1 Juan 3:17 - Kaqchiquel Bible

¹⁷ Jak'a wi k'o jun ri k'o ronojel rik'in ri nik'atzin chire, y nutz'et jun rach'alal ri man jun ruway o rutziaq, y kan man nubij ta ránima richin nuto', kan niq'alajin chi man jun ajowabel richin ri Dios rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Pero si kꞌo jun kꞌo ruchajin chochꞌulew, y ndutzꞌet chi ri ru-hermano maneq ok achike rikꞌin chin nduqꞌasaj rukꞌaslen, y ma ndupoqonaj ta ruwech chin ndutoꞌ, ri jun riꞌ xa maneq rajowabꞌel ri Dios pa ránima.

Kaqchikel Santa Maria de Jesus

¹⁷ Xa cꞌo jun ri cꞌo nojiel riqꞌuin y nutzꞌat jun hermano manak ruvay, o manak rutziak, y man nuꞌej ta ri ránima chi nutoꞌ, can kꞌalaj chi manak ru-amor ri Dios riqꞌuin.

Kaqchikel Central Guatemala

¹⁷ Vi c'o c'a ronojel kiq'uin ri nic'atzin chike, y nikatz'et jun kach'alal ri manek ruvay, o manek rutziak, y can man nubij ta kánima chi nikato', can nik'alajin chi man nikajo' ta ri Dios.

Re C'ac'a Testamento pa Kach'abal

¹⁷ Vo xa c'o ronojel kaq'uin re nic'atzin chaka, y nakatz'at jun hermano che manak ruay, o manak rutziak, y can man nipa-ta pa kánma che nakato', can k'alaj che man nakajo-ta re Dios.

Kaqchikel Western Solola

¹⁷ Yac'a wi c'o jun ri can c'o ronojel riq'ui ri nic'atzin chare, y nutz'et jun kach'alal ri majun ruway, o majun rutziak, y can ma nubij ta ri ránima chi nuto', can nik'alajin chi majun ajowabel riche (rixin) ri Dios riq'ui.

1 Juan 3:17 ပူးပေါင်းရင်းမြစ်များ

Hebreos 13:16

Y man k'a tiqamestaj niqaben ri utz y man tiqamalij kito'ik ri k'o nik'atzin chike. Roma jari' ri sipanik ri niqa' chuwech ri Dios.

1 Juan 4:20

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?

San Lucas 3:11

Ri Juan xubij k'a chike: Achike k'a chiwe rix ri k'o ka'i' rutziaq, tuya' jun chire ri maneq rutziaq. Xabachike k'a chuqa' chiwe rix ri k'o ta wey rik'in, tuya' k'a chuqa' chire ri maneq ruway, xcha' chike.

Wuj Richin Etamabel-Tzij 19:17

Ri kan k'o ri nuya' chire jun wineq ri man jun ok k'o rik'in, xa achi'el jun qajo'n ri nuya' chire ri Jehová, y ri Jehová kan nuya-wi rutzij chi kan nuya' rajel-ruk'exel chikijujunal ri utzil.

Santiago 2:15

Wi ta k'o jun qach'alal ri nik'atzin rutziaq y ruway;

Wuj Richin Etamabel-Tzij 28:9

Ri wineq ri xa pa rubanik nuben chi man nrak'axaj ta ri rupixa' ri Dios, toq nich'on-q'anej rik'in ri Dios, kan man xtak'axex ta ri ruch'owen.

2 Corintios 8:9

Kan iwetaman chik k'a ri rutzil ri qajaw Jesucristo; rija' roma kan janila ri ajowabel k'o rik'in, kan qoma k'a roj xok'oje-qa re wawe' chuwech re ruwach'ulew. Xuya' kan ri rubeyomel, y xok jun wineq ri man jun k'o rik'in richin chi roj niqil ta ri qitzij beyomel.

1 Juan 5:1

Xabachike wineq ri nunimaj chi ri Jesús jari' ri Cristo, kan ralk'ual chik ri Dios. Y toq k'o jun tata'aj ri yalan niqajo', kan yeqajo' k'a chuqa' ri e ralk'ual rija'.

Wuj Richin Etamabel-Tzij 12:10

Ri wineq ri choj ruk'aslen kan yeruquqa' chuqa' ri rawej, richin man nikitej wayjal; jak'a ri winaqi' ri kan e itzel, kan yekiya' pa ruk'ayewal.

Wuj Richin Etamabel-Tzij 14:31

Ri kan nutz'ila' ri xa man jun k'o rik'in, kan nuyoq' ri Dios ri banayon richin; jak'a ri kan utz runa'oj nuben kik'in ri k'o nik'atzin chike, kan nuya' ruq'ij-ruk'ojlen ri Dios.

Wuj Richin Etamabel-Tzij 21:13

Ri wineq ri kan nuben chi man nrak'axaj ta toq nisik'in ri kan man jun ok k'o rik'in; rija' kan keri' k'a xtuk'uluwachij toq k'o ri xtuk'utuj, man jun xtik'uluban-pe ri ruch'abel.

Santiago 2:16

y rat nabij chire chi ja ri Dios xturtisan richin, tukuchu' ri' y tiwa' jebel, jak'a xa man naya' ta el ri nik'atzin chire, wi keri' xa man jun nik'atzin-wi ri xabij.