1 Pedro 1:10 - Kaqchiquel Bible

¹⁰ Ri e q'alajirisey ruch'abel ri Dios ojer kan, k'o xkitz'ibaj pa ruwi' ri kolotajik ri' ri xtusipaj ri Dios chiwe rix y kan xkitej kiq'ij chi xketamaj más pa ruwi' ri'.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁰ Ojer kan, ri profetas xkitij kiqꞌij chi xkajoꞌ ta xketamaj más pa ruwiꞌ ri kolotajik ri yoꞌon chiwa rix wokami roma ru-favor ri Dios, favor ri achoq pa ruwiꞌ xechꞌaꞌa kan jubꞌaꞌ.

Kaqchikel Santa Maria de Jesus

¹⁰ Ri profetas ri xaꞌcꞌujieꞌ ojier can tiempo, can cꞌo xquiꞌej can chirij ri favor ri xtuyaꞌ ri Dios chiva ixreꞌ ri ixcꞌo chupan ri tiempo vacame. Ijejeꞌ xquitej quikꞌij chi xcajoꞌ ta xquinaꞌiej más chirij ri salvación (colotajic) ri nakatzijuoj ojreꞌ vacame.

Kaqchikel Central Guatemala

¹⁰ Ri achi'a' c'a ri e k'alajirisey richin ri ruch'abel ri Dios ojer can, janíla xcajo' chi xquetamaj ta más chirij ri colotajic. Y can xquitej c'a quik'ij chiretamaxic. Y ja rije' ri xebin can chirij ri rutzil ri xtuya' ri Dios chike roj ri ojc'o chupan re tiempo re'.

Re C'ac'a Testamento pa Kach'abal

¹⁰ Re rusamajela' re Dios re xe'c'ue' ajuer can, re xbex profetas chique, camas xquijo' che xquitamaj-ta más chij re andex nuban re Dios che re vinak ye'colotaj chach re quimac. Y can xquitaj quik'ij chin niquitamaj. Y ja reje' re xe'bin can chij re utzil re nuban re Dios kaq'uin y xtuya' chaka yoj re yojc'o chupan re tiempo re'.

Kaqchikel Western Solola

¹⁰ Ri profetas ri xek'alajsan ri ruch'abel ri Dios ojer ca, can c'o xquibij ca chrij ri utzil ri xtuya' ri Dios chiwe riyix ri yixc'o chupan re tiempo re'. Riye' can xquitij quik'ij chi xcajo' chi xquetamaj ta más chrij ri colotajic re nikatzijoj wacami.

1 Pedro 1:10 ပူးပေါင်းရင်းမြစ်များ

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin Etamabel-Tzij 2:4

wi kan janila nirayij re', achi'el nirayij ruwech ri saqipueq, y kan janila nikanoj achi'el nikanox jun beyomel ri ewan kan,

Dn 2:44

Chupan k'a ri q'ij toq ri winaqi' richin chijun ruwach'ulew k'o chik ri q'atbel tzij kik'in, jari' k'a toq ri Dios xtoruya-qa jun q'atbel-tzij ri kan richin rija' ri man jun xtiwulan richin. Ri q'atbel-tzij ri' kan man xtiya'ox ta k'a pa kiq'a' ri winaqi'. Kan xkeruk'is k'a ronojel ri q'atbel taq tzij ri ek'o chuwech ri ruwach'ulew, y ja ri q'atbel-tzij richin rija' ri xtik'oje' jantape'.

Dn 9:3

Yin kan xich'on k'a rik'in ri Dios ri wajaw richin chi xink'utuj utzil chire pa kiwi' ri nuwinaq. Ximewayin k'a, xinkusaj k'a qirix taq tzieq y xitz'uye' pa chaj richin chi rija' xirak'axaj.

Wuj Richin ri Hageo 2:7

Rija' xtuben chike konojel winaqi' chi xkebaybot. Jari' k'a toq rije' xtikik'en-pe ronojel ri kibeyomel re wawe', roma richin rija' ronojel ri saqipueq y ri q'anapueq. Y ri ruk'ojlen ri Dios xtunojisaj ri k'ak'a' rachoch. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Zacarías 6:12

Xkach'on k'a rik'in y xtaya' re jun rutzijol re' chire, yin Jehová k'iytisanel richin ronojel ri yibin: Re wawe' k'o jun ri rubini'an Ri Xjotayin-pe, roma xa xtik'iy-pe achi'el nuben ri ruq'a-che', richin ja rija' xtichojmirisan chik q'anej ri wachoch.

San Mateo 13:17

Roma kan qitzij wi ninbij chiwe chi e k'iy k'a chike ri winaqi' ri kan choj ri kik'aslen y ri xeq'alajirisan ri ruch'abel ri Dios, ri janila xkajo' ta xkitz'et ri nitz'et rix wakami, jak'a xa man xkitz'et ta el. Kan janila chuqa' xkajo' xkak'axaj ta ri niwak'axaj rix wakami, jak'a xa man xkak'axaj ta el chuqa', xcha'.

San Mateo 26:24

Kan qitzij wi chi yin, ri xiqaqa-pe achi'el wineq chi'ikojol, kan xkibe-wi k'a pa kamik. Kan xtibanatej achi'el ri tz'ibatel kan. Jak'a toq'ex k'a ruwech ri xtijacho-el wichin yin; utz ta chi man ta xalex, xcha' ri Jesús.

San Lucas 10:24

Kan ninbij k'a chiwe, chi e k'iy q'alajirisey ruch'abel ri Dios y ri e rey ri xek'oje' ojer kan, janila xkajo' chi xkitz'et ta ri nitz'et rix wakami, y man xkitz'et ta. Xkajo' ta xkak'axaj ri niwak'axaj rix re wakami, y man xkak'axaj ta, xcha'.

San Lucas 24:44

Y xubij k'a chike: Pa nabey mul, xinbij k'a chiwe chi jare' ri k'o chi nink'uluwachij, y chi kan nik'atzin na wi chi nibanatej ronojel ri e tz'ibatel kan chuwij yin chupan ri ruch'abel ri Dios, achi'el ri e tz'ibatel kan roma ri Moisés, ri xeq'alajirisan ruch'abel ri Dios ri ojer kan, y ri e tz'ibatel kan chupan ri wuj richin bix, xcha'.

San Juan 5:39

Rix kan nisik'ij k'a jebel rupan ri ruch'abel ri Dios ri tz'ibatel kan, roma kan nich'ob chi chupan ri' niwil-wi k'aslen ri man k'isel ta. Y chupan ri ruch'abel ri Dios kan ja yin ri yiruq'alajirisaj.

San Juan 7:52

Rije' xkibij k'a chire ri Nicodemo: ¿Rat chuqa' xa at aj-Galilea? Tanik'oj na pe jebel ri ruch'abel ri Dios ri tz'ibatel kan. Chiri' man jun bey nunataj chi ri pa Galilea nik'ulun ta pe jun q'alajirisey ruch'abel ri Dios, xecha'.

Hechos 10:43

Kan ojer k'a ri bitajineq kan koma ri xeq'alajirisan ri ruch'abel ri Dios, chi qonojel k'a ri xqakuquba' qak'u'x rik'in ri Jesucristo, xtikuyutej qamak pa rubi' rija', xcha'.

Hechos 17:11

Ri judío ri' más k'a e aj-na'oj ke chikiwech ri judío ri ek'o pa Tesalónica, roma rije' kan choj xkik'ul ri ruch'abel ri Dios. Ri janipe' nikak'axaj-el kik'in ri Pablo y ri Silas, nibekikanola' chupan ri ruch'abel ri Dios, richin niketamaj, wi qitzij ri nikibij o xa man qitzij ta. Ri winaqi' ri' kan q'ij-q'ij k'a keri' nikiben.

Hechos 28:23

Xkicha' k'a kan jun q'ij richin keri' nikimol-ki', y ri Pablo xtubij k'a ri achike nikajo' niketamaj. Y toq xapon k'a ri q'ij, janila k'a winaqi' ri xbekimolo-ki' rik'in ri Pablo, y rija' xuchop k'a nutzijoj y nuq'alajirisaj chirij toq ri winaqi' ye'ok pa rajawaren ri Dios. Xch'on kik'in toq xel-pe ri q'ij k'a toq xtzaq na qa, roma rija' xrajo' k'a chi xq'ax ta chikiwech chi ri Jesús jari' ri Cristo, ri tz'ibatel kan roma ri Moisés y koma ri q'alajirisey ruch'abel ri Dios.

Hechos 7:52

¿K'o ta kami jun chike ri q'alajirisey ruch'abel ri Dios ojer kan, ri man ta xutej poqon pa kiq'a' ri iwati't-imama'? Man jun. Rije' xekikamisaj k'a ri xebin chi nipe ri jun samajel ri kan choj. Toq kan xoqaqa k'a ri samajel ri', ja chik k'a rix ri xixjacho pa kiq'a' ri q'atoy-tzij, y rix xixkamisan richin.

Hebreos 11:13

Konojel k'a rije' xkikuquba-el kik'u'x rik'in ri Dios y keri' xeken-el. Y stape' man xkik'ul ta el ri rusujun ri Dios chike, jak'a roma ri kikuqubabel-k'u'x k'anej xkitzu-wi-apo y xekikot rik'in; rije' kan xkiq'alajirisaj k'a chi xa e q'axel chuwech re ruwach'ulew.

Hebreos 11:40

Roma ri Dios ruch'obon chi nuya' ri utzil ri más utz, chupan re qaq'ijul roj. Y keri' junan xtiqak'ul ri utzil ri' kik'in rije' ri kan xkikuquba' kik'u'x rik'in ri Dios.

1 Pedro 1:11

Janila k'a xkajo' xketamaj janipe' nibek'uluwachitej, y achike rubanik, roma ri Espíritu richin ri Cristo ri k'o pa taq kánima xch'on pa ruwi' ri tijoj-poqonal ri xtuk'owisaj ri Cristo y ri meyel taq banobel ri xkebebanatej chirij ri'.

1 Pedro 1:13

Roma ri', rix tinaba-iwi', y tichajij jebel ri ik'aslen. Kan rik'in k'a ronojel iwánima tiwoyobej ri utzil ri xtijach chiwe toq xtok'ulun-qa ri Jesucristo.