1 Juan 3:15 - Kaqchiquel Bible

¹⁵ Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁵ Ri jun ri itzel ndutzꞌet ru-hermano, xa achel jun kamisanel keriꞌ. Y rix iwetaman chi jun kamisanel maneq ri kꞌaslen ma ndikꞌis ta rikꞌin.

Kaqchikel Santa Maria de Jesus

¹⁵ Chica-na ri itziel nutzꞌat jun ru-hermano, can junan riqꞌuin jun quimisaniel. Y ixreꞌ ivataꞌn chi man jun cꞌa quimisaniel ri cꞌo ri cꞌaslien ri man niqꞌuis ta riqꞌuin.

Kaqchikel Central Guatemala

¹⁵ Roma ri ye'etzelan richin jun kach'alal e achi'el camisanela'. Y rix ivetaman, chi ri e camisanela' man c'o ta ri c'aslen ri man q'uisel ta ri pa tak cánima.

Re C'ac'a Testamento pa Kach'abal

¹⁵ Roma re ye'tzelan chin jun hermano, je ancha'l re ye'quimisan. Y yex itaman che re ye'quimisan man c'o-ta re c'aslen re man niq'uis-ta pa tak cánma.

Kaqchikel Western Solola

¹⁵ Ruma xabachique ri netzelan ri rach'alal, ri winek ri' can achi'el jun camisanel. Y riyix iwetaman chi majun c'a jun camisanel ri c'o ta ri c'aslen riche (rixin) xtibe k'ij xtibe sek riq'ui.

1 Juan 3:15 ပူးပေါင်းရင်းမြစ်များ

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

Marcos 6:19

Roma ri' ri Herodías kan rajowan-wi k'a rukamisan ta ri Juan, jak'a xa man tikirineq ta chirij,

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

Hechos 23:12

Pa ruka'n q'ij chire ri tich'on ri ajaw Jesucristo rik'in ri Pablo, ek'o k'a chike ri judío ri pan ewel xkich'obola' achike ri xtikiben chire ri Pablo. Kan xkibij chi man xkewa' ta ni man xke'uk'ya' ta, wi man xketikir ta xtikikamisaj. Xkibij chuqa' chi kan ja ta k'a ri Dios ri xtiya'on ruk'ayewal pa kiwi', wi xtikiq'ej ri kitzij.

Hechos 23:14

Rije' xe'apon kik'in ri aj-raqen kichin ri e sacerdote y ri achi'a' ri k'o kiq'ij, y xbekibij chike: Roj qach'obon chik k'a chi niqakamisaj ri Pablo, y kan qabin chik chi man xqojwa-xqojuk'ya' ta, k'a jampe' xqojtikir chirij, y wi xtiqaq'ej ri qatzij ja ta k'a ri Dios xtiya'o-pe ruk'ayewal pa qawi'.

Deut 19:11

Jak'a wi jun achin xa kan retzelan ri rachpochel y kan ruq'eleben y xapon k'a jun q'ij richin nukamisaj, y nanimej-el y nrajo' niberewaj-ri' pa jun chike ri tinamit richin tobel.

Santiago 1:15

Y wi nuya' q'ij chire ri itzel taq rayibel, chiri' nipe-wi ri mak. Y pa ruk'isibel nuk'en-pe kamik.

1 Pedro 1:23

Rix xixalex chik jun bey jak'a man rik'in ta ri xa kamel, xa kan rik'in ri man kamel ta y re' roma ri ruch'abel ri Dios ri kan k'es y man niken ta.

1 Juan 2:11

Jak'a ri netzelan richin jun rach'alal, kan pa q'equ'm k'o-wi, y kan chupan ri' nibiyin-wi. Y man retaman ta akuchi beneq-wi, roma ja ri q'equ'm banayon chire chi moyirineq.

1 Juan 2:9

Y wi k'o jun nibin chi rija' k'o pa saqil, y xa nretzelaj jun rach'alal, niq'alajin chi k'a k'o na pa q'equ'm.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.