1 Crón 9:24 - Kaqchiquel Bible

²⁴ Rije' nikichajij chi kaji' ruchi' ri rachoch ri Dios: Pa relebel-q'ij, pa qajbel-q'ij, pa xaman y pa xokon.

1 Crón 9:24 ပူးပေါင်းရင်းမြစ်များ

2 Rey 7:10

Xebe k'a, y xesik'in-apo chike ri chajinela' richin ri ruchi' ri tinamit, y xkibij-apo chike: Roj xojbe akuchi ek'o-wi-qa ri aj-Siria, y xqatz'et kan chi man jun chik wineq k'o chiri', ni man jun chik ch'abel xqak'axaj; xaxe chik k'a ri kiej y ri bur ri e ximil kan chiri'. Ri akuchi xek'oje-wi, kan man jun naqon chire, xecha'.

1 Crón 9:23

Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben.

1 Crón 9:25

Ri kach'alal ri ek'o pa kokoj tinamit ye'apon kik'in richin yebekito' chupan re samaj re', y kan chi sol chi sol nikiben wuqu' q'ij.

2 Crón 8:14

Ri Salomón chuqa' xuya' pa ruchojmilal ri kisamaj ri e sacerdote. Chuqa' keri' xuben kik'in ri e levita ri yek'oje' pa kiwi' ri nikiya' ruq'ij ri Jehová y yekito' ri e sacerdote rik'in ri nik'atzin chike q'ij-q'ij. Chuqa' keri' xuben kik'in ri yechajin ronojel ri ruchi' ri rachoch ri Jehová; y ronojel re' xuben achi'el rubin kan ri David ri rutata', ri rusamajel ri Dios.