1 Crón 6:71 - Kaqchiquel Bible

⁷¹ Ri e rijatzul kan ri Guersón xya'ox kan chike ri tinamit Golán ri k'o pa ruwach'ulew Basán y ri tinamit Astarot rik'in ri kisoq'olbal. Y ri tinamit ri' ek'o pa ruwach'ulew kichin ri tzobaj richin kan ri Manasés ri k'o pa relebel-q'ij chire ri raqen-ya' Jordán.

1 Crón 6:71 ပူးပေါင်းရင်းမြစ်များ

1 Crón 6:70

Y ri ch'aqa' chik rijatzul kan ri Quehat xya'ox kan chike ri tinamit Aner y ri Bileam rik'in ri kisoq'olbal, y ri tinamit ri' ek'o pa ruwach'ulew kichin ri tzobaj richin kan ri Manasés.

1 Crón 6:72

Chuqa' xya'ox kan chike ri tinamit Quedes, Daberat, Ramot y Anem, rik'in ri kisoq'olbal. Y ri tinamit ri ek'o pa ruwach'ulew kichin ri tzobaj richin kan ri Isacar.

Deut 1:4

Y re' xubij ri Moisés toq xeruch'ek yan kan ri Sihón ki-rey ri winaqi' amorreo ri chiri' pa tinamit Hesbón, y ri Og rey richin ri ruwach'ulew Basán ri chiri' pa tinamit Edrei y Astarot.

Deut 4:43

Richin ri rutzobaj kan ri Rubén, k'o ri tinamit Béser ri k'o pa taq'aj richin ri tz'iran ruwach'ulew. Richin ri rutzobaj kan ri Gad, k'o ri Ramot pa Galaad. Y richin ri nik'aj tzobaj richin ri Manasés k'o ri Golán pa Basán.

Wuj Richin ri Josúe 13:31

y chuqa' ri nik'aj ruwach'ulew ri Galaad, ri tinamit Astarot, ri tinamit Edrei. Ronojel re' xok kichin ri nik'aj tzobaj richin ri rijatzul kan ri Manasés ri rutata' ri Maquir, xek'uluman achi'el ri kajlabal chi kach'alal-ki'.

Wuj Richin ri Josúe 20:8

Y ri juk'an chik ruchi' ri raqen-ya' Jordán, chuwech-apo ri tinamit Jericó, xkicha' k'a ri tinamit Béser, ri k'o pa tz'iran ruwach'ulew, y re' k'o pa taq'aj chupan ri kiruwach'ulew ri tzobaj richin ri Rubén; y chupan ri ruwach'ulew Galaad xkicha' ri tinamit Ramot ri kichin ri tzobaj richin ri Gad; y chupan ri ruwach'ulew Basán xkicha' ri tinamit Golán, y re' kichin ri tzobaj richin ri Manasés.

Wuj Richin ri Josúe 21:27

Ri e rijatzul kan ri Guersón, ri rijatzul kan ri Leví, xya'ox ka'i' tinamit chike koma ri nik'aj tzobaj richin ri Manasés: Ri tinamit Beesterá y ri tinamit Golán ri k'o pa ruwach'ulew Basán. Y ri Golán ri' jun tinamit richin tobel kichin ri winaqi' ri chaq k'ate' nikiben jun kamik: Ri ka'i' tinamit ri' rik'in kisoq'olbal.

Wuj Richin ri Josúe 21:6

Y ri rijatzul kan ri Guersón xkik'ulumaj kan rik'in ri sakinik jujun tinamit ri xsipex kan koma ri tzobaj richin ri Isacar, ri Aser, ri Neftalí y ri nik'aj chik chire ri tzobaj richin ri Manasés ri k'o pa ruwach'ulew Basán: Ronojel ri xkik'ulumaj kan e oxlajuj tinamit.

Wuj Richin ri Josúe 9:10

y ronojel ri xuben kik'in ri e ka'i' rey kichin ri amorreo, ri ek'o juk'an chire ri raqen-ya' Jordán, nel chi tzij: Ri Sihón rey richin ri tinamit Hesbón y ri Og rey pa ruwi' ri ruwach'ulew Basán, y pa ruwi' ri tinamit Astarot.