1 Juan 3:6 - Kaqchiquel Bible

⁶ Y ri jun rubanon rik'in rija' ruya'on chik k'a kan rubanik ri mak. Jak'a wi xa k'a nimakun na, xa man rutz'eton ta ni man retaman ta ruwech rija'.

နောက်ထပ်ဗားရှင်းများ

Kaqchikel Santo Domingo (Xenacoj)

⁶ Konojel ri jumul xe jun kibꞌanun rikꞌin rijaꞌ, kiyoꞌon kan ri mak, pero konojel ri xe mak koma, ma kikꞌoxoman ta achike rijaꞌ, nixta ketaman ri utzulej runoꞌoj.

Kaqchikel Santa Maria de Jesus

⁶ Y quinojiel ri ncaꞌcꞌujieꞌ riqꞌuin ri Cristo, man niquiꞌan ta chic ri pecado. Pero ri nicꞌaj ri cꞌa niquiꞌan pecado, can kꞌalaj chi man quitzꞌatuon ta ni man cataꞌn ta roch jajaꞌ.

Kaqchikel Central Guatemala

⁶ Y vi roj jun kabanon riq'uin rija', kayo'on chic c'a can rubanic ri mac. Pero vi c'a yojmacun na, can nik'alajin chi man ketaman ta ruvech rija'.

Re C'ac'a Testamento pa Kach'abal

⁶ Y vo xa yoj jun kabanon riq'uin reja', kayi'on chic c'a can rubanic re mac. Pero vo xa c'a yojmacun, can k'alaj che man kataman-ta rach reja'.

Kaqchikel Western Solola

⁶ Y quinojel ri xa jun chic quibanon riq'ui ri Cristo, ma yemacun ta chic. Pero wi c'a yemacun na, can nik'alajin chi ma quitz'eton ta ni ma quetaman ta ruwech ri Jesucristo.

1 Juan 3:6 ပူးပေါင်းရင်းမြစ်များ

3 Juan 1:11

Wach'alal, ri yalan yatinwajo': Man tawojqaj ri itzel. Xa tawojqaj ri utz, roma ri nibanon ri utz, kan richin chik ri Dios. Jak'a ri nibanon ri itzel, man retaman ta ruwech ri Dios.

1 Juan 3:9

Roj ri oj ralk'ual chik ri Dios, qaya'on chik k'a kan rubanik ri mak, roma ri Dios xuya' ri ruk'aslen chiqe y xujel ri qach'obonik. Y roma ri k'aslen ri k'o qik'in roj kan rik'in ri Dios peteneq-wi, nuben k'a chiqe chi man chik yeqabanala' ta ri mak.

1 Juan 2:4

Jak'a wi k'o jun xtibin chi retaman ruwech ri Dios, y xa man nutaqej ta ri rupixa', rija' xa man qitzij ta ri nubij, y ri qitzij xa man k'o ta pa ránima.

1 Juan 4:8

Jak'a wi man yojajowan ta, niq'alajin chi man qetaman ta ruwech ri Dios, roma ri Dios kan najowan-wi.

1 Juan 3:2

Wach'alal ri yalan yixinwajo', wakami oj ralk'ual chik ri Dios. Jak'a man jani tiq'alajin ri achike xqojbeok. Xaxe qetaman chi toq xtipe chik jun bey ri Jesucristo, xqojok achi'el rija' roma xtiqatz'et achike rubanik rija'.

1 Juan 5:18

Y qetaman chi roj, ri oj ralk'ual chik ri Dios, qaya'on chik kan rubanik ri mak, roma ri Ruk'ajol ri Dios yojruchajij. Y rik'in ri' ri Itzel-Wineq maneq chik ruq'a' chiqe.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

1 Juan 2:28

Y wakami rix walk'ual, kan jun k'a tibana' rik'in ri Jesucristo, richin chi man xtixibij ta iwi' chuwech toq xtapon ri q'ij toq xtipe chik jun bey y man xkixk'ix ta chuwech toq xtapon ri q'ij ri'.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

1 Juan 2:3

Y wi roj niqataqej ri nubij ri Dios, kan kuqul qak'u'x chi qetaman chik ruwech rija'.