1 Juan 4:18 - Kaqchiquel Bible

¹⁸ Y roma ri Dios yojrajo' roj, man jun achike roma niqak'en rukiy, roma ri qitzij ajowabel nrelesaj ri xibinri'il. Ri xibinri'il nipe xaxe roma ri ruk'ayewal. Y wi niqak'en rukiy nel chi tzij chi man k'iyineq ta ri rajowabal ri Dios qik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁸ Si ngojojowan achel ndojowan rijaꞌ, maneq roma ndiqaxibꞌij qiꞌ, porque ri tzꞌaqet ajowabꞌel ndirelesaj ri xibꞌriꞌil. Ri wineq ri kꞌa nduxibꞌij riꞌ chi ri Dios nduyaꞌ castigo chare, kꞌajani tzꞌaqet ndojowan.

Kaqchikel Santa Maria de Jesus

¹⁸ Y xa nakajoꞌ ri Dios, man jun chica ruma xtakaxiꞌij-kiꞌ choch. Ruma xa riqꞌuin nojiel kánima nakaꞌan amar, reꞌ nuꞌon chika chi man nakaxiꞌij ta kiꞌ choch ri Dios. Pero ri nuxiꞌij-riꞌ, can kꞌalaj chi man najoꞌn ta riqꞌuin nojiel ránima, y reꞌ nucꞌam-pa castigo.

Kaqchikel Central Guatemala

¹⁸ Y vi can nikajo' c'a ri Dios, man jun achique roma nikaxibij-ki' chuvech. Roma jun tz'aket ajovabel nuben c'a chike chi man nikaxibij ta ki' chuvech ri Dios. Jac'a ri nuxibij-ri' chuvech ri Dios, man tz'aket ta ri ajovabel c'o pa ránima, y re' c'ayef nuben chire.

Re C'ac'a Testamento pa Kach'abal

¹⁸ Y vo xa can nakajo' re Dios, man jun anchique roma xtakaxibij-ki' chach. Roma vo xa can yojovan, jare' re nibano chaka che man nakaxibij-ta-ki' chach re Dios. Jac'a re nuxibij-ri' chach re Dios, can k'alaj che re ránma man can-ta nijovan, y re' can c'ayef nuban cha.

Kaqchikel Western Solola

¹⁸ Y wi can nikajo' c'a ri Dios, majun achique ta ruma nikaxibij ki' chuwech. Ruma jun ajowabel ri can tz'aket nrelesaj el xibinri'il pa tak kánima. Yac'a ri nuxibij ri' chuwech ri Dios, ma tz'aket ta ri ajowabel ri c'o pa ránima, y re' nuc'om pe ruc'ayewal chare.

1 Juan 4:18 ပူးပေါင်းရင်းမြစ်များ

Wuj Richin ri Achin Job 15:21

Xa kan ruyon k'a ch'abel richin xibinri'il ri yerak'axaj; toq jebel eleneq chuwech ronojel jari' toq yepe ri eleq'oma' chirij.

Wuj Richin Bix Chire ri Dios 119:120

Yin kan ninxibij k'a wi' chawech rat Jehová. Ri apixa' kan k'o rejqalen chinuwech yin.

Wuj Richin Bix Chire ri Dios 73:19

Pa jun ramaj k'a xkewuluwu', y roma ri kixibinri'il xke'apon pa kamik.

San Mateo 9:34

Jak'a ri fariseo xa nikibij chirij ri Jesús: Pa rubi' ri Itzel-Wineq yerelesaj ri itzel taq espíritu, yecha'.

Romanos 8:15

Y ri Espíritu ri nuya' ri Dios chiqe man nuben ta chiqe chi oj achi'el jun samajel ri janila nuxibij-ri' chuwech ri rajaw. Pa ruk'exel ri' wakami oj ralk'ual chik rija', y qatata' niqabij chire ri Dios.

2 Timoteo 1:7

Roma ri Dios rubanon chiqe chi man niqaxibij ta qi', kan ruya'on uchuq'a' chiqe, rubanon chiqe chi yojajowan y chi yojtikir niqaq'et-qi' chubanik ri etzelal.

Hebreos 12:28

Y roma ri' tiqamatioxij chire ri Dios chi qichin chik roj ri ajawaren ri man jun nisilon richin. Y rik'in ri matioxinik ri niqaya' chire ri Dios, niqasamajij k'a, kan achi'el ri niqa' chuwech rija'. Y tiqaya' chuqa' ruq'ij.

Santiago 2:19

Rat nanimaj chi kan xaxe jun Dios k'o. Ri' kan yalan utz. Jak'a man xaxe ta ri' ri nik'atzin. Roma ri itzel taq espíritu chuqa' kan nikinimaj chi kan xaxe jun Dios k'o, y kan yebaybot chuwech roma xibinri'il.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.