1 Juan 2:17 - Kaqchiquel Bible

¹⁷ Jak'a re ruwach'ulew xa xtik'is, y xkek'is chuqa' ronojel ri itzel taq rayinik. Jak'a ri wineq ri nibanon utz chuwech ri Dios man xtik'is ta ruk'aslen. Xa xtik'oje' ruk'aslen ri man k'isel ta.

နောက်ထပ်ဗားရှင်းများ

Kaqchikel Santo Domingo (Xenacoj)

¹⁷ Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.

Kaqchikel Santa Maria de Jesus

¹⁷ Y ri roch-ulief xa xtakꞌax, y xcaꞌqꞌuis nojiel ri itziel tak kax ri ncaꞌrayix. Pero ri nuꞌon ri nrajoꞌ ri Dios, can xticꞌujieꞌ riqꞌuin ri cꞌaslien richin nojiel tiempo.

Kaqchikel Central Guatemala

¹⁷ Y re ruvach'ulef xa xtiq'uis, y xqueq'uis chuka' ronojel ri itzel tak rayinic richin re ruvach'ulef. Jac'a ri vinek ri nibanon utz chuvech ri Dios man xtiq'uis ta ruc'aslen. Xa xtic'oje' ruc'aslen ri man q'uisel ta.

Re C'ac'a Testamento pa Kach'abal

¹⁷ Y re ruch'ulef xa xtiq'uis, y xque'q'uis chuka' ronojel re itzel tak rayibal re jec'o chach re ruch'ulef. Jac'a re vinak re nibano otz chach re Dios can xtic'ue' ruc'aslen re man niq'uis-ta.

Kaqchikel Western Solola

¹⁷ Y re ruwach'ulef xa xtik'ax, y chuka' ronojel ri itzel tak raynic riche (rixin) re ruwach'ulef xa xtiq'uis. Yac'a ri winek ri can nuben ri ruraybel ri Dios, can xtic'oje' ruc'aslen riche (rixin) xtibe k'ij xtibe sek.

1 Juan 2:17 ပူးပေါင်းရင်းမြစ်များ

Wuj Richin Bix Chire ri Dios 102:26

Ronojel re' xa xkek'is, jak'a rat kan beneq k'a ruwech atk'o. Ronojel xa xkerijix, achi'el nuben jun tzieq. Rat kan naben k'a chire ronojel chi achi'el jun tzieq ri xa nijal kan y kan yejalatej k'a el.

Wuj Richin Bix Chire ri Dios 143:10

Tak'utu' chinuwech chi ninben ri niqa' chawech, roma kan ja rat ri at nu-Dios; rik'in ri awajowabal xkinayuqej chupan ri ruchojmilal.

Wuj Richin Bix Chire ri Dios 39:6

Kan qitzij na wi chi ri nuk'aslen xa kan chi'anin niq'ax achi'el jun mach'ach'il. Ri nukosik xa kan man jun rejqalen. Xinmol janila chi beyomel, jak'a man wetaman ta ri achike xtichinan kan.

Wuj Richin Bix Chire ri Dios 90:9

Ri q'ij chire ri qak'aslen xa kan beneq pa xulan roma rat nipe awoyowal chiqe. Ronojel juna' ri niqaq'axaj, xa achi'el ok jun ch'obonik.

Wuj Richin Etamabel-Tzij 10:25

Roma ri' toq nipe ruk'ayewal chirij ri banoy etzelal, jari' ri nuk'uan-el richin, jak'a ri wineq ri choj ruk'aslen, kan ja ri Dios ri kow nichapo richin.

San Mateo 21:31

¿Achike chike ri ka'i' ri xbanon ri rurayibel ri rutata'?, xcha'. Y ri achi'a' ri' xkibij chi ja ri nabey. Ri Jesús xubij k'a chike: Kan qitzij k'a ninbij chiwe chi ri winaqi' e moloy méro ri k'o chi nitoj chire ri q'atbel-tzij y ri ixoqi' ri man utz ta kik'aslen, xa ja chik k'a rije' ri xkenabiyej chiwech richin ye'ok pa rajawaren ri Dios.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

San Mateo 7:21

Man konojel ta k'a ri winaqi' ri yebin chuwe ¡Wajaw! ¡Wajaw! ri xke'ok chupan ri aj-chikajil ajawaren. Roma xa kan xaxe ri winaqi', ri rik'in ronojel kánima nikiben ri rurayibel ri nata' ri k'o chila' chikaj, ri xke'ok chupan ri ajawaren ri'.

Marcos 3:35

Roma kan konojel k'a ri yebanon ri rurayibel ri Dios, jari' ri ye'ok nte', wana' y wach'alal, xcha' ri Jesús.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

San Juan 6:58

Ri kan qitzij wey ri qajineq-pe chila' chikaj, ri wey ri' kan man junan ta rik'in ri aj-chikajil-wey ri xkitej ri iwati't-imama', roma ri wey ri xkitej rije' man xtikir ta xuben chike chi xk'oje' ta kik'aslen richin jantape'. Jak'a ri nikitej ri qitzij wey ri qajineq-pe chila' chikaj xtik'oje' kik'aslen ri kan richin jantape', xcha'.

San Juan 7:17

Ri wineq ri kan k'o rayibel rik'in richin nuben ri nrajo' ri Dios, ri wineq ri' kan xtretamaj k'a wi ri tijonik ri ninya' yin, kan rik'in ri Dios peteneq-wi o xa nuyon nutz'ukun-el.

Romanos 12:2

Man titzeqelibej ri kik'aslen ri winaqi' ri k'a kikuquban na kik'u'x rik'in re ruwach'ulew. Xa kan tiya' q'ij chire ri Dios richin nujel ri ich'obonik, richin keri' kan tijalatej k'a chuqa' rubanik ri ik'aslen. Y keri' xtiwetamaj ri achike nrajo' ri Dios chi niqaben. Ri nrajo' rija': Ja ri utz, ri jebel y ri choj.

1 Corintios 7:31

Y keri' chuqa' ri winaqi' ri nikiben jalajoj ruwech samaj ri e richin re ruwach'ulew, man k'a tikiya' q'ij chi jari' ri nibanon chike chi man nikiben ta chik ri achike nrajo' ri Dios, roma ronojel ri e richin re ruwach'ulew xa e q'axel.

Colosenses 1:9

Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Colosenses 4:12

Ri Epafras nuteq-el rutzil-iwech. Y rix jebel iwetaman ruwech rija' roma chila' iwik'in rix peteneq-wi, y jun utzilej rusamajel ri Cristo. Rija' rik'in ronojel ránima nich'on rik'in ri Dios iwoma rix, richin chi rix kan xtikuqer ta ik'u'x, chi kan ta xtitz'aqet ri ik'aslen y kan ta xtiben ronojel ri nrajo' ri Dios.

1 Tesalonicenses 4:3

Qach'alal, ri Dios nrajo' k'a chi rix nich'er ta iwi' chuwech ronojel ri man utz ta, ri achi'a' y ri ixoqi' man tikikanola-ki' richin yemakun.

1 Tesalonicenses 5:18

Kixmatioxin chire ri Dios toq utz ixk'o, y toq ixk'o pa jun ruk'ayewal, roma keri' nrajo' ri Dios chi niben rix ri ix richin chik ri Cristo Jesús.

Hebreos 10:36

Kan nik'atzin k'a chi yixkoch'on, y rik'in ri', rix niben ri rurayibel ri Dios, y nik'ul ri utzil ri rusujun chiwe.

Santiago 4:14

Chiwech rix jebel ri ich'obonik, jak'a xa man iwetaman ta achike xtik'uluwachij ri chua'q-kabij. Roma ri qak'aslen xa achi'el jun ti sib ri nik'oje-el juba', y xa chi'anin nik'is-el.

1 Pedro 1:5

Y roma qakuquban qak'u'x rik'in ri Dios, roma ri' rija' kan yojruchajij rik'in ruchuq'a', richin keri' ri kolotajik ri kan qichin chik roj, kan xtiqichinaj-wi chupan ri ruk'isbel taq q'ij.

1 Pedro 4:2

richin keri' janipe' chik q'ij ri xkixk'ase-el, ja ta ri rurayibel ri Dios ri niben-el y man ja ta ri nirayij rix.