1 Juan 3:20 - Kaqchiquel Bible

²⁰ Jak'a wi niqana' pa taq qánima chi qabanon itzel, ri Dios kan retaman-wi, roma ri ruq'atbal-tzij rija' más nim chuwech ri niqana' roj, y kan retaman ronojel.

နောက်ထပ်ဗားရှင်းများ

Kaqchikel Santo Domingo (Xenacoj)

²⁰ Pero si pa qánima ndiqanaꞌ chi roj aj mak, ri Dios más retaman ke chuwech ri qánima, y ja rijaꞌ ri etamayon nojel.

Kaqchikel Santa Maria de Jesus

²⁰ Y xa nunaꞌ ri kánima chi i-kabꞌanun itziel tak kax, ri Dios más nem choch ri kánima y jajaꞌ rataꞌn nojiel.

Kaqchikel Central Guatemala

²⁰ Y vi nikana' pa tak kánima chi kabanon itzel y xa man que ta ri', ri Dios retaman. Roma rija' can retaman ronojel.

Re C'ac'a Testamento pa Kach'abal

²⁰ Y vo xa nakana' pa tak kánma che c'o jun cosa man otz-ta kabanon y xa man quire-ta, re Dios rutaman. Roma reja' can rutaman-va ronojel.

Kaqchikel Western Solola

²⁰ Y wi nikana' ka pa kánima chi c'o mac kabanon, ri Dios can retaman wi, ruma ri Dios más nim que chuwech ri kánima. Ruma Riya' can retaman ronojel.

1 Juan 3:20 ပူးပေါင်းရင်းမြစ်များ

Wuj Richin ri Achin Job 27:6

Ri ruchojmilal ri nuk'aslen, kan nuchapon kow y man xtinya' ta kan rubanik; keri' ri wánima kan man jun k'a achike ta xtubij chuwe chire ri nubanobal ri q'axineq kan.

Wuj Richin ri Achin Job 33:12

Jak'a yin ninbij chawe chi ronojel k'a re xabij rat xa man utz ta; roma ri wineq xa man jun ok ruq'ij y ri Dios kan janila nim.

Wuj Richin Bix Chire ri Dios 90:8

Ri qamak kan ronojel k'a natz'et-pe. Ri itzel taq qabanobal, kan ronojel k'a tik'il chawech rat.

Wuj Richin ri Jeremías 17:10

Jak'a yin Jehová yitikir nintz'et ri ránima y kan wetaman jebel ronojel. Kan ninya' ri rutojbalil pa kiwi' chikijujunal achi'el ri kibanobal.

Wuj Richin ri Jeremías 23:24

Y roma ri', man yixtikir ta niwewaj-iwi' chinuwech. Yin kan nintz'et ri akuchi ixk'o-wi, roma yin nunojisan ri kaj y ri ruwach'ulew.

San Juan 21:17

Y pa rox bey, ri Jesús xubij chik chire: Rat Simón ri ruk'ajol ri Juan, ¿kan yinawajo'?, xcha'. Ri Pedro kan q'alaj wi k'a chi xpe bis pa ránima, roma ja yan ri' ri rox bey ri xk'utux chire roma ri Jesús. K'ari' ri Pedro xubij: Wajaw, rat kan ronojel k'a awetaman. Kan awetaman k'a chi yatinwajo', xcha'. Y ri Jesús xubij chik chire: Kan ke'ayuq'uj y ke'achajij k'a ri nukarne'l.

San Juan 8:9

Toq ri sujunela' chirij ri ixoq xkak'axaj ri xubij ri Jesús, ri kánima xubij chike chi rije' chuqa' e aj-maki', y xe'eleyaj el ri chiri'. Xenabeyej-el ri rijita'q, y k'ari' xebe ri más k'a e ak'uala'. Xa kan xaxe chik k'a ri Jesús y ri ixoq ri xk'oje' kan.

Hechos 5:33

Toq ri kimolon-ki' chiri' xkak'axaj ri xkibij ri e taqon roma ri Cristo, xyakatej k'a koyowal y xkich'ob chi yekikamisaj.

Romanos 8:34

¿K'a k'o ta kami jun ri nitikir nik'utun chi tiqaqa ruk'ayewal pa qawi'? Man jun; roma ri Cristo xken qoma roj, y xk'astej, y wakami k'o pa rijkiq'a' ri Dios y k'o ri nuk'utuj chire qoma roj.

1 Corintios 4:4

Yin ninna' chi kan jebel nubanon chire ri samaj. Jak'a man roma ta ri' yitikir ninbij chi ronojel ri nubanon, kan utz. K'a ja ri Cristo ri xtitz'eton ri nusamaj, y xtubij wi utz xinben chire ó xa man utz ta.

Tito 3:11

Roma ri nibanon keri', kan niq'alajin-wi chi xa sachineq rik'in ri ruch'obonik, itzel ruk'aslen ruk'uan, y ruyon rija' nroyoj ruk'ayewal pa ruwi'.

Hebreos 4:13

Roma man jun k'a ri nitikir newan-ri' chuwech ri Dios, y ronojel ri k'o kan e tz'etel chuwech rija'. Y chire rija' k'o chi niqajech-wi ronojel ri yeqabanala'.

Hebreos 6:13

Ri ojer kan, toq ri Dios xubij chire ri Abraham chi xtuya' ri rutzil chire, kan pa rubi-qa rija' xuya-wi rutzij chi qitzij xtuya' ri xusuj chire, roma man jun ri más ta nim chuwech ri rubi' rija' richin ninatex.

1 Juan 3:19

Y roma ri yojajowan, niqetamaj chi oj richin ri qitzij Dios, y kuqul qak'u'x yojk'oje' chuwech rija'.

1 Juan 3:21

Roma ri' wach'alal ri yalan yixinwajo', wi niqana' pa taq qánima chi maneq qamak chuwech ri Dios, kan man jun k'a xibinri'il qik'in richin chi yojapon chuwech rija'.

1 Juan 4:4

Rix walk'ual, ri ix richin chik ri Dios y xixch'akon yan chikij, roma ri k'o iwik'in rix, kan más wi nim ke chuwech ri k'o chuwach'ulew.

Apocalipsis 2:23

Y konojel ri ral xkenkamisaj, richin chi tiketamaj konojel ri molaj nimanela', chi yin wetaman ri achike ri nikich'ob y wetaman chuqa' ri k'o pa taq kánima konojel. Y kan achi'el k'a ri ibanobal chi'ijujunal, kan keri' k'a chuqa' ri ruk'exel ri xtik'ul.