1 Crón 6:49 - Kaqchiquel Bible

⁴⁹ Ri Aarón y ri rijatzul ja rije' ri yesuju chikop ri niporox chijun y chuqa' nikiya' pom pa ruwi' ri porobel-pom. Chuqa' nikiben ronojel ruwech samaj chiri' chupan ri jay ri akuchi kan man jun wineq nok-apo roma chiri' k'o-wi ri Jehová, ri akuchi ri Jehová nuk'en chik kiwech ri winaqi' aj-Israel, achi'el ri rubin kan ri Moisés, ri rusamajel ri Dios.

1 Crón 6:49 ပူးပေါင်းရင်းမြစ်များ

Wuj Richin ri Chojmirisabelri'il 4:20

Ri nuben rik'in re wákix re', achi'el toq ri nimalej sacerdote nusuj ri kamelabel richin kuyubel-mak, y keri' xtikuyutej k'a ri kimak ri winaqi', y yin xtink'en chik kiwech.

Wuj Richin ri Achin Job 33:24

Ri ángel ri' kan xtubij k'a chire ri Dios chi tujoyowaj ruwech, y man tuya' q'ij chi nibe chupan ri jul richin kamineq, roma xa k'o chik ri nitikir nikolon richin chuwech ri kamik ri'.

Ex 29:33

Xaxe k'a rije' ri utz xketijo ri kik'uan-apo chuwech ri Jehová, ri sipanik ri xkisuj roma ri kimak y roma ri xejach kan chupan ri kisamaj. Y kan man jun k'a wineq ri ruk'amon ta chi nitijo ri sipanik ri', roma ri sipanik ri' kan jachon chire ri Jehová.

Wuj Richin ri Josúe 1:1

Kere' k'a xbanatej chirij ri rukamik ri Moisés: K'o k'a jun achin rubini'an Josué ruk'ajol kan ri Nun y ri achin ri' ja rija' ri to'onel richin ri Moisés ri rusamajel ri Jehová; y toq kamineq chik el ri Moisés, ri Jehová xubij chire ri Josué:

Deut 34:5

Y keri' ri Moisés, ri rusamajel ri Jehová, xken pa ruwach'ulew Moab, kan achi'el rubin ri Jehová chire.

Wuj Richin ri Q'axanri'il 16:16

Y ri Moisés xch'on chik rik'in ri Coré y xubij chire: Rat y konojel ri winaqi' ri e tzeqelibeyon awichin, xkixoqaqa k'a chuwech ri Jehová ri chua'q; y ri Aarón kan xtoqaqa chuqa' re wawe'.

Wuj Richin ri Q'axanri'il 15:25

Y jari' k'a toq ri sacerdote xtusuj ri kamelabel, richin keri' nikuyutej imak y yin kan xtink'en chik iwech. Re' xtibanatej toq xtik'en-pe re jalajoj ruwech kamelabel re'.

Wuj Richin ri Chojmirisabelri'il 1:5

Y ri rajaw ri wákix kan chinuwech k'a yin xtukamisaj-wi; y ri sacerdote ri e ruk'ajol ri Aarón xtikik'ul k'a ri kik' y xtikichikaj chi kaji' ruxikin ri porobel ri k'o chuchi' ri wachoch; y keri' xtikisuj ri kik' chuwe.

1 Crón 6:48

Jak'a ri ch'aqa' chik levita xecha'ox richin chi nikiben ch'aqa' chik ruwech samaj ri chiri' pa rachoch ri Dios ri banon rik'in tzieq.