1 Crón 9:22 - Kaqchiquel Bible

²² Ri kajlabal ri chajinela' ri' e 212. Y rije' tz'iban k'a kibi', kan achi'el ri kijatzul ri pa taq kitinamit. Ja ri rey David y ri Samuel ri nitz'eton ri peteneq, ri xecha'on kichin richin ri samaj ri'.

1 Crón 9:22 ပူးပေါင်းရင်းမြစ်များ

1 Sam 9:9

Ri ojer kan ri pan Israel xabachike k'a nibe richin niberuk'ulubej ri Dios y kere' k'a nubij: Kixanpe y jo' rik'in ri nitz'eton ri peteneq chiqawech-apo, yecha'. Jak'a re wakami nibix Q'alajirisey ruch'abel ri Dios chire.

1 Crón 28:13

Chuqa' xuya' kan ri rubanik ri jay kichin ri sacerdote y ri levita toq yesamej chupan ri rachoch ri Dios, y keri' chuqa' xuya' kan ri rubanik ri akuchi yeyak-wi ri samajibel ri ye'ukusex toq niya'ox ruq'ij ri Dios.

Wuj Richin ri Nehemías 12:44

Chupan ri q'ij ri' xecha'ox kan achi'a' richin nikichajij ri jay richin ri beyomel, richin ri sipanik, richin ri nabey taq ruwech tiko'n, richin ri jun chire ri lajuj chire ri kich'akoj, roma ri winaqi' k'o chi nikik'en-pe juba' chire ronojel ri nipe pa taq juyu' y pa taq tinamit, richin nich'ar chike ri sacerdote y ri levita, y roma ri' ri winaqi' judío janila yekikot kik'in re sacerdote y re levita re'.

Wuj Richin ri Nehemías 11:36

Y chuqa' ek'o jujun chike ri levita xkik'ul kulew chupan ri ruwach'ulew Judá y pa ruwach'ulew Benjamín.

2 Crón 31:18

Chupan ri wuj ri' tz'iban kan kibi' konojel ri ixjayilonela', ri neneya', y konojel ri ch'aqa' chik alk'ualaxela'. Kere' xbanatej roma ri e levita kan rik'in ronojel kánima kijachon-ki' chubanik ri samaj.

2 Crón 31:15

Chuqa' xesamej chik e waqi' achi'a' rik'in ri Coré richin xkitaluj ri sipanik pa kitinamit ri e levita. Jare' ri kibi' ri achi'a': Ri Edén, Miniamín, Jesús, Semaías, Amarías y Secanías. Ja rije' yejachon chike ri e levita rik'in ruchojmilal, y nikiya' chike achi'el rubanik ri kitzobaj, nitiker-el rik'in ri más nim k'a ri más ch'uti'n.

1 Crón 28:21

Jare' ri sacerdote y ri levita ri xkesamej chi sol chi sol chupan ri rachoch ri Dios. Y chire ronojel re samaj xtak'ul to'onik kichin ri nima'q taq achi'a' ri k'o ketamabal richin xabachike samaj; y ri e tata'al y chijun ri tinamit kan xtikinimaj ronojel ri xtabij chike, xcha' ri David.

1 Crón 9:31

Y jun levita rubini'an Matatías, ri nimalaxel ruk'ajol ri Salum ri coreíta, ja rija' nibanon ponon kaxlan-wey richin ri sipanik.

1 Crón 9:16

ri Abdías ruk'ajol kan ri Semaías y rumam kan ri jun chik Galal, y rija' ruk'ajol kan ri Jedutún; y ri Berequías ruk'ajol ri Asá y rumam ri Elcaná, y ri Elcaná xk'oje' pa ko'ol tinamit kichin ri netofatita.

1 Crón 9:23

Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben.

2 Crón 23:19

Chuqa' xeruya' chajinela' chuchi' ri rachoch ri Jehová, richin man ye'ok ta ok ri man kich'ajch'ojirisan ta ki'.

1 Crón 29:29

Ronojel k'a ri rubanobal ri rey David, ri xeruben pa rutikeribel k'a pa ruk'isibel, e tz'ibatel kan chupan ri wuj kichin ri rey, koma ri Samuel ri nitz'eton ri peteneq, ri Natán y ri Gad ri e q'alajirisey ruch'abel ri Dios.