon kik'in y xubij chike chi kebesamej chuqa' rije' pa rulew ri rutikon uva chuwech, y rija' xtuya' k'a chike ri ruk'amon chi nikich'ek. Y ri samajela' ri' kan xebe k'a.

San Lucas 12:35

Tinaba' iwi' y jantape' tik'at ri i-candil,

San Lucas 17:30

Keri' chuqa' ri q'ij toq yin ri xiqaqa-pe achi'el wineq chi'ikojol xkinok'ulun chik qa re chuwach'ulew.

San Lucas 17:8

Pa ruk'exel ri' nibij chire: Tachojmirisaj ri xtintej re wakami tiqaq'ij, y tachojmirisaj chuqa' awi' rat richin keri' yinawilij-pe re yiwa' y yinuk'ya', y kan k'a toq yikolaj na yin, k'ari' kawa' y katuk'ya' rat, yacha'.

Romanos 13:13

Roj ojk'o chik chupan ri saqil y roma ri' k'o chi niqak'uaj jun k'aslen utz. Man ruk'amon ta chi yojq'aber, ni yojbe pa taq nima-wa'in akuchi ri winaqi' man nikiq'et ta ki'. Man ruk'amon ta chi ri achi'a' y ri ixoqi' nikikanola-ki' richin yemakun; man jun k'a ruwech etzelal re kere' tiqaben. Man tik'oje' oyowal ni ri ch'upun-k'u'x chiqakojol.

Romanos 8:19

Y re ruwach'ulew y ri ch'aqa' chik ri e rubanon ri Dios, kan koyoben ri q'ij toq rija' nubij achike ri' ri e ralk'ual rija'.

1 Corintios 1:7

Xujikiba' chi'ikojol rix richin chi ronojel ri sipanik ri nuya' k'o ta chik iwik'in, rokik iwoyoben-apo ri q'ij toq ri qajaw Jesucristo xtipe chik jun bey.

1 Corintios 13:13

Jak'a re wakami k'o ri kuqubabel-k'u'x, ri oyobenri'il y ri ajowabel. Jak'a chike chi e oxi' re', ja ri ajowabel ri más nim rejqalen.

Efesios 6:14

Roma ri', kow k'a kixpa'e'.*f7* Tikusaj ri qitzijri'il richin nito-iwi', achi'el nikusaj ri ximibel ipan. Tikusaj ri ruchojmilal achi'el nikusaj ri tobel ruwa-ik'u'x.

Colosenses 3:4

Xaxe ri Cristo niya'on ri ik'aslen, y toq xtipe chik jun bey, jari' xkixq'alajin rik'in, y junan xkixbek'oje' rik'in rija' ri chila' chikaj rik'in ruq'ij-ruk'ojlen.

2 Tesalonicenses 1:7

Y xtuya' uxlanen chiwe rix ri itijon-pe poqon, y chuqa' chiqe roj. Re' xtibanatej ri q'ij toq xtok'ulun chila' chikaj ri ajaw Jesús e rachibilan-pe ri ángel ri k'o janila uchuq'a' kik'in,

2 Timoteo 4:5

Jak'a rat tach'obo' jebel ronojel ri naben. Takoch'o' ri tijoj-poqonal ri nipe chawij. Man katane' chutzijoxik ri utzilej ch'abel richin kolotajik. Tabana' ronojel ri samaj ri ya'on chawe roma ri Dios.

2 Timoteo 4:8

Wakami xaxe chik k'a woyoben jun sipanik ri xtink'ul roma nuk'uan jun utzilej k'aslen. Y ri' kan ja ri Dios ri utzilej q'atoy-tzij ri xtiya'on chuwe chupan ri q'ij toq xtipe chik jun bey. Y man xaxe ta chuwe yin xtuya-wi ri sipanik ri', xa kan xtuya' chuqa' chike konojel ri kan rik'in ronojel kánima koyoben ri q'ij toq xtipe chik jun bey rija'.

Hebreos 10:35

Roma ri' kan utz chi ikuquban ik'u'x rik'in ri Dios. Man k'a tiya' kan. Roma kan nuk'en-wi-pe jun nimalej rajel-ruk'exel chiwe.

Hebreos 3:6

Jak'a ri Cristo man choj ta samajel richin ri Dios, achi'el ri Moisés. Rija' kan Ruk'ajol-wi ri Dios. Y man xqojrumalij ta kan roj ri oj ruwinaq chik ri Dios, wi niqakuquba-apo qak'u'x rik'in, y rik'in kikoten niqoyobej-apo ri q'ij toq xtibeqila' ronojel ri utzil.

Hebreos 6:19

Ri kuqubabel-k'u'x ri' rubanon chiqe chi achi'el xa ta oj yuqul rik'in ri Dios rik'in jun kolo' ri janila ruchuq'a'. Ri qoyoben-apo ja ri Jesús ri xuq'axaj yan ri tasbel rupan ri rachoch ri Dios ri k'o chila' chikaj.

Hebreos 9:28

keri' chuqa' ri Cristo, xaxe jun bey k'o chi xken richin xrejqalej ri qamak qonojel. Y xtapon k'a ri q'ij toq rija' xtipe chik jun bey, jak'a man roma ta chik ri qamak, xa kan richin yojrukol-el roj, ri qoyoben-apo rija'.

1 Pedro 1:10

Ri e q'alajirisey ruch'abel ri Dios ojer kan, k'o xkitz'ibaj pa ruwi' ri kolotajik ri' ri xtusipaj ri Dios chiwe rix y kan xkitej kiq'ij chi xketamaj más pa ruwi' ri'.

1 Pedro 3:15

Pa ruk'exel ri' kan tiya' ruq'ij ri Cristo ri iwajaw pa taq iwánima. Y wi k'o ta jun ri nuk'utuj chiwe ri achike roma iwoyoben ri rutzil rija', kan jantape' k'a tiq'alajirisaj chuwech rik'in ch'uch'ujil y ajowabel.

1 Pedro 4:7

Y kan chi'anin k'a chuqa' xtapon ri ruk'isibel taq q'ij. Roma ri' rix kan tina' k'a jebel ri achike ye'ibanala' y jantape' kixch'on rik'in ri Dios.

1 Pedro 5:12

Yin xink'utuj utzil chire ri qach'alal Silvano, ri kan rik'in ronojel ránima nuben ri rusamaj ri Dios chi tutz'ibaj re jun wuj re', roma ninwajo' ninbij-el chiwe chi ri rutzil ri Dios ri achoq ik'in ikuquban-wi ik'u'x, kan qitzij wi. Y roma ri' man jun bey tiya' kan.

1 Pedro 5:8

Kan tina' k'a jebel ri achike niben y jantape' kixk'ase', roma ri Itzel-Wineq, kan nisutiyaj-pe chiwij richin yixruk'is, achi'el nuben jun koj toq nukanoj ruway.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.