1 Juan 5:18 - Kaqchiquel Bible

¹⁸ Y qetaman chi roj, ri oj ralk'ual chik ri Dios, qaya'on chik kan rubanik ri mak, roma ri Ruk'ajol ri Dios yojruchajij. Y rik'in ri' ri Itzel-Wineq maneq chik ruq'a' chiqe.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Qetaman chi konojel ri kikꞌuan chik ri kꞌaslen nduyaꞌ ri Dios, ma ndikibꞌen chi ta mak, porque ri Rukꞌajol ri Dios ndichajin kichin, y ri itzel maneq ruqꞌaꞌ chake.

Kaqchikel Santa Maria de Jesus

¹⁸ Y ojreꞌ kataꞌn chi chica-na ri alaxnak chic jun bꞌay, man nuꞌon ta chic ri pecado, ruma ri Rucꞌajuol ri Dios can nuchajij, y ri itziel man nutzꞌom ta.

Kaqchikel Central Guatemala

¹⁸ Y ketaman chi roj, ri oj ralc'ual chic ri Dios roma kac'uan ri c'ac'a' alaxic, kayo'on chic can rubanic ri mac. Roma ri Ruc'ajol ri Dios yojruchajij. Y riq'uin ri' man yojruchop ta ri itzel-vinek.

Re C'ac'a Testamento pa Kach'abal

¹⁸ Y kataman che yoj, re yoj rajc'ual chic re Dios kayi'on chic can rubanic re mac. Roma re Ruc'ajol re Dios yojruchajij. Y riq'uin re' man yojrunak-ta re itzel.

Kaqchikel Western Solola

¹⁸ Y riyoj ketaman chi xabachique winek ri ruc'uan ri c'ac'ac' alaxic riq'ui ri Dios, ruya'on chic ca rubanic ri mac. Ruma ri Ralc'ual ri Dios can nuchajij wi ri winek ri'. Y ri itzel winek majun nicowin nuben chare.

1 Juan 5:18 ပူးပေါင်းရင်းမြစ်များ

Wuj Richin Bix Chire ri Dios 119:101

Kan xinchajij k'a wi' chuwech ronojel itzelej taq bey, richin chi xintaqej ri ach'abel.

Wuj Richin Bix Chire ri Dios 119:3

Kan man jun etzelal nikiben, roma kan yebiyin chupan ri bey ri niqa' chuwech ri Dios.

Wuj Richin Bix Chire ri Dios 17:4

Yin man xtinben ta achi'el ri nikiben ri ch'aqa' chik winaqi', ri nubanobal kan achi'el k'a ri nubij ri ach'abel, kan nuch'aron k'a wi' chire ri kibey ri e banoy taq etzelal.

Wuj Richin Bix Chire ri Dios 18:23

Yin kan choj k'a in biyineq chuwech rija', y kan nuch'aron k'a wi' rik'in ronojel ruwech etzelal.

Wuj Richin Bix Chire ri Dios 39:1

Yin kan nubin k'a chi xtinchajij ri nubanobal, y man xkimakun ta rik'in ri waq'. Xinch'ob chi xtinq'et ri nuch'abel, rokik ri e banoy etzelal ek'o pe naqaj chuwe.

Wuj Richin Etamabel-Tzij 4:23

Roma ri' rat kan jebel k'a tachajij-awi' chike ri ch'obonik ri yepe pan awánima, roma ja ri pan awánima nipe-wi ri rubanikil ri ak'aslen.

Wuj Richin ri Chojmirisabelri'il 11:37

Wi xa ta nitzaq jun chikop kamineq chirij ri ija'tz ri nibetik yan, ri ija'tz ri' kan k'a ch'ajch'oj na.

San Mateo 5:37

Ronojel k'a ri ich'owen kan xaxe k'a ri qitzij; wi ja' kan jari' k'a, y wi ni kan ni k'ari'. Roma wi xa xtiben jun ya'on-tzij xa kan niq'alajin chi k'o itzel pan iwánima.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

San Juan 1:13

Re', man nel ta chi tzij chi xe'alex chik rik'in ri kite'. Chuqa' man roma ta rurayibel ri wineq. Jak'a kan xe'ok ralk'ual ri Dios roma keri' ri rurayibel rija'.

San Juan 14:30

Y re wakami xa man k'iy ta chik ch'abel re xtinbij kan chiwe, roma ri Itzel-Wineq ri chapayon re ruwach'ulew noqaqa yan. Jak'a rija' man jun ruq'a' chuwe yin.

San Juan 15:4

Roma ri ruq'a' ri uva man niwachin ta wi nuch'er ri' rik'in ri juwi'. Kan keri' chuqa' rix, kan nik'atzin chi jantape' itunun-iwi' wik'in richin yixwachin chuqa' rix. Roma ri' kan jantape' k'a titunu-pe-iwi' wik'in, achi'el yin kan jantape' nutunun-wi' iwik'in.

San Juan 15:7

Jak'a wi rix kan itunun-iwi' wik'in, y wi nik'oje' ta ri nuch'abel iwik'in rix, kan tik'utuj k'a chire ri Dios achike ri nurayij ri iwánima, y kan keri' xtibanatej.

San Juan 15:9

Kan achi'el k'a wajowaxik nuben ri nata' chuwe yin, kan keri' chuqa' iwajowaxik ninben yin chiwe. Kan jantape' k'a kixk'ase' rik'in re ajowabel re'.

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.

Santiago 1:27

Roma ri kan qitzij nuya' ruq'ij ri Dios, yerutola' ri malkani' taq ixoqi' y ri ak'uala' ri e maneq chik kite-kitata', y chuqa' man nunim ta chik ri' chupan ri etzelal richin re ruwach'ulew.

1 Pedro 1:23

Rix xixalex chik jun bey jak'a man rik'in ta ri xa kamel, xa kan rik'in ri man kamel ta y re' roma ri ruch'abel ri Dios ri kan k'es y man niken ta.

1 Juan 2:29

Rix iwetaman chi ri Jesucristo kan choj wi, roma ri' k'atzinel niwetamaj chi xabachike wineq ri ruk'uan jun k'aslen choj, kan ralk'ual chik ri Dios.

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.

1 Juan 3:3

Y ri kan kuqul ruk'u'x rik'in, ruchapon ruch'ajch'ojirisaxik ri ruk'aslen, achi'el ri Jesucristo ri kan ch'ajch'oj-wi.

1 Juan 3:9

Roj ri oj ralk'ual chik ri Dios, qaya'on chik k'a kan rubanik ri mak, roma ri Dios xuya' ri ruk'aslen chiqe y xujel ri qach'obonik. Y roma ri k'aslen ri k'o qik'in roj kan rik'in ri Dios peteneq-wi, nuben k'a chiqe chi man chik yeqabanala' ta ri mak.

1 Juan 4:6

Jak'a roj oj richin chik ri Dios, y ri kan retaman chik ruwech ri Dios kan yojrak'axaj-wi. Jak'a ri man retaman ta ruwech ri Dios man yojrak'axaj ta y rik'in ri' niq'alajin ri k'o ri qitzij rik'in y ri maneq ri qitzij rik'in.

1 Juan 5:1

Xabachike wineq ri nunimaj chi ri Jesús jari' ri Cristo, kan ralk'ual chik ri Dios. Y toq k'o jun tata'aj ri yalan niqajo', kan yeqajo' k'a chuqa' ri e ralk'ual rija'.

1 Juan 5:15

Y roma qetaman chi ri Dios nrak'axaj ri k'utunik ri niqaben chire, qetaman chuqa' chi nuya-pe ri niqak'utuj chire.

1 Juan 5:19

Qetaman chuqa' chi oj richin chik ri Dios. Jak'a ri ch'aqa' chik winaqi' ri k'a kikuquban na kik'u'x rik'in re ruwach'ulew, k'a ek'o na pa ruq'a' ri Itzel-Wineq.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

1 Juan 5:21

Rix walk'ual, man k'a ke'iwojqaj ri dios ri xa man e qitzij ta. Kan keri' ta k'a.

1 Juan 5:4

Y roma ri' roj ri oj ralk'ual chik ri Dios, yojch'akon chirij ronojel ri etzelal richin re ruwach'ulew. Y yojch'akon roma qakuquban qak'u'x rik'in ri Jesucristo.

Judas 1:21

Kan man tich'er kan iwi' chire ri ajowabel richin ri Dios. Y tiwoyobej k'a apo ri q'ij toq ri qajaw Jesucristo xtujoyowaj iwech y xtuya' ri ik'aslen man k'isel ta.

Judas 1:24

Kan xaxe chire ri Dios ri qakolonel, ri nitikir yojruchajij richin man yojtzaq ta pa mak y nitikir nuben chiqe chi yojapon chila' chikaj rik'in ch'ajch'ojil y man jun qamak chuwech ri nimalej rajawaren,

Apocalipsis 2:13

Yin wetaman chi ri akuchi ixk'o-wi, chiri' k'o-wi ri rutz'uyubal ri Satanás. Y man rik'in ri', kan ikuquban ik'u'x wik'in y man in imalin ta kan, stape' xitz'et chi ri Antipas ri xutzijoj ri nuch'abel xkamisex chiri' akuchi k'o-wi rachoch ri Satanás.