1 Crón 9:1 - Kaqchiquel Bible

¹ Keri' toq konojel ri israelita xtz'ibatej kan ri kibi' chupan ri wuj kichin ri rey e richin Israel. Jak'a ri aj-Judá xe'uk'uex-el pa ruwach'ulew Babilonia, roma man xkiben ta ri nubij ri Jehová.

1 Crón 9:1 ပူးပေါင်းရင်းမြစ်များ

Wuj Richin ri Nehemías 7:64

Re winaqi' re' xkikanoj ri kibi' y ri kijatzul chupan ri wuj richin bi'aj, jak'a man xkil ta. Y roma ri' man xe'ukusex ta richin yesamej chupan ri rachoch ri Dios.

Wuj Richin ri Nehemías 7:5

Ri Dios xuya' k'a pa wánima richin chi yenmol ri nima'q taq achi'a', ri aj-raqen pa kiwi' ri tinamit y chuqa' konojel ri winaqi' ri ek'o richin chi nitz'ibex kibi' achi'el ri kijatzul. Y xinwil k'a jun wuj ri akuchi tz'ibatel-wi kan ri kibi' konojel ri winaqi' ri e tzolejineq-pe nabey.

Wuj Richin ri Esdras 2:59

Ri e rijatzul kan ri Delaías, ri Tobías y ri Necodá xejote-el pa tinamit Tel-mélah, Tel-harsá, Querub, Adón y pan Imer. Y rije' man xetikir ta xkijikiba' ri e achike ri kite-kitata', ni ri kitzobaj, o wi kan e israelita. Y ri kajlabal rije' e 652.

Dn 1:2

Y ri Dios kan xujech k'a ri Joaquim y ri e ruwinaq israelita pa ruq'a' ri Nabucodonosor; keri' chuqa' ri jalajoj ruwech samajibel ri ek'o chupan ri rachoch ri Dios. Y ronojel ri samajibel ri' ri Nabucodonosor xberuya' kan pa ruwach'ulew Babilonia, y xeruyek kan chupan ri yakonabel richin ri rachoch ri ru-dios.

Wuj Richin ri Jeremías 39:9

Y ri Nebuzaradán ri k'o pa kiwi' ri aj-labal, xeruk'uaj-el pa Babilonia ri winaqi' ri k'a ek'o kan chupan ri tinamit, chuqa' ri winaqi' ri xkijech-ki' pa kiq'a' rije' y xeruk'uaj-el chuqa' konojel winaqi' richin ri ruwach'ulew.

2 Crón 33:11

Y roma ri' ri Jehová xeruk'en-pe aj-raqen kichin ri aj-labal aj-Asiria chikij. Xkixim k'a el ri Manasés rik'in cadena ri banon rik'in q'enq'oj-pueq, y k'ari' xkik'uaj-el pa Babilonia.

1 Crón 8:40

Ri e ruk'ajol ri Ulam e aj-labal ri kan k'o kuchuq'a'. Rije' man jun xibinri'il chikiwech y janila yetikir nikik'eq ch'ab. Kan xek'oje' janila kalk'ual y kiy-kimam. Konojel rije' e 150 y e rijatzul kan ri Benjamín.

1 Rey 14:19

Ri ch'aqa' chik rubanobal ri Jeroboam, achi'el ri oyowal ri xeruben y ri rubanik ri ruq'atbal-tzij; ronojel re' e tz'ibatel kan chupan ri Wuj Ri Cholan Nich'on pa kiwi' ri rey.

2 Rey 24:14

Y ri Nabucodonosor xeruk'uaj-el konojel winaqi' aj-Jerusalem: Ri aj-labal y ri aj-raqen ri ek'o pa kiwi' rije' y ri achi'a' ri jalajoj ruwech kisamaj. Konojel k'a ri aj-Jerusalem ri xe'uk'uex-el, e 10,000. Y xaxe chik ri winaqi' ri man jun k'o kik'in ri xek'oje' kan chupan ri ruwach'ulew Judá.

2 Rey 24:15

Ri Nabucodonosor xeruk'uaj pa Babilonia ri Joaquín, ri rute', ri e rixjayil, ri e aj-raqen richin rija' y ri achi'a' ri kan k'o janila kiq'ij chuwech ri ruwach'ulew ri'. Kan xerelesaj-el chiri' pa Jerusalem y xeruk'uaj-el k'a pa Babilonia.

2 Rey 24:16

Xeruk'uaj k'a e 7,000 aj-labal, y e 1,000 achi'a' ri jalajoj ruwech kisamaj.

Wuj Richin ri Esdras 2:1

Kere' k'a xbanatej toq xetzolej pa Jerusalem y pa ruwach'ulew Judá; chikijujunal xetzolin pa taq kitinamit. Y konojel rije' e kijatzul ri wineq israelita ri xe'uk'uex-el pa Babilonia roma ri Nabucodonosor, rey richin ri ruwach'ulew ri'.

Wuj Richin ri Nehemías 11:1

Ri aj-raqen xek'oje' kan pa Jerusalem, jak'a ri ch'aqa' chik winaqi' man jun akuchi yek'oje-wi. Roma ri' xkiben jun sakinik richin xkinabej achike ri yek'oje' kan pa Jerusalem. Y xbanatej k'a chi jun jay wineq chire ri lajuj yek'oje' kan chiri', jak'a ri ch'aqa' chik xebek'oje' pa taq ch'aqa' chik tinamit.

Wuj Richin ri Isaías 3:2

Chuqa' xkerelesaj-el ri achi'a' ri maneq xibinri'il chikiwech, ri e aj-labal, ri to'onela', ri e q'alajirisey ruch'abel ri Dios, ri nubananej chi retaman ri peteneq chiqawech-apo, ri e rijita'q taq achi'a' ri k'o kiq'ij,

Wuj Richin ri Jeremías 13:19

Konojel ri tinamit ri ek'o pa xaman, xsutix yan kij y man jun achike ri nitikir ri niq'ax. Ri winaqi' aj-Judá xke'uk'uex-el pa ximonri'il y kan man jun ri xtik'oje' kan.