23 Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben.
Y keri' ri e levita kan xkiben k'a ri xbix chike richin ri rachoch ri Dios richin molojri'il y chuqa' richin ri jay ri akuchi k'o-wi ri Dios. Re levita re' xek'oje' chuxe' kitzij ri e rijatzul kan ri Aarón.
Ri kajlabal ri chajinela' ri' e 212. Y rije' tz'iban k'a kibi', kan achi'el ri kijatzul ri pa taq kitinamit. Ja ri rey David y ri Samuel ri nitz'eton ri peteneq, ri xecha'on kichin richin ri samaj ri'.
Y k'ari' ri sacerdote kan xe'ok k'a samajela' richin ri Dios y xkich'ajch'ojirisaj-ki'. Chuqa' xekich'ajch'ojirisaj ri bixanela' y ri chajinela'. Xkiben k'a ri kisamaj achi'el ri rupixa' ri David y ri Salomón ri ruk'ajol.